ເພື່ອເປັນການເຊື່ອມຊຶມ ແລະ ຜັນຂະຫຍາຍແນວທາງຂອງພັກໃຫ້ແກ້ສະມາຊິກພັກໃໝ່ໄດ້ຮັບຮູ້ກຳແໜ້ນ ໃນການພາຂອງພັກເປັນໄລຍະ ຕອນເຊົ້າວັນທີ 27 ມີນາ 2024 ນີ້ຄະນະໂຄສະນາອົບຮົມ ເມືອງວຽງໄຊ ໄດ້ຈັດ ພິທີອົບຮົມໃຫ້ສະມາຊິກພັກ ສົມບູນໃໝ່ຢູ່ບັນດາໜ່ວຍພັກທົ່ວເມືືອງ ວຽງໄຊ ຄັ້ງທີ 02 ປະຈຳປີ 2024; ຂື້ນຢູ່ທີ່ ສະໂມສອນເມືອງ ວຽງໄຊ ພາຍໃຕ້ການເປັນປະທານພິທີຂອງ ສະຫາຍ ສີວິໄລ ພັນທິລາ ຄະນະປະຈຳພັກເມືອງ ຫົວໜ້າຄະນະໂຄສະນາອົບຮົມເມືອງ ວຽງໄຊ ມີສະມາຊິກພັກ ສົມບູນໃໝ່ເຂົ້າຮວ່ມເຝິກອົບຮົມທີ່ມາຈາກໜ່ວຍ ພັກສຳນັກງານ; ໂຮງຮຽນທັງໝົດ 24 ສະຫາຍ; ຍິ່ງ 15 ສະຫາຍ ເຊິງພິທີອົບຮົມສະມາຊິກພັກ ຄັ້ງນີ້ໄດ້ຮັບຟັງ ການບັນລະຍາຍເອກະສານຈາກ ສະຫາຍ ສີວິໄລ ພັນທີລາ ຄະນະປະ ຈຳພັກເມືອງ ຫົວໜ້າຄະນະໂຄສະນາອົບຮົມ ເມືອງ ແລະ ສະຫາຍ ສິມໄຊ ເພັດພິມທອງ ຮອງຫົວໜ້າ-ຄະນະໂສນາອົບຮົມ ຈຳນວນ 4 ບົດຄື:
ບົດທີ 1: ເສີມຂະຫຍາຍມູນເຊື້ອຂອງພັກ
ບົດທີ 2: ຍົກສູງຄວາມສາມາດການຳພາຂອງພັກ
ບົດທີ 3: ສະກັດກັ້ນ ແລະ ແກ້ໄຂປະກົດການຫຍໍ້ທໍ້
ບົດທີ 4: ເຝິກຝົນຫຼໍ່ຫຼອມຄຸນສົມບັດສິນທຳປະຕິບັດ
ຜ່ານການອົບຮົມເຮັດໃຫ້ນັກສຳມະນາກອນໄດ້ຮັບຮູ້ເຂົ້າໃຈຕໍ່ວຽກງານການເມືອງແນວຄິດວຽກງານພັກ-ພະນັກງານນຳເອົາເນື້ອໃນການເຝິກອົບຮົມໃນຄັ້ງນີ້ໝູນໃຊ້ເຂົ້າໃນວຽກງານ ແລະ ສາມາດນຳໄປຈັດປະຕິບັດເຂົ້າ ໃນວຽກງານຕົວຈິງໄດ້
