ວັນທີ 1 ມີນາ 2024 ນີ້, ຄະນະໂຄສະນາອົບຮົມແຂວງ ໄດ້ຈັດ ກອງປະຊຸມສະຫຼຸບວຽກງານໂຄສະນາອົບຮົມປະຈຳປີ 2023 ແລະ ທິດທາງແຜນການປະຈຳປີ 2024 ຂື້ນຢູ່ທີ່ຫ້ອງປະຊຸມຊັ້ນ 5 ຕຶກສຳນັກງານອົງການປົກຄອງ ແຂວງຫົວພັນ ໂດຍໃຫ້ກຽດເປັນປະທານຂອງ ທ່ານ ປອ ຄຳແພງ ໄຊສົມແພງ ກຳມະການສູນກງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫົວພັນ ມີພາກສ່ວນທີ່ກ່ຽວຂ້ອງ ຄະນະປະຈຳພັກແຂວງ, ສະພາປະຊາຊົນແຂວງ, ກຳມະການພັກແຂວງ, ເລຂາພັກເມືອງ ເຈົ້າເມືອງ 10 ເມືອງ, ຫົວໜ້າພະແນກການ, ອົງການທຽບເທົ່າ, ອົງການຈັດຕັ້ງມະຫາຊົນ, ບັນດາ ອຳນວຍການລັດວິສາຫະກິດ, ແລະ ຫ້ອງການຄະນະໂຄສະນາອົບຮົມ 10 ເມືອງ ທົ່ວແຂວງເຂົ້າຮ່ວມ.
ໃນໄລຍະ 1 ປີຜ່ານມາ, ຄະນະພັກ, ຄະນະໂຄສະນາອົບຮົມແຂວງໄດ້ເອົາໃຈໃສ່ເຮັດວຽກງານການເມືອງ-ແນວຄິດດ້ວຍການນຳເອົາແນວທາງຂອງພັກ, ມູນເຊື້ອຂອງຊາດ ແລະ ສາກົນຕ່າງໆໃນແຕ່ລະໄລຍະ ຈັດຕັ້ງເຊື່ອມຊຶມ ແລະ ຜັນຂະ ຫຍາຍບັນດາ ມະຕິຄຳສັ່ງ ແລະ ວັນສໍາຄັນຕ່າງໆ ຂອງພັກ, ຂອງຊາດ ລົງຈັດຕັ້ງຜັນຂະຫຍາຍ ແລະ ຊຸກຍູ້ຕິດຕາມ, ກວດກາ ການເຄື່ອນໄຫວວຽກງານໂຄສະນາອົບຮົມນໍາພາແບບແຜນດຳເນີນສ່ອງແສງລາຍງານສະພາບແນວຄິດຂອງພະນັກງານ ແລະ ການຈັດຕັ້ງດຳເນີນ 4 ແຜນງານ 6 ໂຄງການ ປະຕິດບັດໄດ້ 3 ໂຄງການ ໂດຍສະເພາະ ແມ່ນວຽກງານໂຄສະນາ, ວຽກງານສຶກສາອົບຮົມ, ວຽກງານຄົ້ນຄວ້າສັງລວມ-ຫາງສຽງ-ສັງຄົມ ແລະ ຂໍ້ມູນຂ່າວສານ ເອົາໃຈໃສ່ຕິດຕາມ, ເກັບກຳສະພາບການເຄື່ອນໄຫວເຮັດວຽກງານສຶກສາອົບຮົມພານໍາພາ-ແນວຄິດ ຂອງ ຄະນະພັກ, ຄະນະນໍາແຕ່ລະຂັ້ນ ແລະ ວຽກງານໂຄສະນາອົບຮົມສະຫຼຸບສັງລວມລາຍງານການຈັດຕັ້ງປະຕິບັດແຜນການ, ການວາງແຜນການປະຈຳອາທິດ, ປະຈຳເດືອນ, ໄຕມາດ, ປະຈຳປີ ລາຍງານໃຫ້ຂັ້ນເທິງເປັນປົກກະຕິ, ສັງລວມການເຄື່ອນໄຫວວຽກງານການເມືອງແນວຄິດ, ວຽກງານໂຄສະນາອົບຮົມເນື້ອໃນດໍາເນີນກອງປະຊຸມແຕ່ລະໄລຍະ, ບົດປະກອບຄຳເຫັນ, ບົດວິທະຍາສາດ, ບົດໂອລົມຕ່າງໆທັງພາຍໃນ ແລະ ຕ່າງປະເທດ ໃຫ້ແກ່ຄະນະພັກ, ທັງຕິດຕາມຊຸກຍູ້ການສະຫຼຸບແຜນການ ແລະ ການວາງແຜນການວຽກງານຂອງຄະນະໂຄສະນາອົບຮົມຂັ້ນເມືອງ. ລາຍງານຫາງສຽງຈາກຕາໜ່າງເພື່ອນຮ່ວມງານ ທັງໝົດມີ 36 ເລື່ອງ, ມີ 13 ຫາງສຽງ, ມີ 4 ເລື່ອງ, ມີ 18 ຄຳສະເໜີ, ໃນນັ້ນ,ໄດ້ນໍາສະເໜີໃຫ້ຄະນະພັກຂັ້ນເທິງເຮັດວຽກງານສຶກສາອົບຮົມນໍາພາແນວຄິດ, ດຳເນີນກອງປະຊຸມຮັບການສ່ອງແສງລາຍງານປະຈຳເດືອນຂອງຄະນະກຳມະ ການຄົ້ນຄວ້າ,ວິເຄາະ,ວິໄຈຫາງສຽງ ສັງຄົມໄດ້ 6 ຄັ້ງ, ມີຜູ້ເຂົ້າຮ່ວມ 67 ເທື່ອຄົນ; ຍິງ 21 ເທື່ອຄົນ, ລົງຕິດຕາມກວດກາ, ຊີ້ແຈງການລາຍງານການເຮັດວຽກງານສຶກສາອົບຮົມນໍາພາແນວຄິດໃຫ້ປະຊາຊົນທີ່ໄດ້ ຮັບຜົນກະທົບຈາກການພັດທະນາ ໄດ້ 2 ຄັ້ງ. ປຸກລະດົມທົ່ວສັງຄົມມີສ່ວນຮ່ວມໃນການພັດທະນາວຽກງານໂຄສະນາອົບຮົມ, ອຸປະ ກອນ-ເຄື່ອງມືອັນຈຳເປັນໃຫ້ແກ່ການເຄື່ອນໄຫວວຽກງານໂຄສະນາອົບຮົມເປັນຕົ້ນ: ການນຳລະບົບທັງສະໄໝ ວີລີໂອທາງໄກ. ປ່ອນຂ່າວລົງຂ່າວ ເວັບໄຊສ, ເຟຼດບຸກ ໄດ້ 89 ຂ່າວ, ລົງເວັບໄຊສ ໄດ້ 496 ຂ່າວ ສະຫຼຸບລາຍງານຂ່າວປະຈຳເດືອນໃຫ້ຄະນະໂຄສະນາອົບຮົມສູນກາງພັກ, ເນື້ອໃນລາຍງານຕໍ່ກອງປະຊຸມວຽກງານຂໍ້ມູນຂ່າວສານ ດ້ວຍລະບົບທາງໄກຂອງຄະນະໂຄສະນາອົບຮົມສູນກາງພັກທົ່ວປະເທດ ປະຈຳໄຕມາດ ໄດ້ 4 ຄັ້ງ, ວຽກງານໂຄສະນາອົບຮົມ ຍັງສຶບຕໍ່ຮັກສາໄດ້ບົດບາດສຳຄັນເປັນໃຈກາງໃນການເຄື່ອນໄຫວວຽກງານການເມືອງ-ແນວຄິດ ຂອງທົ່ວພັກປະກອບສ່ວນສຳຄັນໃນການຜັນຂະຫຍາຍແນວທາງຂອງພັກ, ນະໂຍບາຍຂອງລັດ ເຂົ້າສູ່ຊີວິດສັງຄົມຢ່າງກວ້າງຂວາງ, ເຮັດໃຫ້ຖັນແຖວພະນັກງານ-ສະມາຊິກພັກ, ປະຊາຊົນບັນດາເຜົ່າສ່ວນໃຫຍ່ມີຄວາມຮັບຮູ້ເຂົ້າໃຈແນວທາງຂອງພັກ, ລະບຽບກົດໝາຍຂອງລັດ, ເປັນເຈົ້າປັບປຸງຍົກລະດັບຊີວິດການເປັນຢູ່ຂອງຕົນໃຫ້ດີຂຶ້ນ, ຄະນະໂຄສະນາອົບຮົມ ແມ່ນເຮັດວຽກງານການເມືອງ-ແນວຄິດ ຊຶ່ງເປັນວຽກງານໜຶ່ງທີ່ສໍາຄັນຂອງພັກ, ເປັນພາຫະນະອັນແຫຼມຄົມ ນອນໃນພາລະບົດບາດຕົ້ນຕໍ ໃນວຽກງານນໍາພາ-ຊີ້ນໍາ ຂອງຄະນະພັກທຸກຂັ້ນ, ຊຶ່ງຍາມໃດ, ສະໄໝໃດພັກເຮົາກໍຖືເປັນວຽກງານພື້ນຖານແຖວໜ້າ ທີ່ຕ້ອງໄດ້ເຮັດກ່ອນ, ເຮັດເປັນປະຈໍາ ແລະ ສອດຫ້ອຍໄປທຸກຂົງເຂດວຽກງານ ເພ່ື່ອບຸກທະລຸທາງດ້ານຈິນຕະນາການ, ເປັນວຽກງານທີ່ຮັບປະກັນໃຫ້ແກ່ຜົນສໍາເລັດ ແລະ ທຸກໄຊຊະນະໃນການເຄື່ອນໄຫວນໍາພາ ຂອງພັກ ແຕ່ລະໄລຍະ, ສ້າງແນວຄິດ, ສະຕິປັນຍາ ແລະ ສຶກສາອົບຮົມໃຫ້ຄົນມີອຸດົມການ, ມີທັດສະນະຫຼັກໝັ້ນທີ່ຈະແຈ້ງ ແລະຖືກຕ້ອງ ຕາມແນວຄິດ ແລະ ອຸດົມການຂອງພັກເຮົາ ບໍ່ວ່າແຕ່ຈະເຮັດວຽກງານໃດກໍຕ້ອງມີການນໍາພາການເມືອງ-ແນວຄິດ, ມີການໂຄສະນາປຸກລະດົມ, ຊີ້ແຈງອະທິບາຍຈິ່ງຈະສ້າງຄວາມຮັບຮູ້ເຂົ້າໃຈໃຫ້ເລິກເຊິ່ງ, ທົ່ວເຖິງ ແລະ ເປັນເອກະພາບໃນການຈັດຕັ້ງປະຕິບັດຕົວຈິງ.