47. ຄະນະໂຄສະນາອົບຮົມແຂວງຫົວພັນສໍາເລັດການຝຶກອົບຮົມວຽກງານ ໄອທີ

ລາຍລະອຽດ

ສ້າງຂື້ນເມື່ອ ວັນຈັນ, 23 ພຶດສະພາ 2022 06:59

ຂຽນໂດຍ ພູສັກ

ຄະນະ​ໂຄສະນາ​ອົບຮົມ​ແຂວງ​ຫົວພັນ​ສໍາ​ເລັດ​ການ​ຝຶກ​ອົບຮົມ​ວຽກງານ​ ໄອ​ທີ

ໃນ​ວັນ​ທີ 16-17 ພຶດສະພາ 2022 ຜ່ານ​ມາ​ນີ້, ກົມຂໍ້ມູນຂ່າວສານ ຄະນະ​ໂຄສະນາ​ອົບຮົມ​ສູນ​ກາງ​ພັກ​ໄດ້​ປະສານ​ສົມທົບ​ກັບ​ຄະນະ​ໂຄສະນາ​ອົບຮົມ​ແຂວງ​ຫົວພັນ ​ເປີດ​ຊຸດ​ອົບຮົມ​ວຽກງານ ​ໄອ​ທີ ຢູ່​ຄະນະ​ໂຄສະນາ​ອົບຮົມ​ແຂວງຫົວພັນ ​ເພື່ອ​ສ້າງ​ຄວາມ​ເຂັ້ມ​ແຂງ​ໃຫ້​ພະນັກງານ - ລັດຖະກອນຮັບ​ຮູ້​ເຂົ້າ​ໃຈ​ເຖິງ​ວຽກງານ​ໄອ​ທີ​​ເພື່ອ​ນໍາ​​ໄປຈັດ​ຕັ້ງປະຕິບັດ​ເຂົ້າ​ໃນ​ວຽກງານ​ຕົວ​ຈິງ​ ​ເຊີ່ງ​ພິທີ​ດັ່ງກ່າວ​ໄດ້​ເປີດ​ຂຶ້ນ​ຢ່າງ​ເປັນ​ທາງ​ການ​ໃນ​ເວລາ 9 ​ໂມງ 00 ຂອງ​ວັນທີ 16 ພຶດສະພາ 2022 ທີ​ຫ້ອງ​ ປະຊຸມຊັ້ນ IV ຫ້ອງວ່າການ ແຂວງຫົວພັນຫຼັງເກົ່າພາຍ​ໃຕ້​ການ​ເປັນ​ປະທານຂອງ ສະຫາຍຕົ່ງລີເຕັ່ງ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ສະຫາຍ ນ ມອນສະຫວັນ ແສນໄຕ ຮອງ​ຫົວໜ້າກົມ​ຂໍ້​ມູນ​ຂ່າວສານ​ ພ້ອມ​ດ້ວຍ​ທິມງານ ມີນັກ​ສໍາ​ມະ​ນາກ​ອນທັງໝົດຈໍານວນ 17 ທ່ານ, ຍິງ 10 ທ່ານ.

ອ່ານເພີ່ມເຕີມ...

46. ຄອຂ ຈັດພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ 4 ປະຈໍາປີ 2021.

ລາຍລະອຽດ

ສ້າງຂື້ນເມື່ອ ວັນພຸດ, 18 ພຶດສະພາ 2022 02:19

ຂຽນໂດຍ ພູສັກ

ຄອຂ ຈັດພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ

ຄັ້ງທີ 4 ປະຈໍາປີ 2021.

       ຕອນເຊົ້າວັນທີ 13 ພຶດສະພາ 2022 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ຈັດພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ 4 ປະຈໍາປີ 2022. ຢູ່ທີ່ຫ້ອງປະຊຸມຊັ້ນ IV ຫ້ອງວ່າການ ແຂວງຫົວພັນຫຼັງເກົ່າ, ພາຍໃຕ້ການເປັນປະທານຂອງສະຫາຍ ນ ລອງຄໍາ ພອນມີໄຊ ຄະນະປະຈໍາພັກແຂວງ, ຫົວໜ້າຄະນະຈັດຕັ້ງແຂວງ. ມີບັນດາສະຫາຍທີ່ຕາງໜ້າມາຈາກຄະນະກວດກາພັກ, ພະແນກກວດກາລັດແຂວງ, ຄະນະຈັດຕັ້ງແຂວງ ພ້ອມດ້ວຍສະມາຊິກພັກ ເຂົ້າຮ່ວມທັງໝົດ 17 ສະຫາຍ, ຍິງ 7 ສະຫາຍ.

ໃນພິທີ່ຜູ້ເຂົ້າ​ຮ່ວມ​ໄດ້​ຮັບ​ຟັງ​ບົດ​ສະຫຼຸບຜົນການປະເມີນການກໍ່ສ້າງພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021 ແລະ ທິດທາງແຜນການປະຈໍາປີ 2022 ຂອງໜ່ວຍພັກຄະນະໂຄສະນາອົບຮົມແຂວງ. ເຊີ່ງ​ໄດ້​ຍົກ​ໃຫ້​ເຫັນ​ດ້ານ​ດີ​ຜົນງານ​ທີ່​ຈັດ​ຕັ້ງ​ປະຕິບັດ​ໃນ​ໄລຍະ​ຜ່ານ​ມາ, ເຊິ່ງສະແດງ ອອກໜ່ວຍພັກໂຄສະນາອົບຮົມສ້າງໄດ້ໜ່ວຍພັກປອດໃສ, ເຂັ້ມແຂງ, ໜັກແໜ້ນ ໄດ້ເປັນຄັ້ງທີ່ 4 ປະຈໍາປີ 2021 ປະກອບມີສະມາຊິກພັກທັງໝົດ 19 ສະຫາຍ, 8 ສະຫາຍ, ສໍາຮອງ 0 ສະຫາຍ, ດ້ານ​ອ່ອນ​ຄົງ​ຄ້າງ​ທີ່​ຈະ​ໄດ້​ປັບປຸງ​ແກ້​ໄຂ​ໃນ​ຕໍ່ໜ້າ ​ແລະ ພ້ອມ​ກັນ​ປະກອບ​ຄໍາ​ຄິ​ດຄໍາ​ເຫັນ​ປຶກສາ​ຫາລື​ໃສ່​ບົດ​ສະຫຼຸບ​ໃຫ້​ຈະ​ແຈ້ງ​ສົມບູນຂື້ນຕື່ມ. ຫຼັງຈາກນັ້ນໄດ້ຜ່ານມະຕິຕົກລົງຮັບຮອງໜ່ວຍພັກປອດໃສ, ເຂັ້ມ ແຂງ, ໜັກແໜ້ນ ປະຈໍາປີ 2021, ໃນພິທີ່ດັ່ຍັງໄດ້ມອບໃບຍ້ອງຍໍດີເດັ່ນໃນການຈັດຕັ້ງປະຕິບັດວຽງານຂອງພະນັກງານ-ລັດຖະກອນຂອງຄະນະໂຄສະນາອົບຮົມແຂວງ ຈໍານວນ 16 ສະຫາຍ ເປັນກຽດຂຶ້ນມອບໂດຍສະຫາຍ ນ ລອງຄໍາ ພອນມີໄຊ ຄະນະປະຈໍາພັກແຂວງ, ຫົວໜ້າຄະນະຈັດຕັ້ງແຂວງ.

ອ່ານເພີ່ມເຕີມ...

45: ຄອຂ ຈັດກອງປະຊຸມສອງແສງລາຍງານສະພາບແນວຄິດ-ຫາງສຽງສັງຄົມ ປະຈໍາເດືອນ 5 ປີ 2022.

ລາຍລະອຽດ

ສ້າງຂື້ນເມື່ອ ວັນອັງຄານ, 17 ພຶດສະພາ 2022 01:24

ຂຽນໂດຍ ພູສັກ

ຄອຂ ​ຈັດ​ກອງ​ປະຊຸມ​ສອງແສງລາຍງານ​ສະພາບ​ແນວ​ຄິດ-ຫາງ​ສຽງສັງຄົມ ປະຈໍາເດືອນ 5 ປີ 2022.

ຕອນ​ເຊົ້າ​ຂອງ​ວັນ​ທີ 12 ພຶດສະພາ 2022 ນີ້, ຄະນະ​​ໂຄສະນາ​ອົບຮົມ​ແຂວງ​ຫົວພັນ​ໄດ້​ຈັດ​ກອງ​ປະຊຸມ​ສອງແສງລາຍງານ​ສະພາບ​ແນວ​ຄິດ-ຫາງ​ສຽງສັງຄົມ ປະຈໍາເດືອນ 5 ປີ 2022 ຂຶ້ນ ຢູ່​ທີ່​ຫ້ອງ​ປະຊຸມ​​ນ້ອຍຊັ້ນ 4 ຫ້ອງວ່າການແຂວງຫົວພັນຫຼັງ​ເກົ່າ. ພາຍ​ໃຕ້​ການ​ເປັນ​ປະທານຂອງ ສະຫາຍ ອົ້ມ ອິນທະລາ ​ ຮອງຫົວໜ້າຄະນະ​ໂຄສະນາ​ອົບຮົມ​ແຂວງຫົວພັນ, ​ບັນດາ​ທ່ານຄະນະກໍາມະການຄົ້ນຄວ້າ, ວິເຄາະ, ວິໄຈ, ຕິດຕາມ, ເກັບກໍາ​ຫາງ​ສຽງ-ສັງຄົມຂັ້ນແຂວງ ແລະ ຜູ້ຕາງໜ້າ​ເຂົ້າ​ຮ່ວມ​ທັງໝົດ 13 ສະຫາຍ, ຍິງ 5 ສະຫາຍ.

ອ່ານເພີ່ມເຕີມ...

44. ຄະນະໂຄສະນາອົບຮົມແຂວງ ເປີດ ກອງປະຊຸມສໍາມະນາລະດົມຄວາມຄິດ ປະກອບໃສ່ການຄົ້ນຄ້ວາ ທິດສະດີ ແລະ ສະຫຼຸບພຶດຕິກໍາໃຫ້ແກ່ປະຖົມປັດໄຈເພື່ອກ້າວເຂົ້າສູ່ຈຸໝາຍສັງຄົມນີຍົມ.

ລາຍລະອຽດ

ສ້າງຂື້ນເມື່ອ ວັນພະຫັດ, 12 ພຶດສະພາ 2022 03:24

ຂຽນໂດຍ ພູສັກ

ຄະນະໂຄສະນາອົບຮົມແຂວງ ເປີດ ກອງປະຊຸມສໍາມະນາລະດົມຄວາມຄິດ ປະກອບໃສ່ການຄົ້ນຄ້ວາ ທິດສະດີ ແລະ ສະຫຼຸບພຶດຕິກໍາໃຫ້ແກ່ປະຖົມປັດໄຈເພື່ອກ້າວເຂົ້າສູ່ຈຸໝາຍສັງຄົມນີຍົມ.

ຕອນເຊົ້າວັນ​ທີ 9  ພຶດສະພາ 2022 ນີ້, ຄະນະໂຄສະນາອົບຮົມແຂວງໄດ້ຈັດກອງປະຊຸມສໍາມະນາລະດົມຄວາມຄິດໃສ່ຮ່າງບົດຄົ້ນຄ້ວາຫົວຂໍ້ ທິດສະດີ ແລະ ສະຫຼຸບພຶດຕິກໍາໃຫ້ແກ່ປະຖົມປັດໄຈເພື່ອກ້າວເຂົ້າສູ່ຈຸໝາຍສັງຄົມນີຍົມຂຶ້ນຢູ່ຫ້ອງປະຊຸມຫ້ອງວ່າແຂວງຫຼັງໃໝ່ (ຫໍແກ້ວ) ພາຍ​ໃຕ້​ການ​ເປັນ​ປະທານ​ຂອງ​ສະຫາຍ ເຜີດ ມາປັນຍາ  ຮອງເລຂາຄະນະບໍລິຫານງານພັກແຂວງ, ຜູ້ປະຈໍາການ, ຜູ້ຊີ້ນໍາຂົງເຂດວຽກງານການເມືອງ, ແນວຄິດ - ທິດສະດີ ແລະ ພັກ-ພະນັກງານ ແລະ ມີບັນດາສະຫາຍ​ຄະນະ​ປະ​ຈໍາ​ພັກ​ແຂວງ, ກໍາມະການ​ພັກ​ແຂວງ, ຫົວໜ້າ, ຮອງຫົວໜ້າພະແນກການ, ອົງການ​ທຽບ​ເທົ່າອ້ອມຂ້າງແຂວງພ້ອມ​ດ້ວຍ​ສະມາຊິກ​ພັກ ​ແລະ ພະນັກງານ​ລັດຖະກອນ​​ເຂົ້າ​ຮ່ວມທັງໝົດ 58 ກ່ສະຫາຍ,ຍິງ 8 ສະຫາຍ.

ອ່ານເພີ່ມເຕີມ...

43. ສໍາເລັດການລົງຕິດຕາມຊຸກຍູ້ການຈັດຕັ້ງຜັນຂະຫຍາຍ ມະຕິ XI ຂອງພັກ ແລະ ມະຕີ X ຂອງອົງຄະນະພັກແຂວງຢູ່ພະແນກກະສິກໍາແລະ ປ່າໄມ້ແຂວງຫົວພັນ

ລາຍລະອຽດ

ສ້າງຂື້ນເມື່ອ ວັນອັງຄານ, 19 ເມສາ 2022 02:04

ຂຽນໂດຍ ພູສັກ

ສໍາເລັດການລົງຕິດຕາມຊຸກຍູ້ການຈັດຕັ້ງຜັນຂະຫຍາຍ

ມະຕິ XI ຂອງພັກ ແລະ ມະຕີ X ຂອງອົງຄະນະພັກແຂວງຢູ່ພະແນກກະສິກໍາແລະ ປ່າໄມ້ແຂວງຫົວພັນ

ໃນຕອນເຊົ້າຂອງວັນທີ່ 12 ເມສາ 2022 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ລົງຕິດຕາມຊຸກຍູ້ ການຈັດຕັ້ງຜັນຂະຫຍາຍມະຕິ XI ຂອງພັກ ແລະ ມະຕິ X ຂອງອົງຄະນະພັກແຂວງຫົວພັນ ຢູ່ ພະແນກກະສິກໍາແລະ ປ່າໄມ້ແຂວງ, ກອງປະຊຸມໄດ້ດໍາເນີນມາເປັນເວລາ 1 ຕອນ, ໂດຍພາຍໃຕ້ການເປັນປະທານຂອງ ສະຫາຍ ຄິນ ທຸມມາລາ ຮອງ​ຫົວໜ້າພະແນກກະສິກໍາແລະ ປ່າໄມ້ແຂວງ, ຍັງມີສະຫາຍ ສຸກ​ເສີ່​ມ ຢາງ​ຈາງ ຮອງ​ຫົວໜ້າຄະນະໂຄສະນາອົບຮົມແຂວງຫົວພັນ ພ້ອມດ້ວຍທິມງານຂອງແຂວງ ແລະ ພະນັກງານພະແນກກະສິກໍາແລະ ປ່າໄມ້ແຂວງເຂົ້າຮ່ວມຢ່າງພ້ອມພຽງ.

ອ່ານເພີ່ມເຕີມ...