57. ຄອຂ ຈັດພິທີເຊຶ່ອມຊຶມເອກະສານປະເມີນລັດຖະກອນ ແລະ ການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ

ລາຍລະອຽດ

ສ້າງຂື້ນເມື່ອ ວັນຈັນ, 19 ກັນຍາ 2022 08:05

ຂຽນໂດຍ ອານຸສັກ

ຄະນະໂຄສະນາອົບຮົມແຂວງຫົວພັນ ຈັດພິທີເຊຶ່ອມຊືມເອກະສານປະເມີນລັດຖະກອນ ແລະ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ

     ໃນຕອນເຊົ້າຂອງວັນທີ່ 16 ກັນຍາ 2022 ຄະນະໂຄສະນາອົບຮົມແຂວງຫົວພັນ ຈັດພິທີເຊື່ອມຊືມເອກະສານກ່ຽວກັບການປະເມີນລັດຖະກອນ ແລະ ການກໍ່ສ້າງໜ່ວຍພັກປອດໃສ, ເຂັ້ມແຂວງ, ໜັກແໜ້ນ, ພາຍໃຕ້ການເປັນປະທານຂອງ ສະຫາຍ ນາງ ຄອນສີ ອິນທະວີ , ຮອງເລຂາໜ່ວຍພັກ, ຮອງຫົວໜ້າໂຄສະນາອົບຮົມແຂວງ ແລະ ມີພະນັກງານ-ສະມາຊີກພັກພາຍໃນຄະນະໂຄສະນາອົບຮົມແຂວງເຂົ້າຮ່ວມທັງໝົດ 15 ສະຫາຍ, ຍິງ 6 ສະຫາຍ.

    ໃນກອງປະຊຸມໄດ້ເຊື່ອມຊືມເອກະສານສຳຄັນດັ່ງກ່າວນີ້: ຄຳສັ່ງຂອງກົມການເມືອງສູນກາງພັກ ເລກທີ 01/ ກມສພ, ລົງວັນທີ່ 03 ມັງກອນ 2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັ້ນແໜ້ນ, ຄຳແນະນຳຂອງຄະນະຈັດຕັ້ງສູນກາງພັກ ສະບັບເລກທີ 291/ຄຈສພ ກ່ຽວກັບການຈັດຕັ້ງປະຕິບັດຄຳສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີການກໍ່ສ້າງ ໜ່ວຍພັກ ປອດໃສ ເຂັ້ມແຂງ ໜັກແໜ້ນ, ດຳລັດຂອງລັດຖະບານ ເລກທີ່ 300/ລບ, ລົງວັນທີ່ 13 ກັນຍາ 2017 ວ່າດ້ວຍການປະເມີນຜົນການປະຕິບັດວຽກງານຂອງພະນັກງານ ລັດຖະກອນ, ຄຳແນະນຳຂອງກະຊວງພາຍໃນ ເລກທີ 06/ພນ ລົງວັນທີ່ 02 ພຶດສະພາ 2018 ວ່າດ້ວຍການປະເມີນ ຜົນການປະຕິບັດວຽກງານຂອງພະນັກງານ - ລັດຖະກອນ.

     ຜ່ານການເຊື່ອມຊືມເອກະສານດັ່ງກ່າວໄດ້ເຮັດໃຫ້ ສະມາຊີກພັກ, ພະນັກງານທັງໝົດມີຄວາມຮັບຮູ້ເຂົ້າໃຈ, ຄວາມໝາຍ, ຄວາມສຳຄັນ, ເນື້ອໃນເອກະສານ ເພື່ອກະກຽມໃສ່ກອງປະຊຸມປະເມີນຜົນການຈັດຕັ້ງປະຕິບັດວຽກງານຂອງພະນັກງານ ລັດຖະກອນ ແລະ ປະເມີນຜົນໜ່ວຍພັກ, ສະມາຊີກພັກ ປອດໃສ, ເຂັ້ມແຂງ, ໜັກແໜ້ນ ປະຈຳປີ 2022, ເພື່ອສືບຕໍ່ເສີມຂະຫຍາຍມູນເຊື້ອອັນດີງາມຜົນງານທີ່ໂດດເດັ່ນ ແນໃສ່ເຊີດຊູບົດບາດຄວາມສາມາດນຳພາຂອງໜ່ວຍພັກ ແລະ ຍົກສູງຄວາມເປັນແບບຢ່າງນຳໜ້າຂອງຖັນແຖວສະມາຊິກພັກ ຮັບປະກັນໃຫ້ພັກເຮົາມີຄວາມປອດໃສເຂັ້ງແຂງ, ໜັກແໜ້ນ, ຍົກສູງຄຸນນະພາບຂອງໜ່ວຍພັກ ແລະ ສະມາຊິກພັກ ໃຫ້ມີການຫັນປ່ຽນຢ່າງຕັ້ງໜ້າດ້ວຍບາດກ້າວບຸກທະລຸ ສາມາດເປັນແກນນຳທີ່ເຂັ້ມແຂງໃນລະບົບການເມືອງຢູ່ຮາກຖານ ແລະ ຮັບປະກັນເຮັດໃຫ້ການນຳພາຂອງພັກຕອບສະໜອງໄດ້ຄວາມເລັ່ງທວງຂອງການພັດທະນາປະເທດຊາດໃນເງຶ່ອນໄຂ ແລະ ສະພາບແວດລ້ອມໃໝ່ ໃຫ້ມີຄວາມສາມາດນຳພາຈັດຕັ້ງປະຕິບັດໜ້າທີ່ການເມືອງຂອງພັກ ແລະ ແຜນພັດທະນາເສດຖະກິດ - ສັງຄົມຂອງລັດວາງອອກແຕ່ລະໄລຍະໃຫ້ປະກົດຜົນເປັນຈິງ.

56. ໜ່ວຍຊາວໜຸ່ມ ຄອຂ ສຳເລັດກອງປະຊຸມປະເມີນຂໍ້ແຂ່ງຂັນ 4 ບຸກ ຄັ້ງທີ່ 2 ປະຈຳປີ 2022

ລາຍລະອຽດ

ສ້າງຂື້ນເມື່ອ ວັນສຸກ, 16 ກັນຍາ 2022 07:54

ຂຽນໂດຍ ອານຸສັກ

ໜ່ວຍຊາວໜຸ່ມ ຄະນະໂຄສະນາອົບຮົມແຂວງ ສຳເລັດການປະຊຸມ ປະເມີນຂໍ້ແຂ່ງຂັນ 4 ບຸກ ຄັ້ງທີ່ 2 ປະຈຳປີ 2022

      ໃນຕອນເຊົ້າ ວັນ​ທີ 15 ຕຸລາ 2022 ນີ້, ໜ່ວຍຊາວໜຸ່ມຄະນະ​ໂຄສະນາ​ອົບຮົມ​ແຂວງ​ຫົວພັນ ​​ໄດ້​ສໍາ​ເລັດ​ກອງ​ປະຊຸມ​ປະ​ເມີນ​ຜົນເນື້ອໃນຂໍ້ແຂ່ງຂັນ 4 ບຸກ ຄັ້ງ​ທີ II ປະ​ຈໍາປີ 2022. ກອງ​ປະຊຸມ​ໄດ້​ດໍາ​ເນີນ​ມາ​ເປັນ​ເວລາ 1 ຕອນ ຢູ່​ທີ່​ຫ້ອງ​ປະຊຸມ​ນ້ອຍຊັ້ນ 4 ຕືກຫ້ອງ​ວ່າການ​ປົກຄອງ​ແຂວງ​ຫົວພັນ (ຫຼັງເກົ່າ), ພາຍ​ໃຕ້​ການ​ເປັນ​ປະທານ​ຂອງສະຫາຍ ນາງ ອິງທອງ ກົມແພງມີ ເລຂາໜ່ວຍຊາວໜຸ່ມ ຄະນະໂຄສະນາອົບຮົມແຂວງ, ເປັນກຽດເຂົ້າຮ່ວມໂດຍ ​ສະຫາຍ ພົມມາ ຮຸ່ງນະຄອນ ຄະນະປະຈໍາ, ​ ຄະນະບໍລິ​ຫານ​ງານ​ຊາວ​ໝຸ່ມ ​ແຂວງ​ຫົວພັນ ແລະ ສະຫາຍ ສຸກເສີ່ມ ຢາງຈາງ, ຄະນະ​​ໜ່ວຍ​ພັກ, ຮອງຫົວໜ້າ​ຄະນະ​ໂຄສະນາ​ອົບຮົມ​ແຂວງ​ ​ແລະ ພ້ອມ​ດ້ວຍ ​ຜູ້ຕ່າງໜ້າ ຈາກ ຄະນະ​ບໍ​ລິ​ຫານ​ງານ​ຊາວໜຸ່ມ​ແຂວງ​, ຄະນະຈັດຕັ້ງແຂວງ, ພະແນກການຕ່າງປະເທດ, ພະແນກພາຍໃນແຂວງ, ມີ​ຜູ້​ຕ່າງ​ໜ້າຈາກອົງການຈັດຕັ້ງມະຫາຊົນ ​ແລະ ສະມາຊິກ​ຊາວໜຸ່ມພາຍ​ໃນໜ່ວຍ​ເຂົ້າ​ຮ່ວມທັງໝົດ 12 ສະຫາຍ, ຍິງ 6 ສະຫາຍ.

     ກ່ອນອື່ນກອງປະຊຸມໄດ້ຮັບຟັງການຜ່ານ ມະຕິຕົກລົງແຕ່ງຕັ້ງຄະນະຮັບຜິດຊອບ ໃນການກະກຽມເປິດກອງປະຊຸມ 4 ບຸກຂອງຄະນະພັກ, ຈາກນັ້ນ ສະຫາຍ ນາງ ອິງທອງ ກົມແພງມີ ເລຂາໜ່ວຍຊາວໜຸ່ມໄດ້ຂື້ນຜ່ານບົດສະຫຼຸບ ການຈັດຕັ້ງປະຕິບັດວຽກງານ 4 ບຸກຂອງໜ່ວຍຊາວໜຸ່ມ ປະຈຳປີ 2021 ເຊີ່ງມີທັງດ້ານດີ, ດ້ານອອ່ນ, ຂໍ້ຄົງຄ້າງ ແລະ ວາງທິດທາງແຜນປະຈຳປີ 2023 ກອງ​ປະຊຸມ​ຍັງ​ໄດ້​ພ້ອມ​ກັນ​ປະ​ປອບ​ຄໍາ​ຄິດ​ເຫັນ​ໃສ່​ບົດ​ສະຫຼຸບ​ໃຫ້​ຈະ​ແຈ້ງ​ສົມບູນ​ຂຶ້ນ​ຕື່ມ ​ແລະ ​ໄດ້​ຕົກລົງ​ເປັນ​ເອກະ​ພາບ​ໃນການຈັດຕັ້ງປະຕິບັດວຽກງານຕິດຕາມ​ທິດ​ທາງ​ແຜນການ​ສູ້​ຊົນ​ທີ່​ໄດ້​ກໍານົດ​ໄວ້​. ຈາກ​ນັ້ນ​ສະມາຊິກຊາວໜຸ່ມກໍ່​ໄດ້​ຜ່ານ​ບົດ​ສໍາ​ຫຼວດຕົນ​ເອງ ​ແລະ ​ໄດ້​ລົງ​ຄະ​ແນນ​ສຽງ​ປິດ​ລັບ. ​ເຊິ່ງພາຍ​ໃນ​ໜ່ວຍ​ມີ​ສະມາຊິກ​ທັງ​ໝົດ 7 ສະຫາຍ, ຍິງ 4 ສະຫາຍ, ​ໃນ​ນັ້ນ​ມີໜ້າ​ປະ​ເມີນ​ຕົວ​ຈິງ​ແມ່ນ 6 ສະຫາຍ, ຍິງ 3 ສະຫາຍ ບໍ່​ໄດ້​ເຂົ້າ​ຮ່ວມ​ປະ​ເມີນ 1 ສຍຫາຍ ​ເນື່ອງ​ຈາກ​ວ່າ​ໄປ​ຮຽນ​ຕໍ່​ໄລຍະ​ຍາວ ​ແລະ ຜ່ານ​ການ​ປະ​ເມີນ​ຕົວ​ຈິງ​ແມ່ນ​ໄດ້​ດີ 6 ສະ​ຫາຍ, ຍິງ 3 ສະຫາຍ ​ເທົ່າກັບ 100 %.

       ຕອນ​ທ້າຍ​ຂອງ​ກອງ​ປະຊຸມ ​ສະຫາຍ ​ ພົມມາ ຮຸ່ງນະຄອນ ຄະນະປະຈໍາ, ​ ຄະນະບໍລິ​ຫານ​ງານ​ຊາວ​ໝຸ່ມ​ແຂວງ​ຫົວ ພັນ​​ໄດ້​ມອບ​ໃບ​ຢັ້ງຢືນ 4 ບຸກ ປະ​ຈໍາປີ 2022 ​ແລະ ​ໃບ​ຍ້ອງຍໍ​ຂໍ້​ແຂ່ງ​ຂັນ 4 ບຸກ 3 ປີຂອງ​ຄະນະ​ບໍລິຫານ​ງານ​ຊາວ​ໜຸ່ມ​ປະຕິວັດ​ລາວ ​ພ້ອມທັງໄດ້​​ໃຫ້​ກຽດໂອ້​ລົມ​ຕໍ່​ກອງ​ປະຊຸ​ມຄັ້ງ​ນີ້ ກ່ອນ​ອື່ນ​ເພີ່ນ​ໄດ້​ຍ້​ອງຍໍ​ຊົມ​ເຊີຍ​ຕໍ່​ຜົນງານ​ທີ່ໜ່ວຍຊາວໝຸ່ມຄະນະ​ໂຄສະນາ​ອົບຮົມ​ແຂວງ​ຫົວພັນ ຍາດ​ມາ​ໄດ້​ໃນ​ໄລຍະ​ 1 ປີຜ່ານ​ມາ. ພ້ອມ​ນັ້ນ​ທ່ານ​​ໄດ້​ຮຽກຮ້ອງ​ໃຫ້​ສະມາຊິກ​ຊາວໜຸ່ມທຸກ​ສະຫາຍ​ຕ້ອງ​ເປັນ​ເຈົ້າ​ການ​ຢ່າງ​ແທ້​ຈິງ ແລະ ​ເອົາ​ໃຈ​ໃສ່​ເຄື່ອນ​ໄຫວ​ຕາມ​ພາລະ​ບົດບາດ​ຂອງ​ສະມາຊິກຊາວໜຸ່ມປະຊາຊົນປະຕິວັດ​ລາວ​ໃຫ້​ຖືກຕ້ອງ, ມີ​ປະສິດທິ​ຜົນຕາມ​ເນື້ອໃນ​ຂໍ້​ແຂ່ງ​ຂັນ 4 ບຸກ​, ວຽກ​ງານ​ຕ່າງໆ​ໃຫ້​ໄດ້​ດີ​ຂຶ້ນ​ເລື່ອຍໆໃນ​ຕໍ່ໜ້າ, ສືບ​ຕໍ່​ຮັກສາ​ມູນ​ເຊື້ອມຊາວໜຸ່ມດີ​ເດັ່ນ​ໃຫ້​ ຍື​ນຍົງ​ຕະຫຼອດ​ໄປ.

55. ໜ່ວຍແມ່ຍິງ ຄອຂ ສຳເລັດກອງປະຊຸມຂໍ້ແຂ່ງຂັນ 3 ດີ ປະຈຳປີ 2022

ລາຍລະອຽດ

ສ້າງຂື້ນເມື່ອ ວັນສຸກ, 16 ກັນຍາ 2022 06:52

ຂຽນໂດຍ ອານຸສັກ

ໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງຫົວພັນສຳເລັດກອງປະຊຸມປະເມີນຂໍ້ແຂ່ງຂັນ 3 ດີ ປະຈຳປີ 2022

    ໃນແລງວັນທີ 14 ກັນຍາ 2022 ໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ ໄດ້ສຳເລັດກອງປະຊຸມປະເມີນຂໍ້ແຂ່ງຂັນ 3 ດີ ປະຈຳປີ 2022 ຂຶ້ນຢູ່ທີ່ ຫ້ອງປະຊຸມ ຄະນະໂຄສະນາອົບຮົມແຂວງຫົວພັນ ໂດຍພາຍໃຕ້ການເປັນ ປະທານຂອງ ທ່ານ ນາງ ໄມທອງ ສີນລະວົງ  ປະທານໜ່ວຍແມ່ຍິງ ຄະນະໂຄສະນາອົບຮົມແຂວງ ແລະ ໃຫ້ກຽດເຂົ້າຮ່ວມຂອງ ທ່ານ ສຸກເສິມ ຢາງຈາງ ຄະນະໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ໃນນີ້ຍັງມີ​ຜູ້​ຕ່າງ​ໜ້າ ຈາກໜ່ວຍຊາວໜຸ່ມ ແລະ ຮາກຖານກຳມະບານ ຄະນະ​ໂຄສະນາ​ອົບຮົມ​ແຂວງ​ຫົວພັນ,  ພ້ອມດ້ວຍສະມາຊິກ​ແມ່ຍິງພາຍ​ໃນໜ່ວຍ​ເຂົ້າ​ຮ່ວມຢ່າງພ້ອມພຽງ.

      ກອງ​ປະຊຸ​ມ​ໄດ້​ຮັບ​ຟັງ​ບົດ​ສະຫຼຸບປະຈຳປີ  2022 ແລະ ທິດທາງແຜນການປີ 2023 ການຈັດ​ຕັ້ງ​ປະຕິບັດ​ໃນ​ໄລຍະ​ຜ່ານ​ມາ ຂອງວຽກງານແມ່ຍິງ 3 ດີ ທັງສອງພາກ ເຊິ່ງໄດ້ຍົກໃຫ້ເຫັນດ້ານດີຜົນງານ ​ແລະ​ ດ້ານ​ອ່ອນ​ຄົງ​ຄ້າງ​ທີ່​ຈະ​ໄດ້​ປັບ​ປຸງ​ແກ້​ໄຂ​ໃນຕໍ່ໜ້າ ຈາກນັ້ນຍັງໄດ້ພ້ອມກັນປະກອບຄໍາຄິດ ຄໍາເຫັນປຶກສາຫາລືໃສ່ບົດສະຫຼຸບໃຫ້ຈະແຈງສົມບູນຂຶ້ນຕື່ມ​ກອງປະຊຸມໄດ້​ຕົກລົງ​ເປັນ​ເອກະ​ພາບ​ໃນການຈັດຕັ້ງປະຕິບັດວຽກງານຕາມ​ທິດ​ທາງ​ແຜນການ​ສູ້​ຊົນ​ທີ່​ໄດ້​ກໍານົດ​ໄວ້​ໃນ​ປີ 2023. ຈາກນັ້ນສະມາຊິກແມ່ຍິງແຕ່ລະສະຫາຍກໍ່ໄດ້ຜ່ານບົດສໍາຫຼວດຕົນເອງ ​ ແລະ ​ໄດ້​ລົງ​ຄະ​ແນນ​ສຽງ​ປິດ​ລັບ. ​ເຊິ່ງພາຍ​ໃນ​ໜ່ວຍ​ມີ​ສະມາຊິກ​ທັງ​ໝົດ 8 ສະຫາຍ ​ແລະ ຜ່ານ​ການ​ປະ​ເມີນ​ຕົວ​ຈິງ​ແມ່ນ​ໄດ້​ດີ 8 ສະ​ຫາຍ ​ເທົ່າກັບ 100 %; ຕອນ​ທ້າຍ​ຂອງ​ກອງ​ປະຊຸມ​ທ່ານ ​ສຸກເສີມ ຢາງຈາງ, ຄະນະໜ່ວຍພັກ, ຮອງ​ຫົວໜ້າຄະນະ​ໂຄສະນາ​ອົບຮົມ​ແຂວງ ​ໄດ້​​ໃຫ້​ກຽດໂອ້​ລົມ​ຕໍ່​ກອງ​ປະຊຸ​ມຄັ້ງ​ນີ້ ກ່ອນ​ອື່ນ​ເພີ່ນ​ໄດ້​ຍ້​ອງຍໍ​ຊົມ​ເຊີຍ​ຕໍ່​ຜົນງານ​ທີ່ໜ່ວຍແມ່ຍິງ ຄະນະ​ໂຄສະນາ​ອົບຮົມ​ແຂວງ​ຫົວພັນຍາດ​ມາ​ໄດ້​ໃນ​ໄລຍະ​ 1 ປີ ຜ່ານ​ມາ. ພ້ອມ​ນັ້ນຍັງໄດ້ໜັ່ນໜັກເຖີງທິດທາງແຜນການສູ້ຊົນໃຫ້ໄດ້ແມ່ຍິງ 3 ດີໃນຕໍ່ໜ້າ, ສືບ​ຕໍ່​ຮັກສາ​ມູນ​ເຊື້ອດີເດັ່ນໃຫ້​ໄດ້​ຢື​ນຢົງ​ຕະຫຼອດ​ໄປ. ກອງປະຊຸມໄດ້ປິດລົງໃນເວລາ 16:00ຢ່າງຈົບງາມ.

54. ຄອຂ ແຂວງຫົວພັນສຳເລັດກອງປະຊຸມສ່ອງແສງລາຍງານສະພາບແນວຄິດ-ຫາງສຽງສັງຄົມປະຈຳເດືອນ 8

ລາຍລະອຽດ

ສ້າງຂື້ນເມື່ອ ວັນຈັນ, 05 ກັນຍາ 2022 01:59

ຂຽນໂດຍ ນ. ຊຳ

ຄະນະໂຄສະນາອົບຮົມແຂວງຫົວພັນສຳເລັດກອງປະຊຸມສ່ອງແສງລາຍງານສະພາບແນວຄິດ - ຫາງສຽງສັງຄົມປະຈໍາເດືອນ 8

ໃນຕອນເຊົ້າຂອງວັນທີ 25 ສີງຫາ 2022 ນີ້, ຄະນະໂຄສະນາອົບຮົມແຂວງຫົວພັນໄດ້ຈັດກອງປະຊຸມສ່ອງແສງລາຍງານສະພາບແນວຄິດ-ຫາງສຽງສັງຄົມ ປະຈໍາເດືອນ 8 ປີ 2022 ຂຶ້ນຢູ່ຫ້ອງປະຊຸມຊັ້ນ IV ຫ້ອງວ່າການແຂວງຫົວພັນ(ຫຼັງເກົ່າ). ພາຍໃຕ້ການເປັນປະທານຂອງສະຫາຍ ອົ້ມ ອິນທະລາ ຮອງຫົວໜ້າຄະນະໂຄສະນາອົບຮົມແຂວງ, ມີບັນດາທ່ານຄະນະກຳມະການຄົ້ນຄ້ວາ, ວິເຄາະ, ວິໄຈ, ຕິດຕາມ,  ເກັບກໍາຫາງສຽງ-ສັງຄົມຂັ້ນແຂວງ ເຂົ້າຮ່ວມທັງໝົດ 14 ສະຫາຍ, ຍີງ 8 ສະຫາຍ.

        ໃນກອງປະຊຸມໄດ້ຜ່ານບົດສະຫຼຸບສະພາບແນວຄິດຫາງ-ຫາງສຽງສັງຄົມໃນ 8 ປີ 2022 ແລະ ວາງທິດທາງ ຕິດຕາມສະພາບແນວຄິດຫາງສຽງ-ສັງຄົມປະຈໍາເດືອນ 9 ປີ 2022. ກອງປະຊຸມຍັງໄດ້ຮັບຟັງລາຍງານຫາງສຽງສັງຄົມຈາກຕາໜ່າງ ເພື່ອນຮ່ວມງານ ແລະ ຄໍາສະເໜີຂອງສັງຄົມ. ຈາກນັ້ນປະທານກອງປະຊຸມໄດ້ສ່ອງແສງໃຫ້ເຫັນຄວາມໝາຍຄວາມ ສຳຄັນໃນການເຄື່ອນໄຫວ, ການປະຕິບັດວຽກງານຫາງສຽງ-ສັງຄົມ ພ້ອມທັງມີຄໍາເຫັນເຈາະຈີ້ມສະເໜີໃຫ້ບັນດາ ຄະນະກຳມະການຄົ້ນຄ້ວາ, ວິເຄາະ, ວິໄຈ ຫາງສຽງສັງຄົມ ປະກອບຄໍາຄິດເຫັນ ແລະ ທັງພັດປ່ຽນກັນຂື້ນລາຍງານ ສະພາບແນວຄິດຫາງສຽງ-ສັງຄົມ ພາຍໃນກົມກອງຂອງຕົນ ອະທິບາຍຊີ້ແຈງຫາງສຽງ-ສັງຄົມທີຕັ້ງຂື້ນ.

      ຕອນທ້າຍກອງປະຊຸມຍັງໄດ້ຮັບຟັງການໂອ້ລົມຈາກສະຫາຍອົ້ມ ອິນທະລາ ກ່ອນອື່ນເພິນໄດ້ຊົມເຊີຍຜົນງານບັນດາ ສະຫາຍຄະນະກຳມະການ, ວິເຄາະ, ວິໄຈຫາງສຽງສັງຄົມຂັ້ນແຂວງໄດ້ຕັດສິນໃຈຜ່ານຄວາມອົດທົນໃນການຈັດ ຕັ້ງປະຕິບັດແນວທາງຂອງພັກ ແລະ ແຜນນະໂຍບາຍຂອງລັດ ດ້ວຍຄວາມຮັບຜິດຊອບສູງ ພ້ອມທັງ ໄດ້ຍົກໃຫ້ເຫັນ ເຖີງຄວາມໝາຍຄວາມສໍາຄັນຂອງວຽກງານຕິດຕາມ, ເກັບກຳສະພາບແນວຄິດ-ຫາງສຽງສັງຄົມ ເພີ່ມຄວາມເອົາໃຈໃສ່ ຕິດຕາມເກັບກຳສະພາບແນວຄິດຫ່າງສຽງ-ສັງຄົມທັງພາຍໃນ ແລະ ຕ່າງປະເທດ ຈາກສື່ສັງຄົມອອນລາຍດ້ວຍຫຼາຍຮູບ, ຫຼາຍວິທີ ກອງປະຊຸມໄດ້ປິດລົງເວລາ 12:00 ໂມງ ຂອງວັນດັ່ງກ່າວຢ່າງຈົບງາມ.

53. ຄອຂ ເປີດຮຽນສະໜັບສະໜຸນ ໃຫ້ມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊີກພັກ

ລາຍລະອຽດ

ສ້າງຂື້ນເມື່ອ ວັນຈັນ, 29 ສິງຫາ 2022 03:50

ຂຽນໂດຍ ອານຸສັກ

ຄະນະໂຄສະນາອົບຮົມແຂວງຫົວພັນ ເປີດຮຽນສະໜັບສະໜູນ ໃຫ້ມະຫາຊົນຜູ້ທີ່ມີຄວາມກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກ ປະຊາຊົນປະຕິວັດລາວ.

ພິທີໄດ້ຈັດຂຶ້ນໃນຕອນເຊົ້າວັນທີ 26 ສິງຫາ 2022 ນີ້ ຢູ່ຫ້ອງປະຊຸມນ້ອຍຊັ້້ນ 4 ຕືກຫ້ອງວ່າການແຂວງຫຼັງເກົ່າ ໂດຍໃຫ້ກຽດເຂົ້າຮ່ວມ ແລະ ບັນຍາຍເອກະສານ ຂອງ ສະຫາຍ ສຸກເສີມ ຢາງຈາງ, ຮອງຫົວໜ້າຄະນະໂຄສະນາອົບຮົມແຂວງ. ໃນນັ້ນ ມີມະຫາຊົນຜູ້ທີ່ມີຄວາມກ້າວໜ້າ ເຂົ້້າຮ່ວມຮຽນຈາກບັນດາພະແນກອ້ອມຂ້າງແຂວງ ແລະ ລັດວິສາຫະກິດ ເຊັ່ນ: ຄະນະພັກຮາກຖານ ພະແນກແຮງງານ ແລະ ສະຫວັດດີການສັງຄົມ,  ຄະນະພັກ ສານປະຊາຊົນແຂວງ, ຄະນະພັກ ສະຫະພັນນັກຮົບເກົ່າ, ຄະນະພັກຮາກຖານ ຫ້ອງວ່າການແຂວງ, ຄະນະໜ່ວຍພັກ ໂຮງຮຽນ ມ.ສ ພັນຊຳ, ຄະນະໜ່ວຍພັກ ລັດວິສາຫະກິດໄຟຟ້າລາວ. ເຊີ່ງມີຈຳນວນທັງໝົດ 19 ສະຫາຍ ຍິງ 8 ສະຫາຍ ເຂົ້າຮ່ວມ.

ໃນພິທີ ມະຫາຊົນຜູ້ທີ່ມີຄວາມກ້າວໜ້າ ໄດ້ຮັບຟັງການເຊື່ອມຊືມເອກະສານຕ່າງໆ ກ່ຽວກັບການນໍາໃຊ້ເອກະສານອົບຮົມເປົ້າໝາຍຂະຫຍາຍເຂົ້າພັກ ເຊິ່ງປະກອບມີ 13 ຄໍາຖາມ 13 ຄໍາຕອບ ແລະ ພາກເພີ່ມເຕີມ ອີກ 4 ຂໍ້ ກ່ຽວກັບພັກປະຊາຊົນປະຕິວັດລາວມາຈັດຕັ້ງເຜີຍແຜ່, ຮໍ່າຮຽນໃຫ້ມະຫາຊົນກ້າວໜ້າເຂົ້າໃຈຢ່າງເລິກເຊິ່ງ ຜ່ານການເຊື່ອມຊຶມເອກະສານສຶກສາອົບຮົມເປົ້າໝາຍຂະຫຍາຍເຂົ້າພັກ ໄດ້ເຮັດໃຫ້ມະຫາຊົນ ຜູ້ທີ່ມີຄວາມກ້າວໜ້າ ໄດ້ຮັບຮູ້ເຂົ້າໃຈເບື້ອງຕົ້ນ ກ່ຽວກັບປະຫວັດຄວາມເປັນມາ, ອຸດົມການ ແລະ ທາດແທ້ຂອງພັກ, ເຂົ້າໃຈກ່ຽວກັບມາດຖານ, ເງື່ອນໄຂ ແລະ ຜົນປະໂຫຍດທີ່ຈະໄດ້ຮັບຂອງສະມາຊິກພັກ.

   ພ້ອມດຽວກັນນັ້ນ ສະຫາຍ ສຸກເສີມ ຢາງຈາງ, ຮອງຫົວໜ້າຄະນະໂຄສະນາອົບຮົມແຂວງ ກໍ່ໄດ້ມອບໃບຢັ້ງຢືນໃຫ້ແກ່ມະຫາຊົນກ້າວໜ້າ ທີ່ໄດ້ຜ່ານການຮຽນສະໜັບສະໜູນຄັ້ງນີ້ ເພື່ອເປັນການຢັ້ງຢືນ ແລະ ເປັນການທົດສອບໃນການຝຶກຝົນຫຼໍ່ຫຼອມວຽກງານຂອງມະຫາຊົນ ຜູ້ທີ່ມີຄວາມກ້າວໜ້າ ຕາມການມອບໝາຍຂອງຂັ້ນເທິງ.