ເມືອງກວັນ ແຂວງຫົວພັນໄດ້ສຳເລັດພິທີເປີດຊຸດຝຶກອົບຮົມທິດສະດີການເມືອງ-ການປົກຄອງ ໄລຍະ 10 ວັນໃຫ້ເລຂາ, ຄະນະພັກບ້ານ

ລາຍລະອຽດ

ສ້າງຂື້ນເມື່ອ ວັນສຸກ, 27 ມັງກອນ 2023 02:45

ຂຽນໂດຍ ອານຸສັກ

ເມືອງກວັນ ແຂວງຫົວພັນໄດ້ສຳເລັດພິທີ​ເປີດຊຸດ​ຝຶກ​ອົບຮົມ​ທິດ​ສະ​ດີກາ​ນ​ເມືອງ​-ການ​ປົກຄອງ ​ໄລຍະ 10 ວັນໃຫ້​ເລຂາ​, ຄະນະ​ພັກ​ບ້ານ

       ວັນ​ທີ 10 ຫາ 18 ມັງກອນ 2023 ຜ່ານ​ມາ​ນີ້ ​ເມືອງ​ກວັນ ​ແຂວງ​ຫົວພັນ ​ໄດ້​ຈັດ​ພິທີ ຝຶກ​ອົບຮົມ​ທິດ​ສະ​ດີກາ​ນ​ເມືອງ - ການ​ປົກຄອງ ​ໄລຍະ​ສັ້ນ 10 ວັນ​ໃຫ້​ເລຂາ, ຄະນະ​ພັກ​ ​ແລະ ອໍານາດ​ການ​ປົກຄອງ​ບ້ານ ຊຸດ​ທີ II  ຈໍານວນ 66 ບ້ານ ເຊີ່ງໄດ້ຈັດຂື້ນຢູ່ທີ່​ສະ​ໂມ​ສອນ ຂອງເມືອງ ​ໂດຍ​ເປັນກຽດເຂົ້າຮ່ວມ ​ຂອງ​ສະຫາຍ ອຳພອນ ສອນວິໄລ ຮອງ​ເລຂາ​ພັກ​ເມືອງ ຜູ້​ປະ​ຈໍາ​ການ, ມີ​ສະຫາຍ ພູ​ແສງ ​ໄຊ​ນີຈັນ ຮອງເລຂາໜ່ວຍພັກ,  ຮອງຫົວໜ້າ​ໂຮງ​ຮຽນການ​ເມືອງ - ການ​ປົກຄອງ ​ແຂວງ​ຫົວພັນ, ມີບັນດາທ່ານຄະນະ​ຮັບຜິດຊອບ​ຊຸດຝືກອົບຮົມ, ແຂກຖືກເຊີນ ຄູ​ອາຈານ,​ ຕະຫຼອດຮອດ​ນັກ​ສໍາ​ມະ​ນາກ​ອນ​ເຂົ້າ​ຮ່ວມ​ທັງໝົດ 78 ສະຫາຍ ຍິງ 6 ສະຫາຍ.

      ໃນພິທີຜູ້ເຂົ້້າຮ່ວມໄດ້ຮັບຟັງ ການຜ່ານບົດສະຫຼຸບຕີລາຄາການຈັດຕັ້ງປະຕິບັດການຮຽນ-ການສອນເຊີ່ງໄດ້ຍົກໃຫ້ເຫັນດ້ານດີຜົນງານ ແລະ ດ້ານອ່ອນຄົງຄ້າງເປັນຕົ້ນ. ໃນຊຸດຝືກອົບຮົມຄັ້ງນີ້ມີຄະນະຮັບຜິດຊອບ, ກອງເລຂາ ແລະ ຄູອາຈານທັງໝົດ 18 ສະຫາຍ, ຍີງ 4 ສະຫາຍ ແລະ ນັກຝືກອົບຮົມ 66 ສະຫາຍ, ຍິງ 1 ສະຫາຍ ທີ່ມາຈາກ 66 ບ້ານທົ່ວເມືອງກວັນ. ທັງນີ້ກໍເປັນການຍົກລະດັບຄວາມຮູ້ທາງດ້ານການເມືອງ-ການປົກຄອງໃຫ້ຄະນະພັກອໍານາດການປົກຄອງຂັ້ນບ້ານ ​ໄດ້​ຮຽນຮູ້​ເຂົ້າ​ໃຈ​ແນວທາງ​ການ​ເມືອງ​ຂອງ​ພັກ, ມີ​ແນວ​ຄິດຫຼັກໝັ້ນ, ສ້າງ​ຄວາມ​ເຂັ້ມ​ແຂງ​ໃນ​ການ​ນໍາພາ - ຊີ້​ນໍາ, ການ​ຄຸ້ມ​ຄອງ​ລັດ, ຄຸ້ມ​ຄອງ​ສັງ​ຄົມ, ຢູ່​ພາຍ​ໃນ​ບ້ານ​ຂອງ​ຕົນ​ໃຫ້​ເປັນ​ລະບຽບຮຽບຮ້ອຍ ​ແລະ ມີ​ຄວາມ​ເປັນ​ເຈົ້າ​ການ​ຕື່ມ, ປະກອບສ່ວນ ສ້າງສາ​ພັດທະນາ ຊີ​ວີ​ດຄອບຄົວ ​ແລະ ບ້ານ​ໃຫ້​ດີ​ຂື້ນເປັນກ້າວໆ.

• ຕໍ່ໄປ >