ເມືອງຮ້ຽມ ແຂວງຫົວພັນ ປາຖະກະຖາ ວັ້ນສ້າງຕັ້ງກອງທັບປະຊາຊົນລາວ ຄົບຮອບ 74 ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 24 ມັງກອນ 2023 02:53

ຂຽນໂດຍ ອານຸສັກ

ເມືອງ​ຮ້ຽ​ມ ແຂວງ​ຫົວ​ພັນ ​ປາ​ຖະ​ກະ​ຖາ ວັ້ນສ້າງຕັ້ງກອງທັບປະຊາຊົນລາວ ຄົບຮອບ 74 ປີ

        ວັນ​ທີ 20 ມັງກອນ 2023 ນີ້ ເມືອງ​ຮ້ຽມແຂວງ​ຫົວ​ພັນ​ໄດ້​ຈັດ​ພິ​ທີ​ປາ​ຖະ​ກະ​ຖາ ວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີຂື້ນ​ຢູ່​ທີ່​ສະ​ໂມ​ສອນ​ຂອງ​ເມືອງ ເປັນ​ກຽດ​ເຂົ້າ​ຮ່ວມ​ພິ​ທີ​ຂອງ​ທ່ານ ປະ​ລິນ​ຍາ​ເອກ​ບຸນ​ວິ​ໄຊ ກງ​ປະ​ລີ ກຳ​ມະ​ການ​ພັກ​ແຂວງ​ເລ​ຂາ​ພັກ​ເມືອງ ເຈົ້າ​ເມືອງ ເມືອງ​ຮ້ຽມ, ມີ​ບັນ​ດາ​ທ່ານ ຄະ​ນະ​ປະ​ຈຳ, ກຳ​ມະ​ການ​ພັກ​ເມືອງ, ຫົວ​ໜ້າຮອງ​ຫົວ​ໜ້າ​ກົມ​ກອງ, ຫ້ອງ​ການ, ພະ​ນັກ​ງານ-ລັດ​ຖະ​ກອນ, ທະ​ຫານ-ຕຳ​ຫຼວດ ເຂົ້າ​ຮ່ວມ.

       ໃນພິ​ທີ​ດັ່ງ​ກ່າວ​​ທ່ານ ປະ​ລິນ​ຍາ​ເອກ​ ບຸນ​ວິ​ໄຊ ກົງ​ປະ​ລີ ກຳ​ມະ​ການ​ພັກ​ແຂວງ​ ເລ​ຂາ​ພັກ​ເມືອງ ເຈົ້າ​ເມືອງເມືອງ​ຮ້ຽມ ໄດ້ໃຫ້ກຽດເລົ່າມູນເຊື້ອປະຫວັດຄວາມເປັນມາ ວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ. ເຊິ່ງໄດ້ຍົກໃຫ້ເຫັນມູນເຊື້ອອັນພິລະອາດ, ຄວາມກະຕັນຍູ ແລະ ຮູ້ບຸນຢ່າງລົນເຫຼືອ, ນໍ້າໃຈຕໍ່ສູ້ຢ່າງພິລະອາດຫານບໍຍອມຈໍານົນ ຂອງບັນພະບູລຸດຂອງລາວ ກໍຄືນັກຮົບປະຕິວັດ ທີ່ໄດ້ເສຍສະຫຼະເລືອດເນື້ອໃນພາລະກິດປະຕິວັດຢ່າງອົງອາດກ້າຫານ, ພາຍໃຕ້ການຊີ້ນໍາ - ນໍາພາຂອງພັກປະຊາຊົນປະຕິວັດລາວ ຈົນສາມາດຍາດໄດ້ໄຊຊະນະອັນໃຫຍ່ຫຼວງ ແລະ ປະກາດເອກະລາດ ສາຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ຂື້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975 ເຊິ່ງໄດ້ນໍາເອົາຄວາມຢູ່ເຢັນເປັນສຸກ, ຄວາມຮຸ່ງເຮືອງສີວິໄລມາໃຫ້ພໍ່ແມ່ປະຊາຊົນລາວທັງຊາດເປັນກ້າວໆ.

       ການຈັດພິທີປາຖະກະຖາໃນຄັ້ງນີ້ ກໍເພື່ອເຮັດໃຫ້ພະນັກງານ - ລັດຖະກອນ, ທະຫານ - ຕໍາຫຼວດ ແລະ ປະຊາຊົນບັນດາເຜົ່າ ໄດ້ຮັບຮູ້, ເຂົ້າໃຈ ແລະ ກໍາແໜ້ນມູນເຊື້ອວັນສໍາຄັນດັ່ງກ່າວ, ນໍາໄປຈັດຕັ້ງປະຕິບັດ ແລະ ເປັນບົດຮຽນ ຈົ່ງພ້ອມກັນສືບຕໍ່ຜັນຂະຫຍາຍມູນເຊື້ອອັນດີງາມດັ່ງກ່າວ ເຂົ້າໃນການຈັດຕັ້ງປະຕິບັດໜ້າທີ່ວຽກງານໃຫ້ປະກົດຜົນເປັນຈິງ.

• < ຕໍ່ໄປ
• ຕໍ່ໄປ >