ເມືອງຊຽງຄໍ້ຈັດພິທີປາຖະກະຖາວັນສ້າງຕັ້ງພັກປະຊາຊົນປະຕິວັດລາວ

ລາຍລະອຽດ

ສ້າງຂື້ນເມື່ອ ວັນພະຫັດ, 30 ມີນາ 2023 03:30

ຂຽນໂດຍ ອານຸສັກ

ເມືອງຊຽງຄໍ້ຈັດພິທີປາຖະກະຖາວັນສ້າງຕັ້ງພັກປະຊາຊົນປະຕິວັດລາວຄົບຮອບ 68 ປີ ແລະ ວັນລະນືກເສຍອົງຄະ - ເສຍສະຫຼະຊີວິດເພື່ອປະເທດຊາດຄົບຮອບ 77 ປີ

        ໃນຕອນເຊົ້າ ຂອງວັນທີ 23 ມີນາ 2023 ຜ່ານມານີ້ເມືອງຊຽງຄໍ້ ໄດ້ຈັດພິທີ ປາຖະກະຖາ ວັນສ້າງຕັ້ງພັກປະຊາຊົນ ປະຕິວັດລາວຄົບຮອບ 68 ປີ (22 ມີນາ 1955 - 22 ມີນາ 2023)ແລະ ວັນລະນືກເສຍອົງຄະ - ເສຍສະຫຼະຊີວິດເພື່ອປະເທດຊາດຄົບຮອບ 77 ປີ (21 ມີນາ 1946 - 21 ມີນາ 2023) ຢູ່ທີ່ສະໂມສອນຫ້ອງການສຶກສາເມືອງຊຽງຄໍ້ ແຂວງຫົວພັນ ໃຫ້ກຽດປາຖະກະຖາ ຂອງ ທ່ານ ນວນທອງ ສຸວັນທອງ ຮອງເລຂາພັກເມືອງ, ມີບັນດາທ່ານ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າ - ຮອງຫົວໜ້າຫ້ອງການ, ພ້ອມດ້ວຍພະນັກງານ - ລັດຖະກອນ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ ເຂົ້າຮ່ວມຢ່າງພ້ອມພຽງ.

       ເພື່ອເປັນການທົບທວນຫວນຄືນເລົ່າມູນເຊື້ອ ແລະ ໄຊຊະນະປະຫວັດສາດອັນໃຫຍ່ຫຼວງ ຂອງພາລະກິດໃນການຕໍ່ສູ້ປົດປ່ອຍປະເທດຊາດ ຂອງບັນພະບູລຸດທີ່ໄດ້ເສຍສະຫຼະເລືອດເນື້ອເພື່ອປະເທດຊາດ, ເພື່ອປະຊາຊົນໃນເມື່ອກ່ອນ ແລະມີຜົນສຳເລັດໃນພະລະກິດປົກປັກຮັກສາ ແລະ ສ້າງສາພັດທະນາປະເທດຊາດ ພາຍໃຕ້ການນຳພາ ຂອງພັກປະຊາຊົນ ປະຕິວັດລາວຕະຫຼອດໄລຍະ 68 ປີ ແລະ ເພື່ອປູກລະດື່ມນໍ້າໃຈຮັກຊາດ, ຮັກລະບອບໃໝ່, ເປັນເຈົ້າຕົນເອງ, ເພີ່ງຕົນເອງ ແລະ ສ້າງຄວາມເຂັ້ມດ້ວຍຕົນເອງ, ເຊີດຊູບົດບາດການນຳພາ ຂອງພັກໄປພ້ອມກັບການປຸກລະດົມຂະບວນການແຂ່ງຂັນຮັກຊາດ, ຮັກບ້ານເກີດເມືອງນອນ ແລະ ພັດທະນາປະເທດຊາດໃຫ້ຈະເລີນຮຸ່ງເຮືອງຮັ່ງມີ ໂດຍຕິດພັນກັບຂະບວນການປະຕິບັດ 2 ວາລະແຫ່ງຊາດກໍ່ການຈັດຕັ້ງປະຕິບັດແຜນພັດນາເສດຖະກິດ - ສັງຄົມໃນ 5 ປີຕໍ່ໜ້າໃຫ້ບັນລຸຕາມເປົ້າໝາຍທີ່ວາງໄວ້.

    ພີທີ່ ປາຖະກະຖາ ໄດ້ສຳເລັດລົງ ໃນເວລາ 11 ໂມງ 30 ນາທີ ຂອງວັນດຽວກັນຢ່າງຈົບງາມ.

• ຕໍ່ໄປ >