ກອງປະຊຸມ, ທັງສອງຝ່າຍໄດ້ລາຍງານສະພາບ ແລະ ຜົນສຳເລັດໃນການຈັດຕັ້ງປະຕິບັດວຽກງານໃນໄລຍະຜ່ານມາ, ໂດຍສະເພາະວຽກງານໂຄສະນາປາຖະກະຖາ, ວຽກງານອົບຮົມ, ການຄົ້ນຄວ້າສັງລວມ, ວຽກງານເສນາທິການ ແລະ ວຽກງານຖະແຫຼງຂ່າວ-ສື່ມວນຊົນ, ທັງສອງແຂວງໄດ້ສົນທະນາແລກປ່ຽນປະສົບການໃນຫຼາຍຂະແໜງ ປະກອບມີ: ການເຜີຍແຜ່ ແລະ ຜັນຂະຫຍາຍເນື້ອໃນມະຕິກອງປະຊຸມໃຫຍ່ຜູ້ແທນອົງການພັກແຂວງ, ການຕິດຕາມກວດກາ, ການເຝິກອົບຮົມນັກທຸລະກິດ ແລະ ຊາວໜຸ່ມ, ການເກັບກຳຟັງສຽງສັງຄົມພາຍໃນແຂວງ, ການເຄື່ອນໄຫວວຽກງານໂຄສະນາຜ່ານສື່ມວນຊົນ, ການໂຄສະນາປາຖະກະຖາໃນວັນຄົບຮອບວັນສຳຄັນຕ່າງໆຂອງຊາດ, ຂອງພັກ, ວິທີການສ້າງລາຍຮັບດ້ານສື່ມວນຊົນໃນຍຸກເທັກໂນໂລຊີທັນສະໄໝ ແລະ ການຫັນເອົາວຽກງານສື່ມວນຊົນເຂົ້າສູ່ລະບົບດິຈິຕອນ.

     ການພົບປະແລກປ່ຽນບົດຮຽນໃນຄັ້ງນີ້ ເພື່ອເພີ່ມທະວີຄວາມສາມັກຄີ ແລະ ການຮ່ວມມືລະຫວ່າງສອງແຂວງຫົວພັນ-ຊຽງຂວາງໃຫ້ແໜ້ນແຟ້ນໝັ້ນຄົງຍິ່ງຂຶ້ນ. ໃນໂອກາດນີ້, ຄະນະຜູ້ແທນຄະນະໂຄສະນາອົບຮົມແຂວງຊຽງຂວາງ ຍັງໄດ້ເດີນທາງໄປທ່ຽວຊົມເຂດອານຸສອນສະຖານເມືອງວຽງໄຊ ໃນນັ້ນໄດເຂົ້າທ່ຽວຊົມຖ້ຳ ທ່ານໄກສອນ ພົມວິຫານ, ຖ້ຳທ່ານ ສຸພານຸວົງ, ຖ້ຳຊ້າງລອດ, ຜານາງມ້ອນ ແລະ ຊົມສວນຊາກຸຣາ ມິດຕະພາບລາວ-ຢີ່ປຸ່ນ ອີກດ້ວຍ.