ຄະນະໂຄສະນາອົບຮົມແຂວງ ສໍາເລັດການປະເມີນຜົນການຈັດຕັ້ງປະຕິບັດວຽກງານພະນັກງານ ແລະ ປະເມີນຫນ່ວຍພັກ ປອດໃສ, ເຂັ້ມແຂງຫນັກແຫນ້ນ ປະຈໍາປີ 2024.

ວັນທີ 16 ຕຸລາ 2024. ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ສໍາເລັດກອງປະຊຸມປະ ເມີນ ຜົນການຈັດຕັ້ງປະຕິບັດວຽກງານພະນັກງານ – ລັດຖະກອນ, ປະເມີນຫນ່ວຍພັກປອດໃສ, ເຂັ້ມແຂງ ຫນັກແຫນ້ນ ປະຈໍາປີ 2024. ກອງປະຊຸມໄດ້ດໍາເນີນມາເປັນເວລາ 1 ວັນເຕັມຢູ່ທີ່ຫ້ອງປະຊຸມຊັ້ນ III ຫ້ອງ ວ່າການແຂວງຫົວພັນ, ພາຍໃຕ້ການເປັນປະທານ ຂອງ ສະຫາຍ ຕົງລີເຕັ່ງ ກໍາມະການພັກແຂວງ, ເລຂາ ຫນ່ວຍພັກ, ຫົວຫນ້າຄະນະໂຄສະນາອົບຮົມແຂວງຫົວພັນ. ມີບັນດາສະຫາຍຕາງຫນ້າມາຈາກພະແນກພາຍ ໃນແຂວງ, ຄະນະກວດກາພັກ, ພະແນກກວດກາລັດ, ຈັດຕັ້ງແຂວງ ພ້ອມດ້ວຍພະນັກງານ – ລັດຖະກອນ ສະມາຊິກພັກເຂົ້າຮ່ວມທັງຫມົດ 17 ສະຫາຍ, ຍິງ 7 ສະຫາຍ.

ໃນກອງປະຊຸມຜູ້ເຂົ້າຮ່ວມໄດ້ຮັບຟັງບົດສະຫຼຸບການນໍາພາ-ຊີ້ນໍາ ຂອງຄະນະພັກໃນການສ້າງຫນ່ວຍ ພັກປອດໃສ, ເຂັ້ມແຂງ, ຫນັກແຫນ້ນຂອງຫນ່ວຍພັກຄະນະໂຄສະນາອົບຮົມແຂວງປະຈໍາປີ 2024 ຄັ້ງທີ VII ແລະ ທິດທາງແຜນການປີ 2025, ບົດສະຫຼຸບການຈັດຕັ້ງປະຕິບັດວຽກງານຂອງພະນັກງານ-ລັດຖະກອນ ປະຈໍາປີ 2024 ແລະ ແຜນການປະຈໍາປີ 2025 ເຊີ່ງໄດ້ຍົກໃຫ້ເຫັນດ້ານດີຜົນງານທີ່ຈັດຕັ້ງປະຕິບັດໃນ ໄລຍະຜ່ານມາ ດ້ານອ່ອນຄົງຄ້າງທີ່ຕ້ອງໄດ້ປັບປຸງ, ແກ້ໄຂ ແລະ ທິດທາງແຜນການໃນຕໍ່ຫນ້າໃຫ້ຈະແຈ້ງ ສົມບູນ ເພື່ອຄວາມເປັນເອກະພາບໃນການຈັດຕັ້ງປະຕິບັດຕາມທິດທາງທີ່ວາງໄວ້ ໃນປີ 2025.

ຕອນທ້າຍຂອງພິທີກອງປະຊຸມຍັງໄດ້ຮັບຟັງການໂອ້ລົມຈາກສະຫາຍ ຕົງລີເຕັ່ງ ກໍາມະການພັກແຂວງ ເລຂາຫນ່ວຍພັກ, ຫົວຫນ້າຄະນະໂຄສະນາອົບຮົມແຂວງຫົວພັນ, ເຊິ່ງກ່ອນອື່ນເພິ່ນໄດ້ຍ້ອງຍໍຊົມເຊີຍຕໍ່ຜົນ ງານທີ່ຫນ່ວຍພັກ, ພະນັກງານ-ລັດຖະກອນ ຄະນະໂຄສະນາອົບຮົມຍາດມາໄດ້ໃນ 1 ປີຜ່ານມາ, ພ້ອມນັ້ນ ສະຫາຍຍັງໄດ້ເຫນັ້ນຫນັກວ່າ: ຄະນະພັກ, ຄະນະນໍາຕ້ອງສືບຕໍ່ສຶກສາອົບຮົມການເມືອງ-ແນວຄິດໃຫ້ພະນັກ ງານ, ສະມາຊິກພັກ, ລັດຖະກອນໃຫ້ຫນັກແຫນ້ນ ແລະ ດີກວ່າເກົ່າ, ຕ້ອງເພີ່ມທະວີຄວາມຮັບຜິດຊອບຕໍ່ ວຽກງານການເມືອງຂອງພັກເວົ້າລວມ, ເວົ້າສະເພາະກໍ່ຄືຕໍ່ວຽກງານວິຊາສະເພາະໃນການເປັນເສນາທິການ ໃຫ້ແກ່ຄະນະພັກຂັ້ນເທິງ ພ້ອມກັນເສີມຂະຫຍາຍຄວາມເປັນເຈົ້າການ, ຄວາມສາມັກຄີພາຍໃນພາຍນອກ ຢ່າງແຫນ້ນແຟ້ນ ແລະ ກວ້າງຂວາງ, ເພື່ອແນໃສ່ເຮັດໃຫ້ການຈັດຕັ້ງປະຕິບັດວຽກງານການເມືອງຂອງພັກ ເດີນແມ່ນແລ່ນສະດວກທັງມີປະສິດທິພາບ, ປະສິດທິຜົນພ້ອມທັງມີຜົນສໍາເລັດ.