ກອງປະຊຸມປັບປຸງ ແນະນໍາຄືນວຽກງານຕິດຕາມເກັບກໍາສະພາບແນວຄິດ – ຫາງສຽງສັງຄົມຂັ້ນເມືອງ

ວັນທີ17 ຕຸລາ 2024ນີ້ເມືອງຊໍາໃຕ້ໄດ້ຈັດກອງປະຊຸມປັບປຸງ ແນະນໍາຄືນວຽກງານຕິດຕາມເກັບກໍາສະພາບແນວຄິດ – ຫາງສຽງສັງຄົມຂື້ນຢູ່ທີ່ສະໂມສອນຂອງເມືອງຢ່າງເປັນທາງການ ກອງປະຊຸມໂດຍພາຍໃຕການເປັນປະທານຂອງທ່ານ ທອງ ຄູນທອນຮູງມີໄຊ ເລຂາພັກເມືອງເຈົ້າເມືອງບັນດາທ່ານໃນຄະນະປະຈໍາ ກໍາມະການພັກເມືອງ ຫົວໜ້າ ຮອງຫົວໜ້າຫ້ອງການ ພ້ອມດ້ວຍຜູ້ຕາງໜ້າເພື່ອນຮ່ວມງານວຽກງານຫາງສຽງສັງຄົມເຂົ້າຮວມຢ່າງພ້ອມພຽງ

ກອງປະຊຸມໄດ້ຮັບຟັງການຜ່ານມະຕິຕົກລົງເລກທີ225/ຄປຈມລົງວັນທີ5 ສິງຫາ 2024ວ່າດ້ວຍການແຕ່ງຕັ້ງຄະນະຊີ້ນໍາລວມຄົ້ນຄວ້າ, ວິເຄາະ, ວິໄຈ ແກ້ໄຂສະພາບແນວຄິດ-ຫາງສຽງສັງຄົມແລະ ຕາໜ່າງເພື່ອນຮ່ວມງານຂັ້ນເມືອງໃນປັດຈຸບັນມີສະພາບການ ແລະປະກົດການຕາງໆທີ່ມັກອາດເກີດຂຶ້ນ ເຊິ່ງມີຫຼາຍອັນກະທົບ ແລະສົ່ງຜົນ ສະທ້ອນເຖິງແນວຄິດຂອງສະມາຊິກພັກ, ພະນັກງານ, ທະຫານ, ຕໍາຫລວດ ແລະ ປະຊາຊົນ ທັງດ້ານຕັ້ງໜ້າ ແລະດ້ານຫຍ້ໍທໍ້ລວມທັງການບິດເບືອນໃສ່ຮ້າຍປ້າຍສີຈາກຜູ້້ບໍ່ຫວັງດີຕໍ່ປະເທດຊາດ, ຕໍ່ການນໍາພາຂອງພັກ- ລັດ.ສະພາບແນວຄິດ – ຫາງສຽງສັງຄົມແມ່ນການສັງລວມເອົາທັດສະນະຂອງມະຫາຊົນ, ຊັ້ນຄົນຕ່າງໆທີ່ມີຕໍ່ເຫດການ, ປະກົດການທີ່ເກີດຂຶ້ນໃນສັງຄົມນັບທັງດ້ານຕັ້ງຫ້ນາທີ່ຄວນເສີມຂະຫຍາຍ ແລະ ດ້ານຫຍໍ້ທໍ້ທີ່ຄວນປັບປຸງ ເພື່ອລາຍງານຂັ້ນເທິງໃຫ້ມີທິດຊີ້ນໍາ ແລະເສີມຂະຫຍາຍສິ່ງທີ່ດີແລະ ແກ້ໄຂຕໍ່ກັບບັນດາຂໍ້ຄົງຄ້າງໃຫ້ຖືກຕ້ອງ ແລະ ທັນການ.ຖ້າມີການຕິດຕາມເກັບກໍາສະພາບແນວຄິດ – ຫາງສຽງສັງຄົມໄດ້ຄົບຖ້ວນ, ທົ່ວເຖິງ,ຖືກຕອງ, ຊັດເຈນ ແລະລາຍງານຂັ້ນເທິງເປັນປົກກະຕິໃນການພິຈາລະນາ ກໍານົດມາດຕະການ ແລະວິທີການແກ້ໄຂບັນດາປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມໃຫ້ນັບມື້ຫລຸດນ້ອຍຖອຍລົງ.ສະນັ້ນ, ຈຶ່ງເຫັນໄດ້ວ່າ ວຽກງານຕິດຕາມເກັບກໍາສະພາບແນວຄິດ – ຫາງສຽງສັງຄົມແມ່ນວຽກງານຫນຶ່ງທີ່ສໍາຄັນຂອງພັກໃນການກວດກາ ຕິດຕາມການຈັດຕັ້ງປະຕິບັດແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມແລະ ລະບຽບ -ກົດຫມາຍ ຂອງລັດ ໃນໄລຍະຜ່ານມາຄະນະພັກແຕ່ລະຂັ້ນ ແຕ່ສູນກາງຮອດທ້ອງຖິ່ນກໍ່ໄດ້ມີຄວາມພະຍາຍາມຊີ້ນໍາອົງການທີ່ກຽວຂ້ອງຂອງພັກ-ລັດເຊັ່ນ ຄະນະໂຄສະນາອົບຮົມຂະແໜງການຖະແຫຼງຂ່າວວັດທະນະທໍາ ແລະ ຂະແໜງການອື່ນໆເກັບກໍາສະພາບແນວຄິດຈິດໃຈຂອງປະຊາຊົນ ແລະ ຫາງສຽງຂອງສັງຄົມເພື່ອລາຍງານຕ່ໍ່ການນໍາຂັ້ນຕ່າງໆ,ເປັນປົກກະຕິພໍສົມຄວນ ແຕ່ເຫັນວ່າຄຸນນະພາບຍັງບ່ໍ່ທັນສູງ ແລະ ຄົບຖວນຈີ່ງເຮັດໃຫ້ຫາງສຽງຂອງສັງຄົມກ່ໍ່ຄືບັນຫາທີ່ສັງຄົມຕັ້ງຂື້ນ ຍັງບ່ໍ່ທັນໄດ້ຮັບການແກ້ໄຂຢ່າງສອດຄ່ອງ ແລະ ທັນການ ໄປພ້ອມກັນນັ້ນຍັງໄດ້ຮັບຟັງການຜ່ານຄໍາສັ່ງຂອງຄະນະເລຂາທິການສູນກາງພັກເລກທີ04/ຄລສພ ລົງວັນທີ10ກລະກົດ 2017 ວ່າດ້ວຍການເພີ່ມທະວີວຽກງານຕິດຕາມ,ເກັບກາສະພາບແນວຄິດ – ຫາງສຽງສັງຄົມໃນໄລຍະໃໝ່ຂໍ້ກໍານົດເລກທີ133/ຄອສພ ບັນຫາພື້ນຖານກຽວກັບວຽກງານຫາງສຽງສັງຄົມເອກະສານການເກັບກໍາ ແລະ ການນໍາໃຊ້ຫາງສຽງສັງຄົມເຂົ້າໃນວຽກງານການເມືອງແນວຄິດ ແລະ ເອກສານອື່ນໆອີກທີ່ກ່ຽວກັບວຽກງານທາງດ້ານຫາງສຽງສັງຄົມເປັນຕົ້ນ.

ຈາກນັ້ນທ່ານ ທອງ ຄູນທອນຮູງມີໄຊເລຂາພັກເມືອງເຈົ້າເມືອງຍັງໄດ້ເນັ້ນໜັກເຖິງພາລະບົດບາດ ສິດ ແລະ ໜ້າທີ່ຂອງຄະນະພັກແຕ່ລະຂັ້ນ ແລະ ຍັງກະຈ່າງແຈ້ງເຖິງແຈ້ງການແນະນໍາເລກທີ04ຕໍ່ກອງປະຊູມໄດ້ເຂົ້າໃຈຢ່າງເລິກເຊີ່ງເພື່ອແນໃສ່ບັນຫາຫາງສຽງສັງຄົມໃຫ້ຫຼຸດນ້ອຍຖອຍລົງເທືີ່ອລະກ້າວ.