ແຂວງຫົວພັນເຜີຍແຜ່ເຊື່ອມຊຶມເອກະສານ ແຜນແມ່ບົດວ່າດ້ວຍການສ້າງຄູ່
ຮ່ວມຊາຕາກຳລາວ-ຈິນ 2024-2028
ໃນຕອນເຊົ້າວັນທີ 07 ສິງຫາ 2024 ນີ້, ແຂວງຫົວພັນໄດ້ຈັດຕັ້ງເຜີຍແຜ່, ເຊື່ອມຊືມເອກະສານ ແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳລາວ-ຈິນ 2024-2028 ຢູ່ທີຫໍວັດທະນະທຳຂອງແຂວງ, ໂດຍມີບັນດາທ່ານຄະນະປະຈຳພັກແຂວງ, ກຳມະການພັກແຂວງ, ຫົວໜ້າ, ຮອງຫົວໜ້າພະແນກການອ້ອມຂ້າງແຂວງ, ສະພາປະຊາຊົນ, ນາຍ ແລະ ພົນທະ ຫານ, ນາຍ ແລະ ພົນຕຳຫຼວດ, ບັນດາທະນາຄານ, ບັນດາລັດວິສາຫະກິດ ຕະຫຼອດຮອດພະນັກງານລັດຖະກອນອ້ອມຂ້າງແຂວງເຂົ້າຮ່ວມຮັບຟັງທັງໝົດມີ 403 ທ່ານ, ຍິງ 151 ທ່ານ.
ໃຫ້ກຽດເຂົ້າຮ່ວມ ແລະ ເຜີຍແຜ່ເອສານ ໂດຍ ທ່ານ ເພີດ ມາປັນຍາ ຮອງເລຂາພັກແຂວງ ຜູ້ປະຈຳການ, ຊີ້ນໍາວຽກງານແນວຄິດ, ວຽກງານພັກພະນັກງານຂັ້ນແຂວງ ທ່ານໄດ້ຍົກໃຫ້ເຫັນຜົນສຳເລັດການພົບປະສອງຝ່າຍລະຫວ່າງສະ ຫາຍ ສີຈີ້ນຜິງ ເລຂາທິການໃຫຍ່, ປະທານປະເທດຈີນ ກັບສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ສປປ ລາວ ເຊິ່ງໄດ້ເນັ້ນໜັກວ່າ: ຄູ່ຮ່ວມຊາຕາກຳລາວ-ຈີນ ເປັນຄູ່ຮ່ວມຊາຕາກຳແບບພິເສດໃນຂອບການສ້າງປະຊາຄົມຮ່ວມຊາຕາກຳຂອງມວນມະນຸດ, ພິເສດຢູ່ບ່ອນວ່າ ຈີນ ແລະ ລາວ ລ້ວນແຕ່ເປັນປະເທດສັງຄົມນິຍົມ ທີ່ນຳພາໂດຍ ພັກກອມມູນິດ, ຍຶດໝັ້ນການນຳພາຂອງພັກ ແລະ ເສັ້ນທາງສັງຄົມນິຍົມແມ່ນທາດແທ້ຂອງສາຍພົວພັນ ຈີນ-ລາວ, ທັງແມ່ນລັກສະນະຈະແຈ້ງຂອງການສ້າງຄູ່ຮ່ວມຊາຕາກຳ ລາວ-ຈີນ, ສະນັ້ນສອງຝ່າຍຕ້ອງຖືເອົາແຜນແມ່ບົດສະບັບໃໝ່ເປັນ ບ່ອນອິງໃນການຊຸກຍູ້ໃຫ້ການສ້າງຄູ່ຮ່ວມຊາຕາກຳ ກ້າວເຂົ້າສູ່ລວງເລິກ, ເປັນຮູບປະທຳ ແລະ ເພີ່ມເນື້ອໃນໃໝ່ຂອງການພົວພັນຮ່ວມມືສອງພັກ, ສອງລັດ ລາວ-ຈີນ ໃນຕໍ່ໜ້າ ແລະ ສ້າງຄວາມຮັບຮູ້ຢ່າງຖືກຕ້ອງກ່ຽວກັບຄວາມໝາຍ ແລະ ເນື້ອໃນຂອງການສ້າງຄູ່ຮ່ວມຊາຕາກຳລາວ-ຈີນໃຫ້ດຳເນີນໄປຢ່າງໝັ້ນທ່ຽງ ແລະ ຍາວນານ, ບົນພື້ນຖານຢືດໝັ້ນການເຄົາລົບ ແລະ ໄວ້ເນື້ອເຊື່ອໃຈທາງການເມືອງ, ມີຜົນປະໂຫຍດຮ່ວມກັນທາງດ້ານເສດຖະກິດ, ຊ່ວຍເຫຼືອ ແລະ ປົກປ້ອງທາງດ້ານຄວາມໝັ້ນຄົງ, ເຂົ້າໃຈ ແລະ ໃກ້ສິດກັນທາງດ້ານວັດທະນະທຳ-ສັງຄົມ, ຢູ່ຮ່ວກັນ ແລະ ຄຸ້ມຄອງຮ່ວມກັນທາງດ້ານລະບົບນິເວດ ແລະ ສິ່ງແວດລ້ອມ, ສອງຝ່າຍເຫັນດີເປັນເອກະພາບໃນການສືບຕໍ່ລົງນາມ ແລະ ຈັດຕັ້ງປະຕິບັດແຜນແມ່ບົດສະບັບໃໝ່ທີ່ກຳນົດ 5 ປີ ເພື່ອພ້ອມກັນສ້າງຄູ່ຮ່ວມຊາຕາກຳລາວ-ຈີນ ໃຫ້ມີມາດຕະຖານສູງ ແລະ ມີຄຸນນະພາບສູງ, ມີລະດັບສູງ, ປະກອບສ່ວນຢ່າງຕັ້ງໜ້າ ແລະ ກາຍເປັນຕົວແບບໃນການສ້າງຄູ່ຮ່ວມຊາຕາກຳຂອງມວນມະນຸດໃນໂລກ.
