ໃນຕອນເຊົ້າຂອງວັນທີ 27 ມີຖຸນາ 2024 ກົມຂໍ້ມູນຂ່າວສານ ແລະ ຝືກອົບຮົມ ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມທາງໄກ ( Video Conference ) ສ່ອງແສງລາຍງານການເຄື່ອນໄຫວວຽກງານໂຄສະນາຜ່ານສື່ເອເລັກໂຕຮນີກ (ເວບໄຊ) ຄະນະໂຄສະນາອົບຮົມແຂວງທົ່ວປະເທດ ປະຈຳໄຕຮມາດ II (ເດືອນ 4, 5, 6) ແລະ ທິດທາງແຜນການປະຈຳໄຕຮມາດ III (ເດຶອນ7, 8, 9) ປີ 2024 ເຊີ່ງຮ່ວມກັບບັນດາຄະນະໂຄສະນາອົບຮົມແຂວງ 17 ແຂວງ ແລະ 1 ນະຄອນຫຼວງ. ໂດຍພາຍໃຕ້ການເປັນປະທານຂອງ ທ່ານ ນາງ ວິລະວອນ ພັນທະວົງ ຄະນະປະຈຳພັກ ຮອງຫົວໜ້າຄະນະໂຄສະນາອົບຮົມສູນກາງພັກ. ຕາງໜ້າຄະນະໂຄສະນາອົບຮົມແຂວງຫົວພັນ ເຂົ້າຮ່ວມກອງປະຊຸມຄັ້ງມີ ທ່ານ ອົ້ມ ອິນທະລາ, ຮອງຫົວໜ້າຄະນະໂຄສະນາອົບຮົມແຂວງ, ມີວິຊາການຮັບຜິດຊອບວຽກງານໂຄສະນາຜ່ານສື່ເອເລັກໂຕຣນີກ (ເວັບໄຊ) ແລະ ພະນັກງານທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.
ໃນວາລະຂອງກອງປະຊຸມ ໄດ້ພ້ອມກັນຮັບຟັງຜົນສໍາເລັດໃນການປະຕິບັດວຽກງານ, ຂໍ້ສະດວກ, ຂໍ້ຫຍຸ້ງຍາກ ຂອງແຕ່ລະແຂວງ ເພື່ອຖອດຖອນບົດຮຽນການຫັນເປັນທັນສະໄໝ ແລະ ສາມາດຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງ ໂດຍສະເພາະວຽກງານ ການເມືອງ-ແນວຄິດ ໃນໄລຍະໃໝ່, ການເຄື່ອນໄຫວຈັດຕັ້ງປະຕິບັດວຽກງານຜ່ານສື່ເອເລັກໂຕຮນີກຂອງຄະນະໂຄສະນາອົບຮົມແຕ່ລະແຂວງ ສາມາດເຄື່ອນໄຫວໄດ້ປົກກະຕິມີຄວາມສະດວກວ່ອງໄວ, ທັນສະໄໝ ໃຫ້ທັນກັບສະພາບການ.
ຫຼັງຈາກນັ້ນ ຄະນະຮັບຜິດຊອບແຕ່ລະແຂວງໄດ້ລາຍງານຫຍໍ້ການເຄື່ອນໄຫວຈັດຕັ້ງປະຕິບັດວຽກງານເວບໄຊຂອງ ຄະນະໂຄສະນາອົບຮົມແຂວງ ປະຈຳໄຕຮມາດ II ເຊີ່ງມີທັງດ້ານດີຜົນງານ, ຂໍ້ສະດວກ, ຂໍ້ຫຍຸ້ງຫຍາກ ແລະ ທິດທາງແຜນການໃນຕໍ່ໜ້າຂອງບັນດາແຂວງໃນທົ່ວປະເທດ.
ໃນຕອນທ້າຍຂອງກອງປະຊຸມ ທ່ານ ນາງ ວິລະວອນ ພັນທະວົງ ຄະນະປະຈຳພັກ ຮອງຫົວໜ້າຄະນະໂຄສະນາອົບຮົມສູນກາງພັກ ຍັງໄດ້ຮຽກຮ້ອງມາຍັງກອງປະຊຸມໃຫ້ເອົາໃຈໃສ່ບາງບັນຫາ ດັ່ງນີ້:
- ຕິດຕາມກວດກາຄືນການເຄືີ່ອນໄຫວເທິງໜ້າກະດານຂ່າວເອເລັກໂຕຣນິກ (ເວັບໄຊ) ຂອງແຂວງຕົນ ກ່ຽວກັບບັນດາເມນູ, ຄໍລໍາຕ່າງໆ ໃຫ້ມີການອັບເດດໃຫມ່ຕະຫຼອດ ແລະ ປະດິດສ້າງໃຫ້ມີສີສັນ ເພື່ອຖອດຖອນບົດຮຽນເຊິ່ງກັນແລະກັນ
- ສົມທົບກັນພາຍໃນ ຍັງມີຂອດໃດທີ່ພົບຄວາມຫຍຸ້ງຍາກ ດ້ານອຸປະກອນຮັບໃຊ້ພຽງພໍ, ການຊີ້ນໍາຂອງຄະນະນໍາໃຫ້ຄວາມສໍາຄັນຕໍ່ວຽກງານນີ້ຢ່າງເລິກເຊີ່ງ, ຫຼື ແອັດມິນເຮັດໜ້າທີ່ເປັນເຈົ້າການລາຍງານໃຫ້ຄະນະຮັບຊາບທັນສະພາບການ ເພື່ອກໍາໄດ້ບັນຫາໃນການສະເໜີຂໍທິດຊີ້ຈາກຂັ້ນເທິງຂັ້ນຖັດ ຕົນປັບປຸງແກ້ໄຂຕາມຂັ້ເພື່ອແກ້ໄຂໃຫ້ທັນກັບເວລາ.
- ບົດຂ່າວ, ບົດຄວາມ, ເອກະສານຕ່າງໆ, ສາລະໜ້າຮູ້ແລະອື່ນໆ ທີ່ຍັງບໍ່ທັນມີຫຼາກຫຼາຍ ຍັງຄົງຄ້າງໃຫ້ ຄະນະຮັບຜິດຊອບວຽກງານນີ້ສັງເກດຕີລາຄາຄືນ ແລະ ມີ ແຜນການແກ້ໄຂໃນຕໍ່ໜ້າ ເພື່ອທີ່ແຂວງຕົນເອງຮັບຜິດຊອບນັ້ນມີການໂຄສະນາເຜີຍແຜ່ເນື້ອໃນທີ່ ອຸດົມສົມບູນ
- ການຍາດແຍ່ງເອົາການຊ່ວຍເຫຼືອ ທາງດ້ານທຶນຮອນ ແລະ ອຸປະກອນຮັບໃຊ້ຈາກຄະນະນຳຂອງແຂວງ ຕ້ອງໄດ້ຍົກໃຫ້ເພີ່ນກັນ ແລະ ຮັບຮູ້ເຂົ້າໃຈຄວາມສຳຄັນ ເປັນຕົ້ນລະບົບອິນເຕີເນັດໃນຄວາມໄວທີ່ເໝາະສົມ ໂດຍອີງໃສ່ການຈັດຕັ້ງປະຕິບັດໂຄສະນາເຜີຍແຜ່ທາງສື່ເອເລັກໂຕຣນິກ ເພື່ອອຳນວຍຄວາມສະດວກໃນຈັດຕັ້ງປະຕິບັດບັນດາວຽກງານຂອງຕົນໃຫ້ມີປະສິດທິພາບ ແລະ ປະສິດທິຜົນສູງ.
