ໃນວັນທີ19 – 20 ມິຖຸນາ 2024 ຄະນະໂຄສະນາອົບຮົມແຂວງຫົວພັນ ໄດ້ເຂົ້າຮ່ວມຊຸດຝຶກອົບຮົມການບໍລິຫານຈັດການກະດານຂ່າວເອເລັກໂຕຼນິກ ໂດຍການຈັດຂື້ນຂອງຄະນະໂຄສະນາອົບຮົມສູນກາງພັກ ຜ່ານລະບົບທາງໄກ(video conference) ມີບັນດາຄູຝຶກຈາກກົມຂໍ້ມູນຂ່າວສານ ແລະ ຝຶກອົບຮົມ, ນັກສໍາມະນາກອນ ແລະ ແອັດມິນຜູ້ຮັບຜິດຊອບເວັບໄຊສ ໃນທົ່ວປະເທດເຂົ້າຮ່ວມ.
ຊຸດຝືກອົບຮົມປະກອບມີ 5 ຫົວຂໍ້ຄື: ຫົວຂໍ້ 1: ຂັ້ນຕອນການກະກຽມຮູບພາບໃນການປະກອບບົດຂ່າວ; ຫົວຂໍ້ 2: ຂັ້ນຕອນການສ້າງ ແລະ ເຜີຍແຜ່ບົດຂ່າວ ລົງໃນເວັບໄຊສ; ຫົວຂໍ້ 3: ຂັ້ນຕອນການອັບເດດຂໍ້ມູນ ເອກະສານ ມະຕິຄຳສັ່ງຕ່າງໆ ລົງໃນເມນູ ແລະ ຄໍລຳຕ່າງໆ; ຫົວຂໍ້ 4: ຂັ້ນຕອນການເຜີຍແຜ່ບັນດາຂໍ້ມູນຂ່າວສານຈາກເວັບໄຊສ ໄປຍັງບັນດາສື່ສັງຄົມອອນລາຍ ແລະ ຫົວຂໍ້ 5: ຂັ້ນຕອນການສ້າງ ແລະ ຄຸ້ມຄອງຜູ້ໃຊ້ງານລະບົບ (user).
ບັນດາຄູອາຈານນັກວິທະຍາກອນ ແລະ ຄະນະຮັບຜິດຊອບຊຸດອົບຮົມໄດ້ເອົາໃຈໃສ່ແນະນຳບົດຮຽນດ້ວຍຄວາມຮັບຜິດຊອບສູງເພື່ອແນ່ໃສ່ສ້າງຄວາມຮັບຮູ້ໃຫ້ແກ່ພະນັກງານທີ່ຮັບຜິດຊອບສື່ເອເລັກໂຕຮນີກ (ແອັດມິນ) ໃນທົ່ວປະເທດກຳໄດ້ວິທີຂັ້ນຕອນ ແລະ ວິທີສາມາດມູນໃຊ້ເຂົ້າໃນການປະຕິບັດຕົວຈີງເປັນຕັ້ນ: ການນຳເອົາແນວທາງຂອງພັກລົງໂຄສະນາດ້ວຍຮູບພາບ ແລະ ມີເນື້ອໃນທີອຸດົມສົມບູນໃນເວບໄຊທັງເປັນການສະໜອງຂໍ້ມູນຂ່າວສານໃຫ້ມີຄວາມວ່ອງໄວທັນເຫດການ
