ໃນຕອນເຊົ້າຂອງ ວັນທີ 29 ພຶດສະພາ 2024 ທີຜ່ານມານີ້ ເມືອງ ວຽງໄຊ ໄດ້ຈັດກອງປະຊຸມ ເຊື່ອມຊຶມ ແລະ ຜັນຂະຫຍາຍມະຕິເລກທີ 04/ ກມສພ ວ່າດວ້ຍການສ້າງເສດຖະກິດເອກະລາດ ເປັນເຈົ້າຕົ້ນເອງໃນໄລຍະໃໝ່, ມະຕິ ຄັ້ງທີ 13 ສະໄໝທີ X ຂອງອົງຄະນະພັກແຂວງຫົວພັນ, ຂື້ນຢູ່ທີສະໂມສອນ ເມືອງວຽງໄຊ ພາຍໃຕ້ການເປັນປະທານຮ່ວມ ຂອງສະຫາຍ ຮິນທອງ ດວງຈັນສຸກ ຄະນະປະຈຳພັກແຂວງ ປະທານກວດກາພັກ – ຫົວໜ້າອົງການກວດກາລັດແຂວງ, ສະຫາຍ ຄຳ ໂຮມມີໄຊ ກຳມະການພັກແຂວງ ເລຂາພັກເມືອງ ເຈົ້າເມືອງວຽງໄຊ, ມີຄະນະປະຈຳພັກເມືອງ, ກຳມະການພັກເມືອງ, ສະມາຊິກພັກ – ພະນັກງານລັດຖະກອນ, ລັດວິສາຫະກິດ, ໂຮງຮຽນ, ໂຮງໝໍ ເຂົ້າຮ່ວມ.
ກອງປະຊຸມໄດ້ນຳເອົາເນື້ອໃນມະຕິເລກທີ 04/ ກມສພ ວ່າດວ້ຍການສ້າງເສດຖະກິດເອກະລາດ ເປັນເຈົ້າຕົ້ນເອງໃນໄລຍະໃໝ່, ມະຕິ ເລກທີ 05 /ລບ ວ່າດວ້ຍການການແບ່ງຄວາມຮັບຜິດຊອບໃນການສ້າງເສດຖະກິດເອກະລາດ ເປັນເຈົ້າຕົ້ນເອງໃນໄລຍະໃໝ່ ແລະ ມັະຕິ ຄັ້ງທີ 13 ສະໄໝທີ X ຂອງອົງຄະນະພັກແຂວງຫົວພັນ ເຊື່ອມຊຶມໃຫ້ພະນັກງານຫຼັກແຫຼ່ງຢູ່ເມືອງວຽງໄຊ ໄດ້ຮັບຮູ້ຢ່າງທົ່ວເຖິງ, ພ້ອມກັນນັ້ນ ສະຫາຍ ຮິນທອງ ດວງຈັນສຸກ ຄະນະປະຈຳພັກແຂວງ ປະທານກວດກາພັກ-ຫົວໜ້າອົງການກວດກາລັດແຂວງໄດ້ໂອ້ລົມຕໍ່ກອງປະຊຸມໂດຍສະເພາະເມືອງວຽງໄຊ ທຸກສະຫາຍຕ້ອງເປັນເຈົ້າການແບ່ງຄວາມຮັບຜິດຊອບໃນການຈັດຕັ້ງບັນດາມະຕິຂອງພັກ, ຂອງແຂວງຢ່າງຕໍ່ເນື່ອງ ແລະ ນຳໄປຈັດຕັ້ງເຊື່ອມຊຶມພັນຂະຫຍາຍຢູ່ພື້ນຖານ, ກຸ່ມບ້ານ, ບ້ານໃຫ້ທົ່ວເຖິງເຂົ້າໃຈຢ່າງເລີກເຊິງພ້ອມກັນຈັດຕັ້ງປະຕິບັດໃຫ້ມີຜົນສຳເລັດ, ແກ້ໄຂດ້ານເສດຖະກິດທີພືດອັດຕັດໃຫ້ໝົດໄປ.
