ວັນທີ 2 ທັນວາ 2025 ນີ້, ແຂວງຫົວພັນໄດ້ຈັດພິທີໂຮມຊຸມນຸມໃຫຍ່ສະເຫຼີມສະຫຼອງວັນສະຖາປະນາ ສ ປປ ລາວ ຄົບຮອບ 50 ປີ(ວັນທີ 2 ທັນວາ 1975-2 ທັນວາ 2025) ດ້ວຍການຮັບຊົມການຖ່າຍທອດສົດພິທີສະເຫຼີມສະຫຼອງຈາກສູນກາງຜ່ານທາງອອນລາຍ ຢູ່ທີ່ສະໂມສອນໃຫຍ່ຂອງແຂວງ. ໂດຍມີທ່ານ ຄຳແພງ ໄຊສົມແພງ ກຳມະການສູນກາງພັກ, ເຈົ້າແຂວງໆຫົວພັນ, ທ່ານ ຄອນປະພັນ ເລືອງສີຈັນທອງ ຮອງເລຂາພັກແຂວງ, ປະທານສະພາປະຊາຊົນແຂວງ, ມີບັນດາທ່ານການນຳຂັ້ນແຂວງ, ການນຳເມືອງຊຳເໜືອ, ພະນັກງານອາວຸໂສປະຕິວັດ, ທະຫານ, ຕຳຫຼວດ, ພະນັກງານ-ລັດຖະກອນອ້ອມຂ້າງແຂວງ ແລະ ເມືອງຊຳເໜືອເຂົ້າຮ່ວມນຳ.