ການນໍາພັກ-ລັດ ແຂວງຫົວພັນວາງພວງມະລາ ແລະ ກະຕ່າດອກໄມ້ ລະນຶກວັນສໍາຄັນຂອງພັກ-ຂອງຊາດ
ເນື່ອງໃນໂອກາດ ວັນສະຖາປະນາປະເທດສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 49 ປີ ( 2/12/1975 – 2/12/2024) ແລະ ວັນຄ້າຍວັນເກີດຂອງທ່ານ ປະທານໄກສອນ ພົມວິຫານ ຄົບຮອບ 104 ປີ ( 13/12/ 1920 – 13/12/2024 ) ທີ່ໄດ້ຫມູນມາບັນຈົບຄົບຮອບອີກວາລະຫນື່ງນີ້ ເພື່ອເປັນການລໍ້າລຶກລະນຶກເຖິງດວງວິຍານ ບັນດາ ສະຫາຍສະມາຊິກພັກ, ພະນັກງານນັກຮົບ ປະຕິວັດທີ່ໄດ້ເສຍສະຫຼະເລືອດເນື້ອເພື່ອຊາດ, ເພື່ອປະຊາຊົນ ບັນດາເຜົ່າໃນພາ ລະກິດຕໍ່ສູ້ກູ້ຊາດ ຕ້ານຈັກກະພັດລ່າເມືອງຂຶ້ນ ທັງແບບເກົ່າ ແລະ ແບບໃຫມ່ສາມາດປົດປ່ອຍປະເທດຊາດ ປົດປ່ອຍປະຊາ ຊົນອອກຈາກແອກປົກຄອງ ຂອງຈັກກະພັດຕ່າງດ້າວທີ່ມາຮຸກຮານ, ສະຖາປະນາເປັນປະເທດສາທາລະນະລັດປະຊາທິປະໄຕ ປະຊາຊົນລາວຂຶ້ນ ໃນວັນທີ 2 ທັນວາ 1975.
ເວລາ 7 :00 ໂມງ ເຊົ້າ ວັນທີ 29 ພະຈິກ 2024 ການນໍາພັກ-ລັດ ຂອງແຂວງຫົວພັນ ນໍາໂດຍ ສະຫາຍ ປອ ຄໍາແພງ ໄຊສົມແພງ ກໍາມະການສູນກາງພັກ ເລຂາພັກແຂວງ ເຈົ້າແຂວງຫົວພັນ ພ້ອມດ້ວຍການນໍາພັກ-ລັດຂອງ ແຂວງ, ການນໍາຄະນະຜູ້ແທນ ນະຄອນປາກເຊ ແຂວງຈໍາປາສັກ ແລະ ການນໍາເມືອງຊໍາເຫນືອ ຂຶ້ນວາງພວງມະລາຢູ່ອານຸ ສາວິລີນັກຮົບນິລະນາມ ເພື່ອອຸທິດແດ່ດວງວິນຍານ ຂອງບັນດາສະຫາຍພະນັກງານນັກຮົບປະຕິວັດ ທີ່ໄດ້ລ່ວງລັບໄປ ສະແດງຄວາມອາໄລຮັກຮູ້ບຸນຄຸນ ແລະ ລະນຶກເຖິງມູນເຊື້ອຄຸນງາມຄວາມດີ; ນໍ້າໃຈເສຍສະຫຼະອັນພິລະອາດຫານ ຂອງບັນ ດາສະຫາຍນັກຮົບປະຕິວັດ ທີ່ໄດ້ອຸທິດເສຍສະຫຼະຊີວິດເລືອດເນື້ອຕໍ່ ຕໍ່ສູ້ ເພື່ອພາລະກິດປະຕິວັດປົດປ່ອຍຊາດ, ຍາດເອົາ ເອກະລາດມາໃຫ້ປະເທດຊາດ ແລະ ປະຊາຊົນລາວບັນດາເຜົ່າທົ່ວປະເທດເວົ້າລວມ, ເວົ້າສະເພາະແຂວງຫົວພັນພວກເຮົາ ແລະ ເວລາ 7 : 30 ວັນດຽວກັນນີ້ ຄະນະນໍພັກ-ລັດໄດ້ສືບຕໍ່ນໍາເອົາກະຕ່າດອກໄມ້ຂຶ້ນວາງຢູ່ຮູບຫຼໍ່ປະທານ ໄກສອນ ພົມ ວິຫານ ເພື່ອສະແດງເຖິງຄວາມເຄົາລົບຮັກ, ຄວາມຮູ້ບຸນຄຸນອັນລົ້ນເຫຼືອລະນຶກເຖິງຜົນງານ ຄຸນງາມ ຄວາມດີ ທີ່ປະທານ ໄກສອນ ພົມວິຫານ ໄດ້ອຸທິດໄວ້ຕະຫຼອດຊີວິດໃນພາລະກິດ ຂອງການປະຕິວັດລາວໃນນາມທີ່ຕາງຫນ້າໃຫ້ຄະນະນໍາ ພັກ-ລັດ, ຕາງຫນ້າສະມາຊິກພັກ, ພະນັກງານ, ທະຫານ, ຕໍາຫຼວດ ແລະ ປະຊາຊົນລາວບັນດາເຜົ່າແຂວງຫົວພັນ ຂໍຈົດຈໍາ ຈາລຶກບຸນຄຸນ ຜົນງານຄວາມດີ ອັນໃຫຍ່ຫຼວງຂອງບັນດາສະຫາຍທີ່ມີຕໍ່ປະເທດຊາດໄວ້ຕະຫຼອດໄປ.
ໃນພິທີການປາໄສກ່າວຄໍາສະດຸດີຍັງໄດ້ຢືນຢັນ ໃຫ້ຄໍາຫມັ້ນສັນຍາຈະສືບທອດເອົາພາລະກິດຂອງຊາດ,ຈະ ຮັບໃຊ້ຊາດ ຮັບໃຊ້ປະຊາຊົນດ້ວຍຄວາມຈົງຮັກພັກດີ ຊື່ສັດບໍລິສຸດຜຸດຜ່ອງ, ຈະສືບຕໍ່ນໍາພາປະຊາຊົນຊາວແຂວງຫົວພັນ ບັນດາເຜົ່າປະຕິບັດພາລະກິດປະຕິວັດໃນການປົກປັກຮັກສາ ແລະ ພັດທະນາແຂວງຫົວພັນໃນໄລຍະໃຫມ່, ຈະສືບທອດຮັກ ສາ ແລະ ເສີມຂະຫຍາຍມູນເຊື້ອຄຸນງາມຄວາມດີ, ນໍ້າໃຈເສຍສະຫຼະອັນພິລະອາດຫານຂອງບັນດາສະຫາຍໄວ້ໃຫ້ຢູ່ຄຽງຄູ່ ກັບລູກຫຼານ ແລະ ພາລະກິດປະຕິວັດ ຂອງພວກເຮົາຕະຫຼອດໄປ.
