ແລກປ່ຽນບົດຮຽນລະຫວ່າງ ຄະນະໂຄສະນາອົບຮົມ ແຂວງຫົວພັນ ສປປ ລາວ ແລະ ຄະນະໂຄສະນາສຶກສາພັກ ແຂວງແທັງຮ່ວາ ສສ ຫວຽດນາມ

ໂດຍປະຕິບັດຕາມບົດບັນທຶກການຮ່ວມມືໄລຍະປີ 2022 – 2025 ລະຫວ່າງຄະນະໂຄສະນາອົບຮົມແຂວງ ຫົວພັນ ສປປ ລາວ ແລະ ຄະນະໂຄສະນາສຶກສາພັກ ແຂວງແທັງຮວ່າ ສສ ຫວຽດນາມ ທີ່ໄດ້ລົງນາມໃນຄັ້ງວັນທີ 3 ສິງ ຫາ 2022. ໃນລະຫວ່າງວັນທີ 26 – 28 ສິງຫາ 2024 ທີ່ຜ່ານມາ. ຄະນະໂຄສະນາອົບຮົມແຂວງຫົວພັນໄດ້ເຄື່ອນໄຫວ ຢ້ຽມຢາມ, ພົບປະແລກປ່ຽນບົດຮຽນກັບຄະນະໂຄສະນາສຶກສາພັກ ແຂວງແທັງຮວ່າ ສສ ຫວຽດນາມ.

ໃນເວລາ 5:30 ເຊົ້າ ຂອງວັນທີ 26 ສິງຫາ 2024. ຄະນະທິມງານພາຍໃຕ້ການເປັນຫົວຫນ້າຂອງທ່ານ ຕົງ ລີເຕັ່ງ ກໍາມະການພັກແຂວງ ຫົວຫນ້າຄະນະໂຄສະນາອົບຮົມແຂວງໄດ້ອອກເດີນທາງຈາກ ແຂວງຫົວພັນ ສປປ ລາວ ໄປ ແຂວງແທັງຮວ່າ ສສ ຫວຽນາມ. ໂດຍປະຕິບັດຕາມວາລະໃນນັ້ນ ຄະນະທິມງານຂອງຄະນະໂຄສະນາສຶກສາພັກ ແຂວງ ແທັງຮວ່າ ສສ ຫວຽດນາມ ໂດຍພາຍໃຕ້ການເປັນຫົວຫນ້າຂອງ ທ່ານ ຟ້າມວັນຕ໋ວນ ຮອງຄະນະໂຄສະນາສຶກສາພັກແຂວງ ແທັງຮ່ວາ ສສ ຫວຽດນາມ ຮັບຕ້ອນຄະນະທິມງານຄະນະໂຄສະນາອົບຮົມແຂວງຫົວພັນ ຢູ່ທີ່ ດ່ານສາກົນນໍ້າໂສຍ, ເວລາ 14:00 ຄະນະທິມງານກໍ່ໄດ້ເຂົ້າຈົດທຸບແລະ ໄຫວ້ ຮູບປັ້ນ ທ່ານ ປະທານໂຮ່ຈີມິນ ຜູ້ນໍາອັນແສນເຄົາລົບຮັກຂອງຊົນຊັ້ນ ຊາວຜູ້ອອກແຮງງານສາມຊາດອິນດູຈີນ.

ເວລາ 15: 00 ຂອງວັນດຽວກັນນັ້ນ ກອງປະຊຸມພົບປະແລກປ່ຽນກໍ່ໄດ້ຈັດຂຶ້ນຢ່າງເປັນທາງການ ທີ່ຫ້ອງ ປະຊຸມຂອງຄະນະໂຄສະນາສຶກສາພັກ ແຂວງແທັງຮ່ວາ, ລະຫວ່າງ ຄະນະໂຄສະນາສຶກສາພັກ ແຂວງທັງຮ່ວາ ສສ ຫວຽດ ນາມ ເຊິ່ງນໍາໂດຍ ທ່ານ ດາວ ຊ່ວນ ອ່ຽນ ຄະນະປະຈໍາພັກແຂວງ ຫົວຫນ້າຄະນະໂຄສະນາສຶກສາພັກແຂວງ ພ້ອມດ້ວຍຄະນະ ແລະ ຄະນະທິມງານຄະນະໂຄສະນາອົບຮົມແຂວງຫົວພັນ ນໍາໂດຍທ່ານ ຕົງລີ ເຕັ່ງ ກໍາມະການພັກແຂວງ ຫົວຫນ້າຄະນະໂຄສະນາອົບຮົມແຂວງຫົວພັນ ເຂົ້າຮ່ວມຢ່າງພ້ອມພຽງ.

ເພື່ອເປັນການສືບຕໍ່ເພີ່ມທະວີມູນເຊື້ອຄວາມສາມັກຄີແບບພິເສດ, ເສີມຂະຫຍາຍການພົວພັນຮ່ວມມືຮອບ ດ້ານລະຫວ່າງ ສອງແຂວງ ແທັງຮ່ວາ – ຫົວພັນ, ເວົ້າລວມເວົ້າສະເພາະກໍ່ຄື ຄະນະໂຄສະນາສຶກສາພັກ ແຂວງແທັງຮ່ວາ ສສ ຫວຽດນາມ ແລະ ຄະນະໂຄສະນາອົບຮົມ ແຂວງຫົວພັນ ສປປ ລາວ ໃຫ້ເຂົ້າສູ່ລວງເລິກ, ສາມາດປະຕິບັດໄດ້ ແລະ ມີໝາກຜົນອັນດີງາມ. ໃນວະລະກອງປະຊຸມທັງສອງຝ່າຍໄດ້ພັດປ່ຽນກັນລາຍງານສະພາບການເຄື່ອນໄຫວວຽກງານໂຄສະນາອົບຮົມຂອງທັງສອງຝ່າຍ ແລະ ເປັນເອກະພາບກັນກ່ຽວກັບແຜນການຮ່ວມມືໃນໄລປີ 2024 – 2025 ແມ່ນສືບ ຕໍ່ຈັດຕັ້ງຜັນຂະຫຍາຍຕາມເນື້ອໃນບົດບັນທຶກການຮ່ວມມືໃນໄລຍະ 2022 – 2025 ລະຫວ່າງ ຄະນະໂຄສະນາສຶກສາພັກ ແຂວງແທັງຮ່ວາ ສສ ຫວຽດນາມ ແລະ ຄະນະໂຄສະນາອົບຮົມ ແຂວງຫົວພັນ ສປປ ລາວ ທີ່ໄດ້ລົງນາມກັນໃນຄັ້ງ ວັນທີ 03 ສິງຫາ 2022 ທີ່ແຂວງແທັງຮ່ວາ ສສ ຫວຽດນາມ ຄືດັ່ງນີ້:

1. ສອງຝ່າຍສືບຕໍ່ສະໜັບສະໜຸນສ້າງແຜນການເຄື່ອນໄຫວເຮັດວຽກງານໂຄສະນາອົບຮົມການເມືອງ – ແນວຄິດໃຫ້ ແກ່ພະນັກງານ ແລະ ປະຊາຊົນບັນດາເຜົ່າ, ໂດຍສະເພາະແມ່ນປະຊາຊົນຢູ່ລຽບຕາມຊາຍແດນດ້ວຍການເຜີຍແຜ, ເຊື່ອມຊຶມແນວທາງນະໂຍບາຍຂອງສອງພັກ-ສອງລັດ, ມູນເຊື້ອອັນດີງາມຂອງປະຊາຊົນສອງຊາດ ລາວ-ຫວຽດນາມ, ລະບຽບການ ແລະ ແຜນການຮ່ວມມືຂອງສອງແຂວງໃຫ້ເປົ້າໝາຍດັ່ງກ່າວຮັບຮູ້ເຂົ້າໃຈ, ເປັນເຈົ້າການໃນການປະຕິບັດຖືກຕ້ອງ.
2. ເພີ່ມທະວີຂອດປະສານງານລະຫວ່າງ 2 ຄະນະໂຄສະນາສຶກສາພັກ ແຂວງແທັງຮ່ວາ ແລະ ຄະນະໂຄສະນາອົບຮົມແຂວງຫົວພັນ ໃນການເປັນເສນາທິການດ້ານການເມືອງ-ແນວຄິດ ໃຫ້ຄະນະພັກຂັ້ນຂອງຕົນ, ດ້ວຍການປະສານສົບທົບ ແລກປ່ຽນຄໍາຄິດຄໍາເຫັນ, ຂໍ້ມູນຂ່າວສານ ແລະ ແລກປ່ຽນບົດຮຽນເຊິ່ງກັນ ແລະ ກັນກ່ຽວກັບການເຮັດວຽກງານໂຄສະນາ, ສຶກສາອົບຮົມ, ການສະກັດກັ້ນ, ຕອບໂຕ້ ແລະ ແກ້ໄຂບັນຫາປະກົດການຫຍໍ້ທໍ້ຕ່າງໆຂອງພວກຄົນບໍ່ຫວັງດີທີ່ຫວັງ ມ້າງເພຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ – ລາວ ເວົ້າສະເພາະກໍ່ຄື ຫົວພັນແທັງຮ່ວາ.
3. ສອງຝ່າຍສືບຕໍ່ພັດປ່ຽນເປັນເຈົ້າພາບ ໃນການຈັດຕັ້ງການໄປຢ້ຽມຢາມ, ເຮັດວຽກ ແລະ ແລກປ່ຽນບົດຮຽນເຊິ່ງກັນ ແລະກັນ.
4. ຜົນສໍາເລັດໃນການພົບປະແລກປ່ຽນບົດຮຽນ ແລະ ແຜນການຮ່ວມືລະຫວ່າງຄະນະໂຄສະນາສຶກສາພັກແຂວງແທັງຮ່ວາ ແລະ ຄະນະໂຄສະນາອົບຮົມ ແຂວງຫົວພັນ ຄັ້ງນີ້ ທັງສອງຝ່າຍ ຈະໄດ້ລາຍງານຕໍ່ການນໍາ ຂອງສອງແຂວງເພື່ອຮັບຊາບ. ກອງປະຊຸມໄດ້ດໍາເນີນມາຮອດເວລາ 16:00 ກໍ່ໄດ້ປິດລົງຢ່າງເປັນທາງການ.

ໃນຕອນຄໍ່າຂອງວັນດຽວກັນນັ້ນ ກໍ່ ໄດ້ຮ່ວມພາເຂົ້າສາມັກຄີລະຫວ່າງສອງຝ່າຍ ເພື່ອເປັນການສ້າງຄວາມສາມັກຄີ, ໄມຕີຈິດ, ອວຍພອນເຊິ່ງກັນ ແລະ ກັນ ດ້ວຍບັນຍາກາດອັນເບີກບານມ່ວນຊື່ນທີ່ເຕັມໄປດ້ວຍຄວາມໝາຍ-ຄວາມສໍາຄັນ. ພິເສດການໄປຢ້ຽມຢາມ ແລະ ເຮັດວຽກຂອງຄະນະທິມງານໃນຄັ້ງນີ້ຍັງໄດ້ຮັບກຽດຮັບຕ້ອນຈາກຄະນະໂຄສະນາສຶກສາພັກ ແຂວງນິງບິງ ສສ ຫວຽດນາມໃນ ການນໍາພາທ່ຽວຊົມແຫຼ່ງທ່ອງທ່ຽວເຂດປະຫວັດສາດຂອງຊາດນັ້ນກໍ່ຄືເຂດທ່ອງທ່ຽວຈ່າງອານ ແຂວງນິງບິງ ສສ ຫວຽດ ວຽດນາມ.

ເວລາ 7:00 ເຊົ້າ ຂອງວັນທີ 28 ສິງຫາ 2024 ຄະນະທິມງານກໍ່ໄດ້ເດີນທາງອອກຈາກ ແຂວງແທັງ ຮ່ວາ ສສ ຫວຽດ ເພື່ອກັບຄືນປະເທດເວົ້າສະເພາະກໍ່ຄືແຂວງຫົວພັນ ສ ປປ ລາວ ດ້ວຍຄວາມສະຫວັດດີພາບ.