ເມືອງແອດເຊື່ອມຊຶມມະຕິຄົບຄະນະບໍລິຫານງານພັກແຂວງ ຄັ້ງທີ 14 ສະໄໝທີ x ແລະ ມະຕິຄົບຄະນະບໍລິຫານງານພັກເມືອງແອດ ຄັ້ງທີ 15 ສະໄໝທີ v
ຕອນເຊົ້າ ວັນທີ 6 ສິງຫາ 2024 ນີ້, ຄະນະໂຄສະນາອົບຮົມເມືອງແອດໄດ້ຈັດກອງປະຊຸມເຊື່ອມຊຶມ ແລະ ຜັນຂະຫຍາຍມະຕິຄົບຄະນະບໍລິຫານງ່ານພັກແຂວງ ຄັ້ງທີ 14 ສະໄໝທີ X, ມະຕິຄົບຄະນະບໍລິຫານງານພັກເມືອງແອດ ຄັ້ງທີ 15 ສະໄໝທີ V ແລະ ເອກະສານປາຖະກະຖາວັນສຳຄັນຂອງຊາດຂອງພັກ ແລະ ສາກົນ ປະຈໍາເດືອນສິງຫາ ຢູ່ທີ່ສະໂມສອນໃຫຍ່ຂອງເມືອງ, ເຂົ້າຮ່ວມ ແລະ ເຜີຍແຜ່ມະຕິດັ່ງກ່າວໂດຍທ່ານ ວັນເພັດ ສີບຸນແສງ ເລຂາພັກເມືອງ ເຈົ້າເມືອງໆແອດ, ມີບັນດາທ່ານການນຳເມືອງ, ຫົວໜ້າ-ຮອງຫົວໜ້າຫ້ອງການ, ພະນັກງານ-ລັດຖະກອນ, ທະຫານ, ຕໍາຫຼວດ, ກອງຮ້ອຍຊາຍແດນ 212, ນັກສຶກສາກົດໝາຍ 45 ວັນ ເຂົ້າຮ່ວມຢ່າງພ້ອມພຽງ.
ໃນວາລະດຽວກັນນີ້ ຜູ່ເຂົ້າຮ່ວມຍັງໄດ້ຮັບຟັງປະຫວັດຄວາມເປັນມາວັນຍຶດອຳນາດທົ່ວປະເທດ ຄົບຮອບ 49 ປີ, ວັນສ້າງຕັ້ງແນວລາວສ້າງຊາດ ຄົບຮອບ 74 ປີ, ເຊິ່ງເຜີຍແຜ່ເອກະສານໂດຍຮອງຫົວໜ້າຫ້ອງການໂຄສະນາອົບຮົມ ແລະ ຮອງປະທານແນວລາວສ້າງຊາດເມືອງແອດ, ທັງນີ້ກໍ່ເພຶ່ອຫວນຄືນມູນເຊຶ້ອອັນດີງາມຂອງຊາດໃນເມື່ອກ່ອນ ເພຶ່ອເປັນທິດທາງຈັດຕັ້ງປະຕິບັດແນວທາງ ແຜນການໃນຕໍ່ໜ້າ, ເວົ້າລວມເວົ້າສະເພາະແມ່ນ ພ້ອມກັນຈັດຕັ້ງປະຕິບັດມະຕິບັດມະຕິຂອງອົງຄະນະພັກແຂວງ ແລະ ມະຕິຂອງອົງຄະນະພັກເມືອງແອດ ໃຫ້ປະກົດຜົນເປັນຈິງ ຕາມລະດັບຄາດໝາຍທີ່ວາງໄວ້.
