ໃນຕອນເຊົ້າ ວັນທີ 5 ມີຖຸນາ 2024 ຄະນະໂຄສະນາອົບຮົມເມືອງວຽງໄຊ ໄດ້ເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າເພື່ອເຂົ້າເປັນສະມາຊິກພັກປະຊາຊົນປະຕິວັດລາວເຊີ່ງຈັດຂື້ນຢູ່ຫ້ອງປະຊຸມຂອງຄະນະໂຄສະນາອົບຮົມໂດຍໃຫ້ກຽດເຂົ້າຮ່ວມ ແລະ ບັນຍາຍເອກະສານໂດຍ ສະຫາຍ ສິມໄຊ ເພັດພິມທອງ ຮອງຫົວໜ້າຄະນະໂຄສະນາອົບຮົມເມືອງ ມີມະຫາຊົນມາຈາກບັນດາຮາກຖານພັກ, ໜ່ວຍພັກອ້ອມຂ້າງເມືອງເຂົ້າຮ່ວມທັງໝົດ 10 ສະຫາຍ ຍິງ 4 ສະຫາຍ.
ໃນຕອນທ້າຍ ສະຫາຍ ສິມໄຊ ເພັດພິມທອງ ຮອງຫົວໜ້າຄະນະໂຄສະນາອົບຮົມເມືອງຍັງໄດ້ມີຄຳເຫັນແນະນຳຂັ້ນຕອນກ່ຽວກັບການຂະຫຍາຍພັກ ເພື່ອໃຫ້ມະຊົນຜູ້ກ້າວໜ້າຮັບຮູ້ເຂົ້າໃຈນັບແຕ່ຮຽນສະໜັບສະໜູນ ຈົນເຖິງເປັນສະມາຊິກພັກສົມບູນ ນອກນັ້ນ ຍັງໄດ້ມອບໃບຢັ້ງຢືນໃຫ້ແກ່ມະຫາຊົນຜູ້ກ້າວໜ້າ ຕື່ມອີກເພື່ອນຳໄປແຈ້ງຕໍ່ເລຂາ ຄະນະພັກຂອງຕົນເພື່ອຕິດຕາມຂັ້ນຕອນຕໍ່ໄປ
