ສໍາເລັດກອງປະຊຸມໃຫຍ່ຄັ້ງທີ X ອົງຄະນະພັກເມືອງຫົວເມືອງ

ກອງປະຊຸມໃຫຍ່ຄັ້ງທີ X ອົງຄະນະ ພັກເມືອງຫົວເມືອງ ແຂວງຫົວພັນ ໄດ້ສໍາເລັດລົງດ້ວຍໝາກຜົນອັນຈົບ ງາມ ໃນວັນທີ 21 ກຸມພາ 2025 ນີ້ ພາຍໃຕ້ການເປັນປະທານ ຂອງ ສະຫາຍ ໄມເລີຍ ພີມມາສອນ ເລຂາຄະນະບໍລິຫານງານພັກເມືອງ, ເຈົ້າເມືອງຫົວເມືອງ ແລະ ເປັນກຽດ ເຂົ້າຮ່ວມໂດຍ ສະຫາຍ ຄໍາແພງ ໄຊສົມແພງ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງຫົວພັນ. ມີຜູ້ແທນ ເຂົ້າຮ່ວມທັງໝົດ 182 ສະຫາຍ, ຍິງ 14 ສະຫາຍ ໃນນີ້ມີຜູ້ແທນສົມບູນ ເຂົ້າຮ່ວມ 160 ສະຫາຍ, ຍິງ 12 ສະຫາຍ ເຊີ່ງເປັນຕົວແທນໃຫ້ແກ່ ບັນດາສະຫາຍສະມາຊິກພັກໃນທົ່ວ ເມືອງ ຫົວເມືອງ ທັງໝົດຈຳນວນ 1.700 ສະຫາຍ, ຍິງ 340 ສະຫາຍ.

ບັນດາສະຫາຍຜູ້ແທນເຂົ້າຮ່ວມກອງ ປະຊຸມ ໄດ້ຍົກສູງຄວາມຮັບຜິດຊອບ ແລະ ສຸມສະຕິປັນຍາຂອງຕົນເຂົ້າໃນ ການຄົ້ນຄ້ວາປະກອບຄໍາຄິດຄໍາເຫັນຕໍ່ກອງປະຊຸມ ເຮັດໃຫ້ກອງປະຊຸມ ດໍາເນີນໄປດ້ວຍຜົນສໍາເລັດ ຕາມ ຄາດໝາຍທີ່ວາງໄວ້. ເຊິ່ງກອງປະຊຸມ ໄດ້ເປັນເອກະສັນກັນລົງປະຊາມະຕິ ຮັບຮອງເອົາບັນດາວຽກງານຕົ້ນຕໍ ແລະ ເນື້ອໃນທີ່ສໍາຄັນ ຄື: ຮ່າງບົດ ລາຍງານການເມືອງທັງສອງພາກ, ບົດລາຍງານການເມືອງ, ແຜນ ພັດທະນາເສດຖະກິດ – ສັງຄົມ, ບົດ ສໍາຫຼວດການນໍາພາ ຂອງອົງຄະນະ ພັກເມືອງ ຫົວເມືອງຊຸດທີ IX ພ້ອມ ທັງໄດ້ສັງເກດຕີລາຄາດ້ານດີຜົນງານ, ດ້ານອ່ອນຄົງຄ້າງ, ສາເຫດ, ບົດຮຽນ ທີຖອດຖອນໄດ້ໃນການນໍາພາ -ຊີ້ນຳ ຈັດຕັ້ງປະຕິບັດມະຕິກອງ ປະຊຸມໃຫຍ່ຄັ້ງທີ IX ໄລຍະ 5 ປີ ທີ່ ຜ່ານມາ ແລະ ຮັບຮອງເອົາທິດທາງ ແຜນການ, ຄາດໝາຍສູ້ຊົນສໍາລັບ 5 ປີຕໍ່ໜ້າ ແຕ່ປີ 2025 – 2029 ເພື່ອຮັບປະກັນເຮັດໃຫ້ ເມືອງຫົວເມືອງ ມີສະຖຽນລະພາບທາງດ້ານການ ເມືອງ, ສັງຄົມມີຄວາມສະຫງົບ ແລະ ມີຄວາມເປັນລະບຽບ ຮຽບຮ້ອຍຢ່າງໜັກແໜ້ນ, ສ້າງ ສັງຄົມສາມັກຄີປອງດອງສີວິໄລແລະ ຍຸຕິທຳ, ເພີ່ມທະວີການພັດທະນາເສດຖະກິດໃຫ້ຂະຫຍາຍ ຕົວຢ່າງຕໍ່ເນື່ອງ ແລະ ໝັ້ນທ່ຽງ, ສູ້ ຊົນເຮັດໃຫ້ຈັງຫວະການຂະຫາຍຕົວ ທາງດ້ານເສດຖະກິດໃນແຕ່ລະປີ ຢູ່ໃນລະດັບ 5,97% ຂຶ້ນໄປ, ຫັນເອົາ ການພັດທະນາໃຫ້ໄປຕາມທິດຍືນ ຍົງ, ສຸມໃສ່ການແກ້ໄຂບັນຫາດ້ານ ເສດຖະກິດ – ການເງິນໃຫ້ເປັນຮູບ ປະທຳ ຕາມທິດປະຢັດ, ໂປ່ງໃສ, ສ້າງ ເງື່ອນໄຂທີ່ສໍາຄັນໃຫ້ແກ່ການ ພັດທະນາ ພ້ອມທັງຮັບປະກັນໃຫ້ ການພັດທະນາສອດຄ່ອງກັບຄວາມ ເປັນຈິງ, ສຸມໃສ່ພັດທະນາຊົນນະບົດ ແລະ ແກ້ໄຂຄວາມທຸກຍາກຂອງ ປະຊາຊົນ. ໃຫ້ໄດ້ 5.527 ຄົວເຮືອນ, ອັດຕາຄົວເຮືອນທຸກຍາກໃຫ້ລຸດລົງ ຍັງເຫຼືອ 60%, ສ້າງບ້ານ ພົ້ນທຸກໃຫ້ ໄດ້ 5 ບ້ານ, ສ້າງຄອບຄົວພັດທະນາ ໃຫ້ໄດ້ 1.150 ຄອບຄົວ, ສ້າງບ້ານ ພັດທະນາໃຫ້ໄດ້ 5 ບ້ານ, ສືບຕໍ່ສ້າງ ບ້ານໃຫຍ່ໃຫ້ກາຍເປັນຕົວເມືອງ ນ້ອຍໃນຊົນນະບົດໃຫ້ໄດ້ 2 ບ້ານ; ສືບຕໍ່ປັບປຸງກົງຈັກລັດ, ອຳນາດການ ປົກຄອງຂັ້ນຕ່າງໆ ໃຫ້ມີຄວາມສາມາດບໍລິຫານ ແລະ ການຄຸ້ມຄອງ ລັດຕາມກົດໝາຍ, ຕິດຕາມ, ກວດ ກາ ຕໍ່ອົງການບໍລິຫານ, ຕຸລາການ; ເອົາໃຈໃສ່ໂຄສະນາເຜີຍແຜ່ກົດໝາຍ ໃຫ້ກ້ວາງຂວາງ, ລົງເຖິງປະຊາຊົນ, ເຮັດໃຫ້ທຸກລະບົບການຈັດຕັ້ງມີ ຄວາມໜັກແໜ້ນເຂັ້ມແຂງ, ເພີ່ມທະ ວີໃນການຄຸ້ມຄອງລັດ-ຄຸ້ມຄອງ ສັງຄົມດ້ວຍກົດໝາຍ ແລະ ອົງການ ຈັດຕັ້ງມະຫາຊົນມີຄວາມເຂັ້ມແຂງ ໃນທຸກດ້ານ.

ຈາກນັ້ນ ຜູ້ແທນກອງປະຊຸມ ໄດ້ ພ້ອມກັນໃຊ້ສິດປະຊາທິປະໄຕຂອງ ຕົນ ປ່ອນບັດເລືອກຕັ້ງເອົາຄະນະ ບໍລິຫານງານພັກເມືອງຊຸດໃໝ່ ແລະ ຜູ້ແທນສົມບູນ, ສໍາຮອງ ເພື່ອເຂົ້າຮ່ວມກອງປະຊຸມໃຫຍ່ອົງຄະນະ ພັກແຂວງ ບົນພື້ນຖານຫຼັກການ ລວມສູນປະຊາທິປະໄຕ ທັງຖືກຕ້ອງ ສອດຄ່ອງກັບມາດຖານເງື່ອນໄຂ ທີ່ ໄດ້ກຳນົດໄວ້ ແລະ ກອງປະຊຸມຄັ້ງ ປະຖົມມະລຶກ ຂອງຄະນະບໍລິຫານ ງານພັກເມືອງ ສະໄໝທີ X ໄດ້ເປັນ ເອກະສັນເລືອກເອົາ ສະຫາຍ ໄມ ເລີຍ ພີມມາສອນ ເປັນເລຂາຄະນະບໍລິຫານງານພັກເມືອງ, ສະຫາຍ ສົມ ສັກ ຈັນມາລີ ແລະ ສະຫາຍ ສົມ ແອງ ສຸກດາວົງ ເປັນຮອງເລຂາຄະນະບໍລິຫານງານພັກເມືອງ ຫົວເມືອງຊຸດໃໝ່, ເລືອກຕັ້ງເອົາ ສະຫາຍ ວັນທີ ທຳມະຈັກ ເປັນ ປະທານກວດກາພັກ-ລັດເມືອງ, ສະຫາຍ ສອນລີ ຕົງຫວ່າງຊົງຢ້າວ ແລະ ສະຫາຍ ບຸນປອນ ພັກເຮືອງ ເປັນຮອງປະທານກວດກາພັກເມືອງ ແລະ ກອງປະຊຸມຍັງໄດ້ເລືອກຕັ້ງ ເອົາຜູ້ແທນສົມບູນ – ສໍາຮອງຈໍາ ນວນ 20 ສະຫາຍ, ຍິງ 1 ສະຫາຍ ໄປຮ່ວມກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຫົວພັນທີ່ ຈະໄຂຂຶ້ນໃນຕໍ່ໜ້ານີ້ຕື່ມອີກ.