ສໍານັກງານຫ້ອງວ່າການແຂວງຫົວພັນຈັດງານແຂ່ງຂັນກິລາ.
ໂດຍປະຕິບັດຕາມການມອບຫມາຍຂອງຄະນະຮັບຜິດຊອບກິລາຕຶກຄັ້ງທີ VII ປີ 2022 ທີ່ໄດ້ມອບ ໃຫ້ຄະນະໂຄສະນາອົບຮົມແຂວງ ຮ່ວມກັບ ພະແນກພາຍໃນແຂວງ ເປັນເຈົ້າພາບແບບໝູນວຽນຮັບຜິດຊອບຈັດງານກິລາ ຄັ້ງທີ VIII ສືບຕໍ່ຈາກຫ້ອງວ່າການແຂວງ.
ດັ່ງນັ້ນ; ໃນຕອນເຊົ້າເວລາ 8:00 ຂອງວັນທີ 9 ສິງຫາ 2024 ນີ້ ຕຶກສໍານັກງານຫ້ອງວ່າການ ແຂວງ ຫົວພັນຈັດງານແຂ່ງຂັນກິລາມິດຕະພາບຄັ້ງທີ VIII ຂຶ້ນທີ່ ເດີ່ນບານຟຸດຊໍ ຈະເລີນຊໍາ ໂດຍການເປັນປະທານ ຂອງທ່ານ ຕົງລີ ເຕັ່ງ ກໍາມະການພັກແຂວງ ຫົວຫນ້າຄະນະໂຄສະນາອົບຮົມແຂວງ, ເຂົ້າຮ່ວມພິທີດັ່ງກ່າວຍັງມີ ບັນດາ ທ່ານຫົວຫນ້າ, ຮອງຫົວຫນ້າຫ້ອງວ່າການແຂວງ, ຄະນະຈັດຕັ້ງແຂວງ, ຄະນະກວດກາພັກ-ລັດ ແຂວງ, ຄະນະໂຄສະນາອົບຮົມແຂວງ, ພະແນກພາຍໃນ, ພະແນການຕ່າງປະເທດ, ສະຫະພັນນັກຮົບເກົ່າ, ຫ້ອງການ ປກຊ-ປກສ ພ້ອມດ້ວຍພະນັກງານ-ລັດຖະກອນເຂົ້າຮ່ວມຢ່າງພ້ອມພຽງ.
ການແຂ່ງຂັນກິລາໃນຄັ້ງນີ້ມີ 2 ປະເພດກິລາຄື: ກິລາບານເຕະຊາຍ ແລະ ກິລາເປຕັງຍິງ, ຊາຍ. ຂະ ບວນການແຂ່ງຂັນກິລາມິດຕະພາບຕຶກສໍານັກງານຫ້ອງວ່າການ ຄັ້ງນີ້ ສຸດທີ່ມີຄວາມໝາຍ, ຄວາມສໍາຄັນຍິ່ງ ເພື່ອເປັນການສ້າງຂະບວນການຂ່ໍານັບຮັບຕ້ອນກອງປະຊຸມໃຫຍ່ 3 ຂັ້ນຂອງພັກ ຢູ່ແຂວງຫົວພັນ, ການສະເຫຼີມສະຫຼອງວັນເກີດຂອງທ່ານ ປະທານ ສຸພານຸວົງ ຄົບຮອບ 115 ປີ, ວັນລັດຖະທໍາມະນູນແຫ່ງ ສປປ ລາວ ຄົບຮອບ 33 ປີ, ວັນຍຶດອໍານາດ ຄົບຮອບ 49 ປີ ແລະ ວັນສໍາຄັນອື່ນໆອີກ; ທັງເປັນການສົ່ງເສີມການ ອອກກໍາລັງກາຍເພື່ອສຸຂະພາບໃຫ້ແຂງແຮງ, ມີຈິດໃຈເບີກບານມ່ວນຊື່ນ ແລະ ທັງເປັນການຮັດແໜ້ນຄວາມ ສາມັກຄີຮັກແພງລະຫວ່າງການນໍາຂອງແຂວງ, ແຂກຮັບເຊີນ, ນັກທຸລະກິດ, ພະນັກງານ-ລັດຖະກອນບັນດາ ພະແນກການ, ອົງການທີ່ປະຈໍາການຢູ່ໃນຕຶກສໍານັກງານຫ້ອງວ່າການແຂວງ ໃຫ້ນັບມື້ມີຄວາມສາມັກຄີ ຮັກແພງຍິ່ງກວ່າເກົ່າ ແລະ ເບີກບານມ່ວນຊື່ນ ປະຕິບັດຫນ້າທີ່ການເມືອງທີ່ໄດ້ຮັບການມອບຫມາຍຂອງແຕ່ລະ ອົງການໃຫ້ມີຜົນສໍາເລັດອັນຍິ່ງໃຫຍ່ ປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາແຂວງ ຫົວພັນໃຫ້ນັບມື້ຈະເລີນກ້າວຂຶ້ນຢ່າງບໍ່ຢຸດຢັ້ງ.
