ຄະນະໂຄສະນາອົບຮົມແຂວງ ເຊື່ອມຊຶມເອກະສານ ແລະ ເປີດບັ້ນຊີວິດການເມືອງເພື່ອກະກຽມ ການປະເມີນຜົນຫນ່ວຍພັກ, ສະມາຊິກພັກ ປອດໃສ, ເຂັ້ມແຂງ, ຫນັກແຫນ້ນ ແລະ ປະເມີນຜົນການຈັດຕັ້ງປະຕິບັດວຽກ ງານຂອງພະນັກງານ – ລັດຖະກອນ ປະຈໍາປີ 2024
ວັນທີ 8 ຕຸລາ 2024 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ເຊື່ອມຊຶມເອກະສານ ແລະ ເປີດ ບັ້ນຊີວິດການເມືອງກະກຽມ ການປະເມີນຜົນຫນ່ວຍພັກ, ສະມາຊິກພັກ ປອດໃສ, ເຂັ້ມແຂງ, ຫນັກແຫນ້ນ ແລະ ປະເມີນ ຜົນການຈັດຕັ້ງປະຕິບັດວຽກງານຂອງພະນັກງານ – ລັດຖະກອນປະຈໍາປີ 2024 ກອງປະຊຸມໄດ້ດໍາເນີນມາເປັນເວລາ 1 ຕອນ ຢູ່ທີ່ຫ້ອງປະຊຸມນ້ອຍຊັ້ນ IV ຫ້ອງວ່າການແຂວງຫົວພັນ, ພາຍໃຕ້ການເປັນປະທານຂອງ ສະຫາຍ ຕົ່ງລີ ເຕັ່ງ ກໍາມະການພັກແຂວງ, ຫົວຫນ້າຄະນະໂຄສະນາອົບຮົມແຂວງ, ມີບັນດາສະຫາຍຄະນະພັກ, ຄະນະນໍາ ພ້ອມດ້ວຍສະ ມາຊິກພັກ ແລະ ພະນັກງານ-ລັດຖະກອນເຂົ້າຮ່ວມທັງຫມົດ 16 ສະຫາຍ, ຍິງ 7 ສະຫາຍ.
ໃນກອງປະຊຸມ ໄດ້ຮັບຟັງການເຊື່ອມຊຶມເອກະສານເລກທີ 01/ກມສພ, ລົງວັນທີ 3 ມັງກອນ 2018 ວ່າດ້ວຍ ການເພີ່ມທະວີ ຫນ່ວຍພັກປອດໃສ, ເຂັ້ມແຂງ, ຫນັກແຫນ້ນ, ເອກະສານເລກທີ 29/ຄຈສພ, ລົງວັນທີ 26 ເມສາ 2018 ວ່າດ້ວຍຄໍາແນະນໍາການຈັດຕັ້ງປະຕິບັດຄໍາສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີ ຫນ່ວຍພັກ ປອດໃສ, ເຂັ້ມແຂງ, ຫນັກແຫນ້ນ, ເອກະສານ ເລກທີ 300/ລບ, ລົງວັນທີ 13 ກັນຍາ 2017 ວ່າດ້ວຍການປະເມີນ ການປະຕິບັດວຽກງານຂອງພະນັກງານ-ລັດຖະກອນ ແລະ ເອກະສານເລກທີ 06/ພນ, ລົງວັນທີ 02 ພຶດສະພາ 2018 ວ່າດ້ວຍ ຄໍາແນະນໍາການຈັດຕັ້ງປະຕິບັດດໍາລັດວ່າດ້ວຍການປະເມີນການປະຕິບັດວຽກງານຂອງພະນັກງານ-ລັດຖະ ກອນ. ຈາກນັ້ນ ກອງປະຊຸມໄດ້ເຂົ້າສູ່ວາລະຜ່ານບົດສໍາຫຼວດບຸກຄົນ ພ້ອມທັງປະກອບຄໍາຄິດຄໍາເຫັນຕິຊົມຕົນເອງ, ຕິ ຊົມເຊິ່ງກັນ ແລະ ກັນ ດ້ວຍບັນຍາກາດອັນດີ, ມີຄວາມສາມັກດ້ວຍແນວຄິດສ້າງສັນນໍາກັນ ເພື່ອເປັນການປັບປຸງໃຫ້ ການປະຕິບັດຫນ້າທີ່ວຽກໃຫ້ເດີນແມ່ນແລ່ນສະດວກ, ເຂົ້າອົກເຂົ້າໃຈກັນ, ເປັນເອກະພາບກັນ ເພື່ອພ້ອມກັນປະຕິບັດ ຫນ້າທີ່ວຽກງານໃຫ້ມີຜົນສໍາເລັດຕໍ່ໆໄປ.
