ຄະນະໂຄສະນາອົບຮົມແຂວງ ລົງຕິດຕາມ, ຊຸກຍູ້ວຽກງານໂຄສະນອົບຮົມຮອບດ້ານ ປະຈໍາປີ 2024 ຢູ່ເມືອງຊໍາໃຕ້ ແລະ ເມືອງກັວນ
ໃນລະຫວ່າງວັນທີ 10-11 ຕຸລາ 2024 ຜ່ານມານີ້ ຄະນະໂຄສະນາອົບຮົມແຂວງຫົວພັນ ໄດ້ລົງເຄື່ອນໄຫວ ເຮັດວຽກຕິດຕາມ, ຊຸກຍູ້ວຽກງານໂຄສະນາອົບຮົມຮອບດ້ານ ປະຈໍາປີ 2024 ຢູ່ເມືອງ ກວັນ ແລະ ເມືອງຊໍາໃຕ້ ແຂວງຫົວພັນ ເຊິ່ງນໍາພາໂດຍ ທ່ານ ອົ້ມ ອີນທະລາ ຮອງຫົວຫນ້າຄະນະໂຄສະນາອົບຮົມແຂວງ ພ້ອມດ້ວຍຫົວຫນ້າ, ຮອງຫົວຫນ້າ ຂະແຫນງ ແລະ ວິຊາການຂອງຄະນະໂຄສະນາອົບຮົມແຂວງ ແລະ ຍັງໃຫ້ກຽດເຂົ້າຮ່ວມໂດຍ ທ່ານ ທອງ ຄູນທອນຮຸ່ງມີໄຊ ເລຂາພັກເມືອງ ເຈົ້າເມືອງຊໍາໃຕ້ ແລະ ທ່ານ ສັງພອນ ຄູນຫອມໄຊ, ຄະນະປະຈໍາພັກເມືອງ ປະທານ ແນວລາວສ້າງຊາດ ເມືອງກັວນ, ມີຫົວຫນ້າ, ຮອງຫົວຫນ້າ ພ້ອມດ້ວຍພະນັກງານວິຊາການຂອງຄະນະໂຄສະນາ ອົບຮົມເມືອງ 2 ເມືອງດັ່ງກ່າວ ເຂົ້າຮ່ວມຢ່າງພ້ອມພຽງ.
ການເຂົ້າຮ່ວມເຮັດວຽກຄັ້ງນີ້ ກອ່ນອື່ນແມ່ນໄດ້ຮັບຟັງ ລາຍງານສະພາບການຈັດຕັ້ງປະຕິບັດວຽກງານຂອງ ຄະນະໂຄສະນາອົບຮົມເມືອງ ໃນໄລຍະ 1 ປີ ຜ່ານມາຈາກ ທ່ານຫົວຫນ້າ ແລະ ຮອງຫົວຫນ້າຄະນະໂຄສະນາອົບຮົມເມືອງ ແລະ ຍັງໄດ້ຮັບຟັງການລາຍງານໂດຍຫຍໍ້ກ່ຽວກັບ ການນໍາພາ-ຊີ້ນໍາ ເຮັດວຽກງານສຶກສາອົບຮົມການເມືອງ-ແນວຄິດ, ການເຊື່ອມຊື່ມບັນດາມະຕິຕ່າງໆ ແລະ ສະພາບແນວຄິດຂອງສະມາຊິກພັກ, ພະນັກງານ ແລະ ປະຊາຊົນ ພາຍໃນເມືອງ ໂດຍຫຍໍ້ ຈາກທ່ານເຈົ້າເມືອງຊໍາໃຕ້ ແລະ ປະທານແນວລາວສ້າງຊາດ ເມືອງກັວນ, ຈາກນັ້ນບັນດາຂະແຫນງການ ຂອງແຂວງ ແລະ ເມືອງ ກໍໄດ້ປະກອບຄໍາຄິດຄໍາເຫັນແລກປ່ຽນບົດຮຽນດ້ານວິຊາການເຊິ່ງກັນ ແລະ ກັນ ລະຫວ່າງ ບັນດາຂະແຫນງການຂອງແຂວງ ແລະ ເມືອງ ໂດຍສະເພາະແມ່ນຍົກໃຫ້ເຫັນ ແຜນການເຮັດວຽກໃນໄລຍະຜ່ານມາ ຂອງແຕ່ລະຂະແຫນງການໂດຍເນັ້ນໃສ່ 4 ຫນ້າວຽກຕົ້ນຕໍຄື: ວຽກງານບໍລິຫານຫ້ອງການ, ວຽກງານໂຄສະນາ, ວຽກງານອົບຮົມ ແລະ ວຽງານສັງລວມ-ຫາງສຽງສັງຄົມ
ໃນຕອນທ້າຍ ທ່ານ ອົ້ມ ອິນທະລາ ຮອງຫົວຫນ້າຄະນະໂຄສະນາອົບຮົມແຂວງ ຍັງໄດ້ໂອລົມ ແລະ ມີຄໍາ ເຫັນຊີ້ນໍາ ເຊິ່ງສະຫາຍໄດ້ຍົກໃຫ້ເຫັນຄວາມຫມາຍຄວາມສໍາຄັນຂອງວຽກງານໂຄສະນາອົບຮົມ ກໍ່ຄືວຽກງານແນວ ຄິດໂດຍສະເພາະແມ່ນການຍົກສູງຂອງວຽກງານໂຄສະນາອົບຮົມໃນຕໍ່ຫນ້າໃຫ້ດີຂຶ້ນເລື້ອຍໆ.
