ໃນຕອນເຊົ້າວັນທີ 01 ກໍລະກົດ 2024 ນີ້, ຄະນະໂຄສະນາອົບຮົມແຂວງໄດ້ເຜີຍແຜ່, ເຊື່ອມຊືມເອກະສານເອກະສານແຈ້ງການແນະນໍາຂອງແຂວງ ຢູ່ທີ່ຫ້ອງປະຊຸມນ້ອຍຂອງຄະນະໂຄສະນາອົບຮົມແຂວງ ໂດຍໃຫ້ເຂົ້າຮ່ວມຂອງ ທ່ານ ຕົງລີ ເຕັ່ງ ກໍາມະການພັກແຂວງ, ຫົວຫນ້າຄະນະໂຄສະນາອົບຮົມແຂວງພ້ອມດ້ວຍຄະນະ, ມີສະມາຊິກພັກ ແລະ ພະນັກງານລັດຖະກອນເຂົ້າຮ່ວມທັງໝົດ 15 ທ່ານ, ຍິງ 5 ທ່ານ.
ໃນກອງປະຊຸມຄັ້ງນີ້ພະນັກງານ – ລັດຖະກອນໄດ້ເຊື່ອມຊືມເອກະສານທີ່ສໍາຄັນດັ່ງນີ້: ເຊື່ອມຊືມເອກະສານເອ ກະສານແຈ້ງການແນະນໍາສະບັບເລກທີ 121/ຈຂ, ລົງວັນທີ 8 ເມສາ 2024 ວ່າດ້ວຍການຈັດຕັ້ງຜັນຂະຫຍາຍບົດ ບັນທຶກຮ່ວມມືລະຫວ່າງແຂວງຫົວພັນ ແລະ ແຂວງເຊີນລາ ໄລຍະປີ 2024-2026, ແຈ້ງການຂອງຫ້ອງວ່າການ ແຂວງຫົວພັນສະບັບເລກທີ 500, ລົງວັນທີ 21 ມີຖຸນາ 2024 ວ່າດ້ວຍລະບຽບການໃນການເຂົ້າ-ອອກຕຶກສໍານັກງານ ຫ້ອງວ່າການແຂວງ ແລະ ຂໍ້ຕົກລົງສະບັບເລກທີ 303 ວ່າດ້ວຍການປັບປຸງຊັບຊ້ອນຫນ້າທີ່ວຽກງານຂອງພະນັກງານລັດ ຖະກອນຂອງຄະນະໂຄສະນາອົບຮົມແຂວງຫົວພັນ
ການເຜີຍແຜ່ເຊື່ອມຊຶມເອກະສານໃນຄັ້ງນີ້ໄດ້ເຮັດໃຫ້ສະມາຊິກພັກ, ພະນັກງານລັດຖະກອນໄດ້ຮັບຮູ້ ແລະ ເຂົ້າໃຈພ້ອມກັນຈັດຕັ້ງຜັນຂະຫຍາຍເນື້ອໃນບົດບັນທຶກຮ່ວມມືລະຫວ່າງແຂວງຫົວພັນ ແລະ ແຂວງເຊີນລາ ໄລຍະປີ 2024-2026 ໃຫ້ປະກົດຜົນເປັນຈິງ ແລະ ໄດ້ຮັບຜົນດີ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງແຂວງ, ເພື່ອຄວາມສະດວກໃນການຕິດຕາມກວດກາການເຂົ້າ-ອອກ ຂອງພະນັກງານ-ລັດຖະກອນ, ພາກສ່ວນກ່ຽວ ຂ້ອງທີ່ປະຈໍາການຢູ່ພາຍໃນຕຶກສໍານັກງານຫ້ອງວ່າການແຂວງໃຫ້ເປັນລະບຽບຮຽບຮ້ອຍ,ມີຄວາມສະຫງົບປອດໄພ100% ກອງປະຊຸມໄດ້ປິດລົງໃນເວລາ 11:30 ຂອງວັນດັ່ງກ່າວຢ່າງຈົບງາມ.
