ຄະນະໂຄສະນາອົບຮົມແຂວງຫົວພັນລົງຕິດຕາມ, ຊຸກຍູ້ວຽກງານໂຄສະນາອົບຮົມ ຮອບດ້ານ ປະຈໍາປີ 2024 ຢູ່ 2 ເມືອງ. 

ໃນລະຫວ່າງວັນທີ 29-31 ຕຸລາ 2024 ຜ່ານມານີ້ ຄະນະໂຄສະນາອົບຮົມແຂວງຫົວພັນ ໄດ້ລົງຕິດຕາມ, ຊຸກຍູ້ວຽກງານໂຄສະນາອົບຮົມຮອບດ້ານ ປະຈໍາປີ 2024 ຢູ່ເມືອງຄື: ເມືອງຮ້ຽມ, ເມືອງຊ່ອນ, ເຊິ່ງນໍາພາໂດຍ ທ່ານ ສຸກເສີມ ຢາງຈາງ ຮອງຫົວຫນ້າຄະນະໂຄສະນາອົບຮົມແຂວງ, ພ້ອມດ້ວຍຫົວຫນ້າ, ຮອງຫົວຫນ້າຂະແຫນງ ແລະ ວິຊາການຂອງຄະນະໂຄສະນາອົບຮົມແຂວງ, ຍັງໃຫ້ກຽດຕ້ອນຮັບຈາກທ່ານ ໄຫວທອງ ບຸນມະນີຈັນ ຄະນະ ປະຈໍາພັກເມືອງ ຜູ້ຊີ້ນໍາວຽກງານແນວຄິດ-ທິດສະດີເມືອງຮ້ຽມ ແລະ ທ່ານ ໄຟວອນ ແກ້ວຈັນທາ ຄະນະປະຈໍາພັກ ເມືອງ ຫົວຫນ້າຄະນະຈັດຕັ້ງເມືອງຊ່ອນ, ມີທ່ານຫົວຫນ້າ, ຮອງຫົວຫນ້າ ພ້ອມດ້ວຍພະນັກງານວິຊາການຂອງຄະນະ ໂຄສະນາອົບຮົມເມືອງທັງສອງເມືອງ ເຂົ້າຮ່ວມຢ່າງພ້ອມພຽງ.

ກອງປະຊຸມຍັງໄດ້ຮັບຟັງການລາຍງານຫຍໍ້ກ່ຽວກັບການນໍາພາ-ຊີ້ນໍາ ເຮັດວຽກງານສຶກສາອົບຮົມການ ເມືອງ-ແນວຄິດ, ການເຊື່ອມຊຶມບັນດາມະຕິຕ່າງໆ, ສະພາບແນວຄິດຂອງສະມາຊິກພັກ, ພະນັກງານ ແລະ ປະຊາ ຊົນພາຍໃນເມືອງຈາກບັນດາທ່ານຄະນະປະຈໍາພັກເມືອງພາຍໃນ ເມືອງ ແລະ ສະພາບການຈັດຕັ້ງປະຕິບັດວຽກງານ ຂອງຄະນະໂຄສະນາອົບຮົມເມືອງໃນໄລຍະ 1 ປີ ຜ່ານມາຈາກທ່ານ ຫົວຫນ້າຄະນະໂຄສະນາອົບຮົມເມືອງ ຈາກນັ້ນ ບັນດາຂະແຫນງການຂອງແຂວງ ແລະ ເມືອງ ກໍ່ໄດ້ມີການປະກອບຄໍາຄິດຄໍາເຫັນແລກປ່ຽນບົດຮຽນເຊິ່ງກັນ ແລະ ກັນລະຫວ່າງບັນດາຂະແຫນງການຂອງແຂວງ ແລະ ເມືອງໂດຍສະເພາະແມ່ນຍົກໃຫ້ເຫັນ ແຜນການເຮັດວຽກໃນ ໄລຍະຜ່ານມາຂອງແຕ່ລະຂະແຫນງການໂດຍເນັ້ນໃສ່ 4 ຫນ້າວຽກຕົ້ນຕໍ: ວຽກງານບໍລິຫານຫ້ອງການ, ວຽກງານ ໂຄສະນາ, ວຽກງານອົບຮົມ ແລະ ວຽກງານສັງລວມ-ຫາງສຽງສັງຄົມ.

ໃນຕອນທ້າຍ ທ່ານ ສຸກເສີມ ຢາງຈ່າງ ຮອງຫົວຫນ້າຄະນະໂຄສະນາອົບຮົມແຂວງ ກໍ່ໄດ້ເປັນກຽດມີຄໍາ ເຫັນຊີ້ນໍາ ເຊິ່ງສະຫາຍໄດ້ຍົກໃຫ້ເຫັນຄວາມຫມາຍຄວາມສໍາຄັນຂອງວຽກງານໂຄສະນາອົບຮົມ ກໍ່ຄືວຽກງານແນວ ຄິດໂດຍສະເພາະແມ່ນການຍົກສູງຂອງວຽກງານໂຄສະນາອົບຮົມໃຫ້ດີຂຶ້ນເລື້ອຍໆ.