ຄະນະໂຄສະນາອົບຮົມແຂວງຫົວພັນລົງຕິດຕາມ, ຊຸກຍູ້ວຽກງານໂຄສະນາອົບຮົມ ຮອບດ້ານ ປະຈໍາປີ 2024 ຢູ່ 3 ເມືອງ.
ທ່ານ ປ ທ ອົ້ມ ອິນທະລາ ຮອງຫົວຫນ້າຄະນະໂຄສະນາອົບຮົມແຂວງ ພ້ອມດ້ວຍທິມງານ ທີ່ຕາງຫນ້າໃຫ້ແຕ່ລະ ຂະແຫນງຂອງຄະນະໂຄສະນາອົບຮົມແຂວງ ໄດ້ລົງຕິດຕາມ, ຊຸກຍູ້ວຽກງານໂຄສະນາອົບຮົມຮອບດ້ານ ປະຈໍາປີ 2024 ຢູ່ 3 ເມືອງຄື : ເມືອງສົບເບົາ, ຊຽງຄໍ້ ແລະ ເມືອງແອດ, ໃນລະຫວ່າງວັນທີ 30 – 31 ຕຸລາ 2024 ໃນນັ້ນໄດ້ຮັບກຽດ ຮັບຕ້ອນທິມງານໂດຍທ່ານ ອໍາພອນ ຄໍາປັນຍາ ຮອງເລຂາພັກເມືອງ ຜູ້ຊີ້ນໍາວຽກງານແນວຄິດ-ທິດສະດີ, ພັກ-ພະນັກງານ ເມືອງສົບເບົາ, ທ່ານ ນວນທອງ ສຸວັນທອງ ຮອງເລຂາພັກເມືອງ ຜູ້ຊີ້ນໍາວຽກງານແນວຄິດທິດສະດີ ພັກ-ພະນັກງານເມືອງ ຊຽງຄໍ້ ແລະ ທ່ານ ຄໍາພອຍ ທະວີໄຊ ກໍາມະການພັກເມືອງ ຫົວຫນ້າຄະນະໂຄສະນາອົບຮົມເມືອງແອດ, ມີຫົວຫນ້າ, ຮອງ ຫົວຫນ້າຄະນະໂຄສະນາອົບຮົມທັງ 3 ເມືອງ ພ້ອມດ້ວຍພະນັກງານວິຊາການ ທັງ 3 ເມືອງ ເຂົ້າຮ່ວມຢ່າງພ້ອມພຽງ.
ການລົງເຄື່ອນໄຫວໃນຄັ້ງນີ້ ຍັງໄດ້ຮັບຟັງການລາຍງານຫຍໍ້ກ່ຽວກັບການນໍາພາ-ຊີ້ນໍາ ເຮັດວຽກງານສຶກສາອົບຮົມ ການເມືອງ-ແນວຄິດ, ການເຊື່ອມຊຶມບັນດາມະຕິຕ່າງໆ, ສະພາບແນວຄິດຂອງສະມາຊິກພັກ, ພະນັກງານ ແລະ ປະຊາຊົນພາຍໃນເມືອງຈາກການນໍາຂອງເມືອງ ແລະ ສະພາບການຈັດຕັ້ງປະຕິບັດວຽກງານ ຂອງຄະນະໂຄສະນາ ອົບຮົມເມືອງໃນໄລຍະ 1 ປີ ຜ່ານມາຈາກທ່ານ ຫົວຫນ້າ, ຮອງຫົວຫນ້າ ຄະນະໂຄສະນາອົບຮົມເມືອງ ຈາກນັ້ນບັນດາຂະ ແຫນງການຂອງແຂວງ ແລະ ຫນ່ວຍງານເມືອງ ກໍ່ໄດ້ມີການປະກອບຄໍາຄິດຄໍາເຫັນແລກປ່ຽນບົດຮຽນເຊິ່ງກັນ ໂດຍ ສະເພາະແມ່ນຍົກໃຫ້ເຫັນ ສະພາບການປະຕິບັດ, ແຜນການເຮັດວຽກໃນໄລຍະຜ່ານມາ ທີ່ປິ່ນອ້ອມວຽກງານທີ່ເປັນ ເສນາທິການ 4 ຫນ້າວຽກຕົ້ນຕໍ: ວຽກງານບໍລິຫານຈັດຕັ້ງແຜນການການເງີນ, ວຽກງານໂຄສະນາປາຖະກະຖາ, ວຽກ ງານອົບຮົມການຈັດຕັ້ງເຊື່ອມຊຶມຜັນຂະຫຍາຍມະຕິຂອງພັກ ແລະ ວຽກງານສັງລວມ – ຫາງສຽງສັງຄົມ ແລະ ຂໍ້ມູນ ຂ່າວສານ ກ່ຽວກັບຜົນສໍາເລັດ, ຂໍ້ຄົງຄ້າງ, ຂໍ້ສະດວກ-ຂໍ້ຫຍຸ້ງຍາກ, ບົດຮຽນ ແລະ ທິດທາງໃນຕໍ່ຫນ້າ.
ໃນຕອນທ້າຍ ທ່ານ ປ ທ ອົ້ມ ອິນທະລາ ຮອງຫົວຫນ້າຄະນະໂຄສະນາອົບຮົມແຂວງ ກໍ່ໄດ້ເປັນກຽດມີຄໍາເຫັນຊີ້ ນໍາ ເຊິ່ງທ່ານ ໄດ້ຍົກໃຫ້ເຫັນຄວາມຫມາຍຄວາມສໍາຄັນຂອງວຽກງານໂຄສະນາອົບຮົມ ກໍ່ຄືວຽກງານແນວຄິດໂດຍສະເພາະ ແມ່ນການຫັນວຽກງານໂຄສະນາອົບຮົມ ຂັ້ນເມືອງຢ່າງເລິກເຊິ່ງແຂງແຮງໄປສູ່ຄຸນນະພາບໃຫມ່ ເພື່ອຕອບສະຫນອງຕາມ ຄວາມຮຽກຮ້ອງຕ້ອງການຂອງຫນ້າທີ່ການເມືອງໃນຕໍ່ຫນ້າໃຫ້ດີຂຶ້ນເລື່ອຍໆ.
