ຄະນະໂຄສະນາອົບຮົມເເຂວງ ລົງຕິດຕາມ, ຊຸກຍູ້ວຽກງານໂຄສະນາອົບຮົມຮອບດ້ານ ປະຈໍາປີ 2024 ຢູ່ເມືອງວຽງໄຊ.
ວັນທີ 24 ກັນຍາ 2024 ຜ່ານມານີ້ ຄະນະໂຄສະນາອົບຮົມແຂວງຫົວພັນ ໄດ້ລົງຕິດຕາມ, ຊຸກຍູ້ວຽກງານ ໂຄສະນາອົບຮົມຮອບດ້ານ ປະຈໍາປີ 2024 ຢູ່ເມືອງວຽງໄຊ ເຊິ່ງນໍາພາໂດຍ ທ່ານ ສຸກເສີມ ຢາງຈາງ ຮອງຫົວຫນ້າຄະນະໂຄສະນາອົບຮົມແຂວງ ພ້ອມດ້ວຍຫົວຫນ້າ, ຮອງຫົວຫນ້າຂະແໜງ ແລະ ວິຊາການຂອງຄະນະໂຄສະນາອົບຮົມແຂວງ ແລະ ໃຫ້ກຽດຕ້ອນຮັບຂອງທ່ານ ສີວິໄລ ພິມມະວົງ ຄະນະປະຈຳພັກເມືອງ ຫົວໜ້າຄະນະໂຄສະນາອົບຮົມເມືອງວຽງໄຊ ພ້ອມດ້ວຍພະນັກງານວິຊາການຂອງຄະນະໂຄສະນາອົບຮົມເມືອງວຽງໄຊ ເຂົ້າຮ່ວມຢ່າພ້ອມພຽງ.
ກອງປະຊຸມຍັງໄດ້ຮັບຟັງ ການລາຍງານຈາກເມືອງວຽງໄຊໃນໄລຍະຜ່ານມາຈາກທ່ານ ຮອງຫົວຫນ້າຄະນະໂຄສະນາອົບຮົມເມືອງ ຈາກນັ້ນບັນດາຂະແຫນງການຂອງ ແຂວງ ແລະ ເມືອງ ກໍໄດ້ມີການປະກອບຄໍາຄິດຄໍາເຫັນແລກປ່ຽນບົດຮຽນເຊິ່ງກັນ ແລະ ກັນ ລະຫວ່າງບັນດາຂະແຫນງການຂອງແຂວງ ແລະ ເມືອງໂດຍສະເພາະແມ່ນຍົກໃຫ້ເຫັນ ແຜນການເຮັດວຽກໃນໄລຍະຜ່ານມາຂອງແຕ່ລະຂະແຫນ ງການໂດຍເນັ້ນໃສ່ 4 ຫນ້າວຽກຕົ້ນຕໍ: ວຽກງານບໍລິຫານຫ້ອງການ, ວຽກງານໂຄສະນາ, ວຽກງານອົບຮົມ ແລະ ວຽງານ ສັງລວມ-ຫາງສຽງສັງຄົມ. ການລາຍງານສະພາບການຈັດຕັ້ງປະຕິບັດວຽກງານຂອງຄະນະໂຄສະນາອົບຮົມ
ໃນຕອນທ້າຍ ທ່ານ ສຸກ ເສີມ ຢາງຈາງ ຮອງຫົວຫນ້າຄະນະໂຄສະນາອົບຮົມແຂວງ ກໍ່ໄດ້ເປັນກຽດມີຄໍາເຫັນຊີ້ ນໍາ ເຊິ່ງສະຫາຍໄດ້ຍົກໃຫ້ເຫັນຄວາມຫມາຍຄວາມສໍາຄັນຂອງວຽກງານໂຄສະນາອົບຮົມ ກໍ່ຄືວຽກງານແນວຄິດໂດຍ ສະເພາະແມ່ນການຍົກສູງຂອງວຽກງານໂຄສະນາອົບຮົມໃຫ້ດີຂຶ້ນເລື້ອຍໆ.
