ກອງປະຊຸມໃຫ່ຍຄັ້ງທີ I ຂອງໜ່ວຍຊາວໜຸ່ມ ຄະນະກວດກາ-ໂຄສະນາອົບຮົມ ແຂວງຫົວພັນ
ຕອນເຊົ້າວັນທີ 13 ຕຸລາ 2023 ໄດ້ຈັດກອງປະຊຸມໃຫ່ຍຄັ້ງທີ 1 ຂອງໜ່ວຍຊາວໜຸ່ມ ຄະນະກວດກາ-ໂຄສະນາອົບຮົມແຂວງຫົວພັນ ກອງປະຊຸມໄດ້ຈັດຂື້ນຫອ້ງປະຊຸມໃຫ່ຍຊັ້ນ 5 ຕືກສຳນັກງານອົງການປົກຄອງແຂວງ ພາຍໃຕ້ການເປັນປະທານ ສະຫາຍ ສຸດາວົງ ພົມມະທິບ ຄະນະໜ່ວຍຊາວໜຸ່ມ ໃຫ້ກຽດເຂົ້າຮ່ວມ ສະຫາຍ ພົມມາ ຮຸ່ງນະຄອນ ຄະນະປະຈຳ, ຄະນະບໍລິຫານງານຊາວໜຸ່ມແຂວງ, ສະຫາຍ ສຸກເສີມ ຢ່າງຈາງ ຮອງຫົວໜ້າຄະນະໂຄສະນາອົບຮົມແຂວງຫົວພັນ ແລະ ມີຜູ້ຕ່າງໜ້າຈາກອົງການຈັດຕັ້ງມະຫາຊົນ ແລະ ໜ່ວຍອົງການຈັດຕັ້ງພາຄີ ຕະຫຼອດຮອດສະມາຊິກພາຍໃນໜ່ວຍເຂົ້າຮ່ວມ ທັງໝົດ 23 ສະຫາຍ ຍິງ 10 ສະຫາຍ.
ໜ່ວຍຊາວໜຸ່ມ ຄະນະກວດກາ-ໂຄສະນາອົບຮົມແຂວງ ແມ່ນເປັນໜ່ວຍໜຶ່ງທີ່ນອນຢູ່ໃນອົງການຈັດຕັ້ງການເມືອງຂອງພັກ, ມີຖານະເທົ່າທຽບກັບອົງການຈັດຕັ້ງມະຫາຊົນທີ່ນອນຢູ່ໃນກົມກອງອັນດຽວກັນ, ມີໜ້າທີ່ເປັນເສນາທິການໃຫ້ແກ່ຄະນະພັກ, ອົງການປົກຄອງຂັ້ນຂອງຕົນໃນວຽກງານຊາວໜຸ່ມ. ເປັນໜ່ວຍເອກະລາດໜື່ງ ທີ່ໄດ້ໂຮມກັນໃນຄັ້ງວັນທີ 30 ມີຖຸນາ 2023 ຈາກໜ່ວຍຊາວໜຸ່ມຄະນະກວດກາພັກ ແລະ ໜ່ວຍຊາວໜຸ່ມຄະນະໂຄສະນາອົບຮົມ ລວມເປັນອັນດຽວກັນ ເຊິ່ງເປັນອົງການຈັດຕັ້ງມະຫາຊົນທີ່ນອນຢູ່ໃນອົງການຈັດຕັ້ງການເມືອງຂອງພັກເປັນເສນາທິການໃຫ້ແກ່ຄະນະພັກ, ຄະນະກວດກາພັກ, ຄະນະໂຄສະນາອົບຮົມແຂວງ, ຄະນະບໍລິຫານງານຊາວໜຸ່ມແຂວງແລະໄດ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງຕົນ. ໃນໄລຍະທີ່ຜ່ານມາໜ່ວຍຊາວໜຸ່ມຂອງພວກເຮົາໄດ້ເອົາໃຈໃສປັບປຸງການຈັດຕັ້ງໜ່ວຍຊາວໜຸ່ມຂອງຕົນ, ເຮັດໃຫ້ມີຄວາມເຂັ້ມແຂງທາງດ້ານການເມືອງ ກໍ່ຄືວຽກງານວິຊາສະເພາະ, ມີລະບຽບວິໄນ ກຽມພ້ອມປະຕິບັດໜ້າທີ່ວຽກງານທີ່ພັກ-ລັດ ແລະ ປະຊາຊົນກໍ່ຄືການຈັດຕັ້ງມອບໝາຍໃຫ້ມີຜົນສຳເລັດ, ຄະນະໜ່ວຍໄດ້ເອົາໃຈໃສ່ປະຕິບັດພາລະບົດບາດ, ປັບປຸງແບບແຜນວິທີນຳພາ ແລະ ວິທີເຮັດວຽກໃຫ້ສອດຄ່ອງກັບສະພາບຈຸດພິເສດຂັ້ນໜ່ວຍຕົນ. ໜ່ວຍຊາວໜຸ່ມຄະນະກວດກາພັກ-ຄະນະໂຄສະນາອົບຮົມ ປັດຈຸບັນມີຄະນະໜ່ວຍທັງໝົດ 6 ສະຫາຍ,ຍິງ 2 ສະຫາຍ ມີສະມາຊິກຊາວໜຸ່ມທັງໝົດ 18 ສະຫາຍ, ຍິງ 10 ສະຫາຍ,
ສະນັ້ນມາຮອດວັນທີ 13 ຕຸລາ 2023 ກອງປະຊຸມໃຫ່ຍຄັ້ງທີ I ຂອງໜ່ວຍຊາວໜຸ່ມຄະນະກວດກາ-ໂຄສະນາອົບຮົມ ຈິ່ງໄດ້ເປີດຂື້ນຢາງເປັນທາງການໃນວາລະກອງປະຊຸມໄດ້ຮັບຟັງຮ່າງບົດລາຍງານການເມືອງທັງສອງພາຍເຊີງມີທັງດ້ານດີທິດທາງ, ດ້ານອ່ອນຄົງຄ້າງ ແລະ ທິດທາງແຜນແຕ່ປີ 2023-2028 ທີ່ຈະໄດ້ຈັດຕັ້ງປະຕິບັດໃນຕໍ່ໜ້າ, ຄະນະໜ່ວຍຊຸດເກົ່າໄດ້ຂື້ນຜ່ານບົດສຳຫຼວດການນໍາຂອງໜ່ວຍໃນໄລຍະຜ່ານມາບັນດາທ່ານຜູ້ແທນຍັງໄດ້ປະກອບຄຳເຫັນໃສ່ຮ່າງລາຍງານການເມືອງເພື່ອເຮັດໃຫ້ລະອຽດຈະແຈ້ງ. ກອງປະຊຸມຍັງໄດ້ຜ່ານຂໍ້ຕົກລົງວ່າດ້ວຍການມອບໃບຢັ້ງຍືນ 4 ບຸກ ແລະ ມອບໃບຢັ້ງຍືນ 4 ບຸກປະຈຳປີ 2023. ຈາກນັ້ນຜູ້ແທນກອງປະຊຸມຍັງໄດ້ໃຊ້ສິດປະຊາທິປະໄຕປ່ອນບັດເອົາເລຂາ, ຄະນະໜ່ວຍຊຸດໃໝ່ເຊິ່ງມີຜູ້ສະໝັກທັງໝົດ 06 ສະຫາຍ, ຍິງ 2 ສະຫາຍ, ຜ່ານການປອ່ນບັດຄັດເລືອກເຫັນວ່າໄດ້ຕາມລະດັບຄາດໝາຍຕາມມາດຖານເງື່ອນໄຂກອງປະຊຸມຄັ້ງປະຖົມມະລຶກໄດ້ເອກະສັນກັນຮັບຮອງເອົາເລຂາ, ຮອງເລຂາໝ່ວຍຊາວໜຸ່ມຊຸດໃໝ່ ມີລາຍຊື່ດັ່ງລຸ່ມນີ້:
- ສະຫາຍ ສິດທິສັກ ທອງພາວັນ ເປັນເລຂາໜ່ວຍ.
- ສະຫາຍ ນາງ ຊຳ ວິໄລພັນ ເປັນຮອງເລຂາ, ເປັນປະທານກວດກາ
- ສະຫາຍ ອານຸສັກ ອິນທະວີ ເປັນຄະນະໜ່ວຍ
- ສະຫາຍ ນາງ ສຸກນິດາ ພົມມະຈັນ ເປັນຮອງປະທານກວດກາໜ່ວຍ
ໃນຕອນທ້າຍຂອງກອງປະຊຸມ ສະຫາຍ ພົມມາ ຮຸ່ນະຄອນ ຄະນະປະຈຳ, ຄະນະບໍລິຫານງານຊາວໜຸ່ມແຂວງ ໄດ້ໃຫ້ກຽດໂອ້ລົມຕໍ່ກອງປະຊຸມ ໄດ້ຍ້ອງຍໍຊົມເຊີຍຕໍ່ຜົນງານທີ່ໜ່ວຍຊາວໜຸ່ມ ຄະກວດກາພັກ ແລະ ຄະນະໂຄສະນາອົບຮົມແຂວງຫົວພັນ ໄລຍະທີຜ່ານມາພ້ອມຍັງໄດ້ເໜັ້ນໜັກ ແລະຮຽກຮ້ອງໃຫ້ຄະນະໜ່ວຍຊາວໜຸ່ມຊຸດໃໝ່ຕ້ອງສືບຕໍ່ນຳພາເຮັດວຽກການເມືອງແນວຄິດ, ນຳພາຮວ່ມຊີວິດເພ່ືອຕຳນິສົ່ງຂ່າວກໍ່ສ້າງຊ່ວຍເຫຼືອເຊິ່ງກັນ ແລະ ກັນ, ເພ່ືອພອ້ມກັນກ້າວໜ້າ, ເອົາໃຈໃສ ຝຶກຝົນຫຼໍ່ຫຼອມຕົນເອງ, ຮຽນກ້າເຮັດກ້າຮັບຜິດຊອບ, ຊອກຮູ້ຫາຮຽນເພື່ອເຮັດໃຫ້ສຳເລັດໜ້າທີວຽກງານທີຂັ້ນເທິງມອບໝາຍໃຫ້,ສືບຕໍ່ສ້າງຂະບວນຕິດພັນກັບການສ້າງເສດຖະກິດສ້າງໃຫ້ໄດ້ຄອບຄົວດີເດັ່ນໃຫ້ຫຼາຍຂື້ນ.
ກອງປະຊຸມໄດ້ສຳເລັດລົງໃນເວລາ 11ໂມງ 30 ຂອງວັນດັ່ງກ່າວຢາງຈົບງາມ.