ກອງປະຊຸມປະເມີນລັດຖະກອນປະຈຳປີ 2024 ຂອງຄະນະໂຄສະນາອົບຮົມເມືອງວຽງໄຊ
ຕອນເຊົ້າຂອງວັນທີ 20 ພະຈິກ 2024 ທີຜ່ານມານີ້ຄະນະໂຄສະນາອົບຮົມເມືອງວຽງໄຊ ໄດ້ຈັດກອງປະຊຸມເພື່ອຕີລາຄາການຈັດຕັ້ງປະຕິບັດວຽກງງານຮອບດ້ານຂອງຄະນະໂຄສະນາ ຂຶ້ນຢູ່ທີຫ້ອງປະຊຸມຄະນະໂຄສະນາຮົບຮົມເມືອງວຽງໄຊ ພາຍໃຕ້ການເປັນປະທານຂອງທ່ານ ສີວິໄລ ພັນທິລາ ຄະນະປະຈຳພັກເມືອງ ຫົວໜ້າ-ຄະນະໂຄສະນາອົບຮົມເມືອງ ວຽງໄຊ ມີຄະນະຮັບຜິດຊອບການປະເມີນລັດຖະກອນປະຈຳປີ2024 ພ້ອມດວ້ຍພະນັກງານໂຄສະນາເຂົ້າຮ່ວມຈຳນວນ 8 ທ່ານ; ຍິງ 2; ທ່ານ.
ໃນພິທີດັ່ງກາ່ວ ທ່ານ ສີວິໄລ ພັນທິລາ ຄະນະປະຈຳພັກເມືອງ ຫົວໜ້າຄະນະໂຄສະນາອົບຮົມໄດ້ມີຄຳເຫັນເພື່ອຊີ້ນຳໃນການປະເມີນລັດຖະກອນ, ການຕີລາຄາຜົນສຳເລັດຂອງການປະຕິບັດວຍກງານຂອງບັນດາໜ່ວຍ; ບັນດາທ່ານຢ່າງຮອບດ້ານ, ເພື່ອເປັນການແລກປ່ຽນບົດຮຽນ; ການປະກອບຄຳເຫັນບັນດາຈຸດອອ່ນຄົງຄ້າງເພື່ອເປັນຖອດຖອນບົດຮຽນໃນການຈັດຕັ້ງປະຕິບັດວຽກງານ
ຫຼັງຈາກນັ້ນໄດ້ມີການຜ່ານບົດສຳຫຼວດຂອງແຕ່ລະທ່ານພ້ອມທັງປະກອບຄຳຄິດຄຳເຫັນໄປພ້ອມກັນໃນຈຳນວນ 7 ທ່ານ, ຍິງ 2 ທ່ານສຳເລັດການປະເມີນ; ທ່ານ ສີວິໄລ ພັນທິລາ ຄະນະປະຈຳພັກເມືອງ ຫົວໜ້າຄະນະໂຄສະນາອົບຮົມໄດ້ມີຄຳເຫັນຕໍ່ກອງປະຊຸມເພື່ອເຮັດໃຫ້ພະນັກງານມີຄວາມຫ້າວຫັນໃນການຈັດຕັ້ງປະຕິບັດວຽກງານບາງດ້ານ:
- ຖືເອົາການປະເມີນລັດຖະກອນເປັນໄມ້ດາວັດແທກໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະຂອງແຕລະທ່ານເພື່ອສ້າງເປັນພະນັກງານສືບທອດທົດແທນໃນຕໍ່ໜ້າ.
- ຕ້ອງເອົາໃຈໃສ່ນຳເອົາແນວທາງການເມືອງມາຄົ້ນຄວ້າເຊື່ອມຊຶມໃຫ້ໜັກແໜ້ນ ຂື້ນກວ່າເກົ່າ.
- ເອົາໃຈໃສ່ເຮັດວຽກງານວິຊາສະເພາະຂອງແຕ່ລະທ່ານຢູ່ໃນຄວາມຮັບຜິດຊອບໃຫ້ມີຜົນສຳເລັດ ແລະ ນຳເອົາການຕຳນິຕິຊົມບັນຫາໃດທີຍັງບໍ່ທັນເຮັດໄດ້ໃຫ້ສືບຕໍ່ນຳໄປຈັດຕັ້ງປະຕິບັດໃຫ້ມີຜົນສຳເລັດ.
- ສ້າງຄວາມສາມັກຄີພາຍໃນຫ້ອງການ, ສ້າງຄວາມສາມັກຄີພາຍໃນ; ພາຍນອກໄປມາຫາສູ່ໃຫ້ນັກແໜ້ນ ເຂົ້າຮ່ວມຂະບວນການຕ່າງໆຂອງເມືອງໃຫ້ຢ່າງເປັນເຈົ້າການ.
