14 ຄະນະໂຄສະນາອົບຮົມແຂວງລົງຕິດຕາມ, ຊຸກຍູ້ວຽກງານໂຄສະນາອົບຮົມຢູ່ 3 ເມືອງຂອງແຂວງຫົວພັນ.

ຄະນະໂຄສະນາອົບຮົມແຂວງລົງຕິດຕາມ, ຊຸກຍູ້ວຽກງານໂຄສະນາອົບຮົມຢູ່ 3 ເມືອງຂອງແຂວງຫົວພັນ.

ມື້ວັນທີ 23-25 ມິຖຸນາ 2021 ທີ່ຜ່ານມານີ້ຄະນະໂຄສະນາອົບຮົມແຂວງໄດ້ຕິດຕາມຊຸກຍູ້ວຽກງານ ໂຄສະນາອົບຮົມຢູ່ 3 ເມືອງໆຊຽງຄໍ້, ສົບເບົາ ແລະ ເມືອງແອດ ນໍາພາໂດຍສະຫາຍ ອົ້ມອິນທະລາ ຮອງຫົວໜ້າຄະນະໂຄສະນາອົບຮົມແຂວງພ້ອມດ້ວຍຫົວໜ້າ, ຮອງຫົວໜ້າຂະແໜງ ແລະ

ວິຊາຊາການຂອງຄະນະໂຄສະນາອົບຮົມແຂວງ, ເມືອງ.ໃຫ້ກຽດເຂົາ ຮ່ວມໂດຍ ສະຫາຍຮອງເລຂາຄະນະພັກເມືອງ, ຜູ້ຊີ້ນໍາວຽກງານແນວຄິດທິດສະດີຂັ້ນເມືອງ ມີພະນັກງານ, ວິຊາການທີ່ສັງກັດຢູ່ຄະນະໂຄສະນາອົບຮົມແຂວງ ແລະ ຄະນະໂຄສະນາອົບຮົມ ເມືອງ 3 ເມືອງ ເຂົ້າຮ່ວມທັງໝົດ 18 ສະຫາຍ, ຍິງ 4 ສະຫາຍ.

ໃນພິທີ ໄດ້ຮັບຟັງການລາຍງານສະພາບການຈັດຕັ້ງເຄື່ອນໄຫວປະຕິບັດວຽກງານໂຄສະນາອົບຮົມທັງ 3 ເມືອງ ໃນໄລຍະຜ່ານມາຈາກທ່ານ ຄະນະປະຈໍາພັກເມືອງ, ຫົວໜ້າຄະນະໂຄສະນາອົບຮົມເມືອງ ຈາກນັ້ນກໍ່ໄດ້ມີການປະ ກອບຄໍາຄິດຄໍາເຫັນແລກປ່ຽນບົດຮຽນເຊິ່ງກັນ ແລະ ກັນລະຫວ່າງບັນດາຂະແໜງການຂອງແຂວງ ແລະ ເມືອງໂດຍສະເພາະແມ່ນຍົກໃຫ້ເຫັນແບບແຜນວິທີເຮັດວຽກໃນໄລຍະຜ່ານມາຂອງແຕ່ລະຂະແໜງ, ແຕ່ລະໜ່ວຍງານໂດຍເນັ້ນໃສ່ 4 ວຽກງານຕົ້ນຕໍຄື: ວຽກງານບໍລິຫານຫ້ອງການ, ວຽກງໂຄສະນາປາຖະກະຖາ, ວຽກງານອົບຮົມ ແລະ ວຽກງານສັງລວມ-ຫ່າງສຽງສັງຄົມ. ໃນຕອນທ້າຍ ສະຫາຍ ອົ້ມອິນທະລາ ຮອງຫົວໜ້າຄະນະໂຄສະນາອົບຮົມແຂວງ ກໍ່ໄດ້ເປັນ ກຽດຂຶ້ນມີຄໍາເຫັນຊີ້ນໍາເຊິ່ງສະຫາຍໄດ້ຍົກໃຫ້ເຫັນຄວາມໝາຍ, ຄວາມສໍາຄັນຂອງຂອງວຽກງານໂຄສະນາກໍ່ຄືວຽກງານແນວຄິດໂດຍສະເພາະແມ່ນການຍົກສູງວຽກງານໂຄສະນາອົບຮົມອົບຮົມໃຫ້ດີຂຶ້ນເລື້ອຍໆ ດ້ວຍການຈັດຕັ້ງປະຕິບັດ 5 ຮ່ວມຄື: ຮ່ວມຄິດ, ຮ່ວມວາງແຜນ, ຮ່ວມຈັດຕັ້ງປະຕິບັດ, ຮ່ວມປະເມີນຜົນ ແລະ ຮ່ວມທອດຖອນບົດຮຽນ; ຜ່ານການລົງຕິດຕາມ, ຊຸກຍູ້ວຽກງານໂຄສະນາອົບຮົມຄັ້ງນີ້ໄດ້ເຮັດໃຫ້ບັນດາສະຫາຍຄະນະພັກ ແລະ ພະນັກງານສະມາຊິກພັກຂອງຄະນະໂຄສະນາອົບ ຮົມເມືອງ ມີຄວາມເຂົ້າໃຈຢ່າງເລິກເຊິ່ງຕໍ່ວຽກງານ ໂຄສະນາອົບຮົມຕື່ມອີກກ້າວໜຶ່ງ.

ການລົງຕິດຕາມ, ຊຸກຍູ້ວຽກງານໂຄສະນາອົບຮົມຢູ່ 3 ເມືອງເປັນເວລາ 3 ວັນ ຈິ່ງສໍາເລັດອັນຈົບງາມ