71.ເປີດນຳໃຊ້ຫຼຽນຈຳລອງຫົວພັນວິລະຊົນ

ລາຍລະອຽດ

ສ້າງຂື້ນເມື່ອ ວັນພະຫັດ, 08 ທັນວາ 2022 07:24

ຂຽນໂດຍ ອານຸສັກ

ເປີດນຳໃຊ້ຫຼຽນຈຳລອງຫົວພັນວິລະຊົນ

    ຕອນເຊົ້າວັນທີ 7 ທັນວາ 2022 ນີ້, ແຂວງຫົວພັນໄດ້ຈັດພິທີເປີດຫຼຽນຈຳລອງຫົວພັນວິລະຊົນຂື້ນຢ່າງເປັນທາງການ ຢູ່ສວນສາທາລະນະຫົວພັນ - ແທັງຮວ່າ ຕິດກັບໜ່ວຍແກ້ວຫຼັກເມືອງ ເທດສະບານ ເມືອງຊຳເໜືອ ພາຍໃຕ້ການເປັນປະທານ ແລະ ກ່າວເປີດງານຂອງທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາພັກແຂວງ, ເຈົ້າແຂວງຫົວພັນ. ເປັນກຽດເຂົ້າຮ່ວມຂອງທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ, ນາຍົກລັດຖະມົນຕີແຫ່ງ ສປປ ລາວ, ມີບັນດາທ່ານການນຳຂັ້ນສູນກາງ, ການນຳແຂວງ, ການນຳ 10 ເມືອງ, ພະນັກງານອາວຸດໂສບຳນານປະຕິວັດ, ພະນັກງານລັດຖະກອນ, ກຳລັງປ້ອງກັນຊາດ - ປ້ອງຄວາມສະຫງົບ ຕະຫຼອດຮອດອຳນາດການປົກຄອງທ້ອງຖິ່ນ ແລະ ຜູ້ຕາງໜ້າປະຊາຊົນບັນດາເຜົ່າອ້ອມຂ້າງເທດສະບານແຂວງເຂົ້າຮ່ວມຢ່າງພ້ອມພຽງ.

   ໂອກາດນີ້, ທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາພັກແຂວງ, ເຈົ້າແຂວງຫົວພັນ ໄດ້ມີຄຳເຫັນເປີດນຳໃຊ້ຫຼຽນຈຳລອງຫົວພັນວິລະຊົນຢ່າງເປັນທາງການ. ໂດຍທ່ານໄດ້ໃຫ້ຮູ້ເຖິງຄວາມໝາຍຄວາມສຳຄັນຂອງຫຼຽນຈຳລອງດັ່ງກ່າວວ່າ: ເພື່ອເປັນການຈາລຶກບຸນຄຸນ, ຄຸນງາມ ຄວາມດີຂອງບັນດາບັນພະບຸລຸດວິລະຊົນແຫ່ງຊາດ, ນັກຮົບແຂ່ງຂັນແຫ່ງຊາດ ພະນັກງານອາວຸໂສປະຕິວັດ ແລະ ປະຊາຊົນລາວບັນດາເຜົ່າ ແຂວງຫົວພັນທີ່ໄດ້ອຸທິດຊີວິດ, ເລືອດເນື້ອກໍ່ຄືລູກຫຼານອັນແສນຮັກຂອງຕົນ ເຂົ້າໃນການຕໍ່ສູ້ຕ້ານການກົດຂີ່ຂູດຮີດແລະຂອງພວກຈັກກະພັດຕ່າງດ້າວທັງແບບເກົ່າ ແລະ ໃໝ່ເພື່ອກອບກູ້ເອົາສິດເປັນເຈົ້າປະເທດຊາດ ຜືນແຜນດິນອັນຄົບຖ້ວມຄືນມາໄດ້ຢ່າງສົມບູນໃນແຕ່ລະໄລຍະໄວ້ໃຫ້ສະມາຊິກພັກ, ພະນັກງານ, ນັກຮຽນຮູ້, ນັກສຶກສາ ແລະ ປະຊາຊົນບັນດາເຜົ່າຊາວ ແຂວງຫົວພັນ ຜູ້ເກີດໃໝ່ໃຫຍ່ລຸນໄດ້ສຶກສາຮ່ຳຮຽນເອົາມູນເຊື້ອ ທີ່ບັນດາບັນພະບູລຸດວິລະຊົນແຫ່ງຊາດ, ນັກຮົບແຂ່ງຂັນແຫ່ງຊາດ, ພະນັກງານອາວຸໂສປະຕິວັດ ແລະ ປະຊາຊົນລາວບັນດາເຜົ່າ ແຂວງຫົວພັນ ໄດ້ສ້າງໄວ້ນັ້ນ ປະກອບເຂົ້າໃນການຝຶກຝົນຫຼໍ່ຫຼອມຕົນເອງໃຫ້ກາຍເປັນ ພະນັກງານທີ່ສືບຖອດທີ່ດີເດັ່ນ ສາມາດແບກຫາບພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຕາມແນວທາງປ່ຽນແປງໃໝ່ຢ່າງຮອບດ້ານ ທີ່ມີຫຼັກການຂອງພັກ ນໍາພາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມທີ່ພັກໄດ້ກຳນົດໄວ້.

  ຕອນທ້າຍພິທີ ທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ, ນາຍົກລັດຖະມົນຕີແຫ່ງ ສປປ ລາວ ໄດ້ໃຫ້ກຽດຂື້ນຕັດແຖບຜ້າ ແລະ ລັ່ນຄ້ອງເກົ້າບາດເພື່ອເປັນສີຣິມຸງຄຸນ ເປີດນຳໃຊ້ຫຼຽນຈຳລອງຫົວພັນວິລະຊົນ ຢ່າງເປັນທາງການ.

70. ເມືອງຊຳເໜືອຈັດພິທີເຊື່ອມຊືມເອກະສານສຳຄັນໃຫ້ ຄະນະພັກ, ອຳນາດການປົກຄອງ ແລະ ປະຊາຊົນບັນດາເຜົ່າ 12 ບ້ານເທດສະບານ

ລາຍລະອຽດ

ສ້າງຂື້ນເມື່ອ ວັນສຸກ, 18 ພະຈິກ 2022 04:17

ຂຽນໂດຍ ອານຸສັກ

ເມືອງຊຳເໜືອຈັດພິທີເຊື່ອມຊືມເອກະສານສຳຄັນໃຫ້ ຄະນະພັກ, ອຳນາດການປົກຄອງ ແລະ ປະຊາຊົນບັນດາເຜົ່າ 12 ບ້ານເທດສະບານ.

   ໃນວັນ​ທີ 15-16 ​ພະຈິກ ປີ 2022 ນີ້​ ​ເມືອງ​ຊຳ​ເໜືອ ​ໄດ້ປະສານສົມທົບກັບຄະນະໂຄສະນາອົບຮົມແຂວງ, ອົງການບໍລິຫານ ແລະ ພັດທະນາຕົວເມືອງ, ແນວລາວສ້າງຊາດເມືອງ ​ຈັດພິທີ ​ເຊື່ອມ​ຊືມເອກະສານທີສຳຄັນ​ໃຫ້ ຄະນະພັກ, ອຳນາດການປົກຄອງ ແລະ ປະຊາຊົນໃນ12ໝູ່ບ້ານ ຂອງ​ເມືອງ​ຊຳ​ເໜືອ ຂື້ນ​ທີ່​ສະ​ໂມ​ສອນ​ຂອງເມືອງຊຳເໜືອ, ບ້ານມີສຸກ, ບ້ານພັນໄຊ ແລະ ບ້ານນາໜອງບົວ ໂດຍແບ່ງອອກເປັນ 4 ຈຸດ, ຈຸດ ລະ 3 ບ້ານ, ມີຜູ້ເຂົ້າຮ່ວມທັງໝົດ 423 ທ່ານ, ຍິງ 191 ທ່ານ.

ອ່ານເພີ່ມເຕີມ...

69. ປະທານສະຫະພັນກຳມະບານແຂວງ ພ້ອມດ້ວຍຄະນະເຄື່ອນໄຫວ ຢ້ຽມຢາມ ແລະ ເຮັດວຽກຢູ່ກຸ່ມການເມືອງ

ລາຍລະອຽດ

ສ້າງຂື້ນເມື່ອ ວັນຈັນ, 14 ພະຈິກ 2022 03:55

ຂຽນໂດຍ ອານຸສັກ

ປະທານສະຫະພັນກຳມະບານແຂວງ ພ້ອມດ້ວຍຄະນະເຄື່ອນໄຫວ ຢ້ຽມຢາມ ແລະ ເຮັດວຽກຢູ່ກຸ່ມການເມືອງ

    ໃນຕອນເຊົ້າວັນທີ 10 ພະຈິກ 2022, ປະທານສະຫະພັນກຳມະບານແຂວງ ພ້ອມດ້ວຍຄະນະໄດ້ລົງເຄື່ອນໄຫວ ຢ້ຽມຢາມ ແລະ ເຮັດວຽກຢູ່ກຸ່ມການເມືອງ ເຊີ່ງມີ ກຳມະບານຮາກຖານຄະນະຈັດຕັ້ງແຂວງ, ກຳມະບານຮາກຖານຄະນະໂຄສະນາອົບຮົມແຂວງ, ກຳມະບານຮາກຖານຄະນະກວດກາ ພັກ-ລັດ ແຂວງ ກຳມະບານຮາກຖານພະແນກພາຍໃນແຂວງເຊີ່ງກອງປະຊຸມດັ່ງກ່າວໄດ້ຈັດຂື້ນຢູ່ທີ່ ຫ້ອງປະຊຸມຊັ້ນ V ຕືກຫ້ອງວ່າການປົກຄອງແຂວງຫົວພັນ ຫຼັງເກົ່າ, ພາຍໃຕ້ການເປັນປະທານຂອງ ທ່ານ ນາງ ພອງທຳ ທຳມະທອງ, ປະທານສະຫະພັນກຳມະບານແຂວງ ແລະ ທ່ານ ຄຳພວງ ອຳຄາທອງຄຳ, ຮອງຫົວໜ້າຄະນະຈັດຕັ້ງແຂວງ, ພ້ອມດ້ວຍສະມາຊິກ ກຳມະບານຮາກຖານທັງ 4 ຮາກຖານເຂົ້າຮ່ວມທັງໝົດ 72 ທ່ານ, ຍິງ 33 ທ່ານ.

ອ່ານເພີ່ມເຕີມ...

68. ຄອຂ ສໍາເລັດການປະເມີນຜົນການຈັດຕັ້ງປະຕິບັດວຽກງານພະນັກງານ ລັດຖະກອນ ແລະ ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2022

ລາຍລະອຽດ

ສ້າງຂື້ນເມື່ອ ວັນສຸກ, 04 ພະຈິກ 2022 08:07

ຂຽນໂດຍ ອານຸສັກ

ຄະນະໂຄສະນາອົບຮົມແຂວງ ສໍາເລັດການປະເມີນຜົນການຈັດຕັ້ງປະຕິບັດວຽກງານພະນັກງານ ລັດຖະກອນ ແລະ ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2022.

       ວັນທີ 2-3 ພະຈິກ 2022 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ສໍາເລັດກອງປະຊຸມປະເມີນຜົນການຈັດຕັ້ງປະຕິບັດວຽກງານພະນັກງານ - ລັດຖະກອນ ແລະ ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2022. ກອງປະຊຸມໄດ້ດໍາເນີນມາເປັນເວລາ 2 ວັນ ຢູ່ທີ່ຫ້ອງປະຊຸມຊັ້ນ IV ຕືກຫ້ອງວ່າການປົກຄອງ ແຂວງຫົວພັນ ຫຼັງເກົ່າ, ພາຍໃຕ້ການເປັນປະທານຂອງ ສະຫາຍ ຕົ່ງລີ ເຕັ່ງ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງຫົວພັນ. ມີບັນດາທ່ານຕາງໜ້າມາຈາກພະແນກພາຍໃນແຂວງ, ຄະນະກວດກາພັກ-ລັດ, ຄະນະຈັດຕັ້ງແຂວງ ພ້ອມດ້ວຍພະນັກງານ - ລັດຖະກອນ, ສະມາຊິກພັກ ເຂົ້າຮ່ວມທັງໝົດ 18 ສະຫາຍ, ຍິງ 8 ສະຫາຍ.

ອ່ານເພີ່ມເຕີມ...

67. ຄອຂ ເຂົ້າຮ່ວມກອງປະຊຸມສ່ອງແສງການປະຕິບັດວຽກງານໂຄສະນາຜ່ານສື່ເອເລັກໂຕຣນີກ

ລາຍລະອຽດ

ສ້າງຂື້ນເມື່ອ ວັນພະຫັດ, 03 ພະຈິກ 2022 07:20

ຂຽນໂດຍ ອານຸສັກ

ຄະນະໂຄສະນາອົບຮົມແຂວງຫົວພັນ ເຂົ້າຮ່ວມກອງປະຊຸມສ່ອງແສງການປະຕິບັດວຽກງານໂຄສະນາຜ່ານສື່ເອເລັກໂຕຣນີກ (ເວັບໄຊ)

ໃນຕອນເຊົ້າຂອງວັນທີ 1 ພະຈິກ 2022 ນີ້ ຄະນະໂຄສະນາອົບຮົມແຂວງຫົວພັນ ໄດ້ເຂົ້າຮ່ວມກອງປະຊຸມທາງໄກ ( Video Conference ) ສ່ອງແສງການປະຕິບັດວຽກງານໂຄສະນາຜ່ານສື່ເອເລັກໂຕຣນີກ (ເວັບໄຊ) ຮ່ວມກັບ ຄະນະໂຄສະນາອົບຮົມສູນກາງພັກ ແລະ ບັນດາຄະນະໂຄສະນາອົບຮົມແຂວງ 18 ແຂວງໃນທົ່ວປະເທດ. ໂດຍພາຍໃຕ້ການເປັນປະທານຂອງ ທ່ານ ວັນຕຸລາ ຣັກນຸດ, ກຳມະການພັກ, ຫົວໜ້າກົມຂໍ້ມູນຂ່າວສານ. ຄະນະໂຄສະນາອົບຮົມແຂວງຫົວພັນ ໃຫ້ກຽດເຂົ້າຮ່ວມ ແມ່ນ ທ່ານ ຕົ່ງລີ ເຕັ່ງ, ກຳມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ວິຊາການຮັບຜິດຊອບວຽກງານໂຄສະນາຜ່ານສື່ເອເລັກໂຕຣນີກ (ເວັບໄຊ) ແລະ ພະນັກງານທີ່ກ່ຽວຂ້ອງເຂົ້າຮ່ວມ.

    ກອງປະຊຸມສ່ອງແສງລາຍງານການຈັດຕັ້ງປະຕິບັດວຽກງານໂຄສະນາຜ່ານສື່ເອເລັກໂຕຮນິກ(ເວັບໄຊ) ໃນທົ່ວປະເທດ ຄັ້ງນີ້ໄດ້ພ້ອມກັນຮັບຟັງຜົນສໍາເລັດໃນການປະຕິບັດວຽກງານດັ່ງກ່າວ, ຂໍ້ສະດວກ, ຂໍ້ຫຍຸ້ງຍາກທີ່ແຕກຕ່າງກັນ ຂອງແຕ່ລະແຂວງ, ກອງປະຊຸມແມ່ນແນ່ໃສ່ເພື່ອກໍາໄດ້ສະພາບລວມ ແລະ ປັບປຸງເນື້ອໃນ, ສ້າງຄວາມຮັບຮູ້-ເຂົ້າໃຈ ໃຫ້ເລິກເຊີ່ງ ເພື່ອຄວາມເປັນເອກະພາບກັນ, ໃນການຈັດຕັ້ງປະຕິບັດວຽກງານໂຄສະນາຜ່ານສືເອລັກໂຕນິກໃຫ້ໄປຄຽງຄູ່ກັບການຫັນເປັນທັນ ສະໄໝຕາມທິດທາງທີ່ວາງໄວ້. ຫຼັງຈາກນັ້ນ ຄະນະຮັບຜິດຊອບແຕ່ລະແຂວງກໍ່ມີຄຳເຫັນແລກປ່ຽນໃນການຈັດຕັ້ງປະຕິບັດໄລຍະຜ່ານມາ ອັນເປັນບົດຮຽນທີ່ສຳຄັນທີ່ສຸດໃນການລາຍງານຈັດຕັ້ງປະຕິບັດວຽກງານດັ່ງກ່າວເຊີ່ງມີທັງດ້ານດີຜົນງານ, ຂໍ້ສະດວກ, ຂໍ້ຫຍຸ້ງຫຍາກ ແລະ ທິດທາງແຜນການປະຕິບັດບັນດາແຂວງໃນທົ່ວປະເທດ ໃນຕໍ່ໜ້າໃຫ້ດີຂື້ນເທື່ອລະກ້າວ.

   ໃນຕອນທ້າຍຂອງກອງປະຊຸມ ທ່ານ ວັນຕຸລາ ຣັກນຸດ, ກຳມະການພັກ, ຫົວໜ້າກົມຂໍ້ມູນຂ່າວສານ ຍັງໄດ້ມີຄຳເຫັນຕໍ່ກອງປະຊຸມ ກ່ອນອື່ນທ່ານກໍ່ໄດ້ຍ້ອງຍໍໍຊົມເຊີຍຕໍ່ ຄະນະພັກ, ຄະນະນຳ ຜູ້ຊີ້ນຳວຽກງານໂຄສະນາຜ່ານສື່ນັບແຕ່ຂັ້ນສູນກາງ ແລະ ຂັ້ນແຂວງ ກໍ່ໄດ້ໃຫ້ຄວາມສຳຄັນຕໍ່ວຽກງານໄອທີ ພັດທະນາວຽກງານດັ່ງກ່າວໃຫ້ມີຄວາມເຂັ້ມແຂງ ແລະ ທັນສະໄໝຂື້ນເລື້ອຍໆ. ຈາກນັ້ນທ່ານຍັງໄດ້ ຮຽກຮ້ອງໃຫ້ຄະນະພັກ, ຄະນະນํາ ເພີ່ມທະວີ ແລະ ຍົກສູງຄວາມຮັບຜິດຊອບໃນການນຳພາ - ຊີ້ນຳ ວຽກງານໂຄສະນາຜ່ານສື່ ເອເລັກໂຕຮນິກໃຫ້ມີການເຄື່ອນໄຫວຢ່າງປົກະຕິແລະ ກາຍເປັນເສນາທິການທາງດ້ານຂໍ້ມູນໃຫ້ຄະນະພັກ, ຄະນະນໍາຂອງຕົນໃນການໂຄສະນາແນວທາງ, ນະໂຍບາຍ, ມະຕິຄຳສັ່ງ. ຄະນະທີ່ຖືກແຕ່ງຕັ້ງຮັບຜິດຊອບຄຸ້ມຄອງເວັບໄຊຂອງຄະນະໂຄສະນາອົບຮົມແຂວງ ຕ້ອງເພີ່ມທະວີໃນການຕິດຕາມ ກວດກາ ການອອນລາຍຂອງໜ້າກະດານຂ່າວ, ປະສານສົມທົບ ແລກປ່ຽນບົດຮຽນ ໃນຂອດການຈັດຕັ້ງປະຕິບັດວຽກງານ ກັບ ຄະນະແອັດມິນສູນກາງໃຫ້ເປັນປົກກະຕິວ່ອງໄວ ເພື່ອໃຫ້ສາມາດຈັດຕັ້ງປະຕິບັດວຽກງານຂອງຕົນໃຫ້ມີປະສິດທິພາບສູງຂຶ້ນໄປເລື້ອຍໆໃນຕໍ່ໜ້າ.