ເມືອງຊຳໃຕ້ຈັດຕັ້ງພິທີປາຖະກະຖາວັນສຳຄັ້ນຂອງພັກຂອງຊາດ

ລາຍລະອຽດ

ສ້າງຂື້ນເມື່ອ ວັນສຸກ, 25 ສິງຫາ 2023 02:45

ຂຽນໂດຍ ອານຸສັກ

ເມືອງຊຳໃຕ້ຈັດຕັ້ງພິທີປາຖະກະຖາວັນສຳຄັ້ນຂອງພັກຂອງຊາດ

       ໃນຕອນເຊົ້າວັນທີ 24 ສິງຫາ 2023 ທີ່ຜ່ານມານີ້ ເມືອງຊຳໃຕ້ ໄດ້ຈັດພິທີປາຖະກະຖາ ວັນປະຫວັດສາດສໍາຄັນຂອງພັກ, ຂອງຊາດ ຄື: ວັນຍືດອຳນາດ ຄົບຮອບ 48 ປີ ( 23/8/1975) – (23/8/2023 ), ວັນສ້າງຕັ້ງລັດຖະທຳມະນູນ ຄົບຮອບ 32 ປີ(15/8/1991) – (15/8/2023) ແລະ ວັນສ້າງຕັ້ງອາຊຽນ ຄົບຮອບ 56 ປີ (8/8/1967) – (8/8/2023) ພິທີໄດ້ຈັດຂື້ນຢູ່ທີ ສະໂມສອນເມືອງຊຳໃຕ້. ໃຫ້ກຽດເຂົ້າຮ່ວມໂດຍ ທ່ານ ທອງຫວັງ ຄູນທອງມີໄຊ ຮອງເລຂາພັກເມືອງຊຳໃຕ້ ຜູ້ປະຈຳການ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າ ຫ້ອງການ, ພະນັກງານ ລັດຖະກອນ, ທະຫານ ຕຳຫຼວດ ເຂົ້າຮ່ວມທັງໝົດ 102 ທ່ານ, ຍິງ 29 ທ່ານ

       ເພື່ອເປັນການໂຄສະນາ-ສຶກສາອົບຮົມ ໃຫ້ພະນັກງານ, ລັດຖະກອນ, ທະຫານ, ຕຳຫຼວດ ແລະ ປະຊາຊົນລາວບັນດາເຜົ່າ ໂດຍສະເພາະແມ່ນຄົນຮຸ່ນໜຸ່ມ ໃຫ້ມີຄວາມຮັບຮູ້ເຂົ້າໃຈກ່ຽວກັບມູນເຊື້ອ ວັນຍຶດອໍານາດ 23 ສິງຫາ ໃຫ້ກວ້າງຂວາງ ແລະ ເລິກເຊິ່ງ. ເພື່ອປຸກລະດົມການເສີມຂະຫຍາຍມູນເຊື້ອ ວັນຍຶດອຳນາດ 23 ສິງຫາ ເຂົ້າໃນຂະບວນການເຄື່ອນໄຫວຈັດຕັ້ງປະຕິບັດໜ້າທີ່ວຽກງານຂອງຕົນ, ຍົກສູງສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິຂອງພວກຄົນບໍ່ຫວັງດີ, ເອົາໃຈໃສ່ຕ້ານ ແລະ ສະກັດກັ້ນສິ່ງຫຍໍ້ທໍ້ຕ່າງໆໃນສັງຄົມ. ເພີ່ມທະວີການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍໃຫ້ມີຄວາມສັກສິດ, ເຊີດຊູນໍ້າໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເພື່ອພັດທະນາຕົນເອງ, ຄອບຄົວ ແລະ ປະເທດຊາດຫຼຸດພົ້ນອອກຈາກຄວາມທຸກຍາກ.

    ພິທີດັ່ງກ່າວໄດ້ໃຊ້ເວລາ 1 ຕອນ ແລະ ປິດລົງດ້ວຍໝາກຜົນອັນຈົບງາມ.

• ຕໍ່ໄປ >