ເມືອງຮ້ຽມ ແຂວງຫົວພັນ ຈັດພິທີ ປາຖະກະຖາ 5 ວັນປະຫວັດສາດສຳຄັນຂອງພັກ, ຂອງຊາດ

ລາຍລະອຽດ

ສ້າງຂື້ນເມື່ອ ວັນພຸດ, 24 ສິງຫາ 2022 07:48

ຂຽນໂດຍ ຄອຂ ຫົວພັນ

ເມືອງຮ້ຽມ ແຂວງຫົວພັນຈັດພິທີ ປາຖະກະຖາ 5 ວັນປະຫວັດສາດສຳຄັນຂອງຊາດ

         ຕອນເຊົ້າວັນທີ 12 ສິງຫາ 2022 ເມືອງຮ້ຽມ ແຂວງຫົວພັນ ໄດ້ ຈັດພິທີປາຖະກະຖາ ວັນສ້າງຕັ້ງອາຊຽນ ຄົບ ຮອບ 55 ປີ, ວັນສ້າງຕັ້ງແນວ ລາວສ້າງຊາດ ຄົບຮອບ 72, ວັນລັດທະທຳມະນູນ ຄົບຮອບ 31 ປີ, ວັນຢຶດອຳ ນາດ ຄົບຮອບ 77 ປີ ແລະ ຄົບຮອບ 47 ປີ ແລະ ວັນສ້າງຕັ້ງຊື່ມວນຊົນ ແຫ່ງຊາດ ຄົບຮອບ 72 ປີ. ຂຶ້ນຢູ່ທີ່ສະໂມສອນຂອງເມືອງ ເປັນກຽດເຂົ້າຮ່ວມພິທີໂດຍ ທ່ານ ໄຫວທອງ ບຸນມະນີວັນ ຮອງເລຂາ ຜູ້ປະຈຳ ການ ຜູ້ຊີ້ນຳວຽກງານແນວຄິດທິດສະດີຂັ້ນເມືອງ, ມີບັນດາທ່ານ ຄະນະປະຈຳ, ກຳມະການພັກເມືອງ, ຫົວໜ້າ ຮອງຫົວໜ້າກົມກອງ ຫ້ອງການ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ, ພະນັກງານ - ລັດຖະກອນ, ທະຫານ - ຕຳຫຼວດ ເຂົ້າຮ່ວມ.

         ພິທີດັ່ງກ່າວ ບັນດາທ່ານການນຳເມືອງຮ້ຽມ ໄດ້ພັດປ່ຽນກັນເລົ່າມູນເຊື້ອ 05 ວັນສຳຄັນດັ່ງກ່າວ ເພື່ອຍົກໃຫ້ເຫັນປະວັດຄວາມເປັນມາ ຂອງວັນສ້າງຕັ້ງ ອາຊຽນ, ການຍຶດອໍານາດເດືອນສິງ 1945 ການຍຶດອຳນາດ 23 ສິງຫາ 1975 ເຊິ່ງເປັນວັນຍຶດອຳນາດທີ່ມີຄວາມໝາຍຄວາມສໍາຄັນສໍາລັບປະຊາຊົນລາວທັງ ຊາດ ເພາະວ່າການໄຊຊະນະດັ່ງກ່າວແມ່ນໝາກຜົນແຫ່ງການຕໍ່ສູ້ທີ່ຍາວນານ ຂອງປະຊາຊົນລາວບັນດາເຜົ່າພາຍໃຕ້ການນຳພາຂອງພັກປະຊາຊົນ ປະຕິວັດ ລາວ, ແນວລາວສ້າງຊາດໄດ້ຮັບການສ້າງຕັ້ງ ແລະ ເຕີບໃຫ່ຍຂະຫຍາຍຕົວ ພັກ-ລັດນຳໃຊ້ກົດໝາຍຄຸ້ມຄອງ ເຮັດໃຫ້ປະເທດຊາດມີສະຖຽນລະພາບທາງ ດ້ານການເມືອງ, ສັງຄົມມີຄວາມສະງົບສຸກ ແລະ ເປັນລະບຽນຮຽບຮ້ອຍ ການປາຖະກະຖາໃນຄັ້ງນີ້ກໍເພື່ອໂຄສະນາສຶກສາອົບຮົມ ໃຫ້ພະນັກງານ, ທະຫານ, ຕຳຫຼວດ ແລະ ປະຊາຊົນບັນດາເຜົ່າໄດ້ຮັບຮູ້ ແລະ ເຂົ້າໃຈຢ່າງ ໜັກແໜ້ນ ມູນເຊື້ອແຫ່ງການຕໍ່ສູ້ອັນພິລະອາດຫານຂອງປະຊາຊົນລາວ ພາຍໃຕ້ການນຳພາຂອງພັກ ພວກເຮົາທຸກຄົນຈົ່ງພ້ອມກັນສືບຕໍ່ປັກປັກຮັກສາ, ທະນຸຖະໜອມ ແລະ ເສີມຂະຫຍາຍມູນເຊື້ອອັນດີງາມດັ່ງກ່າວໄວ້ໃຫ້ໝັ້ນຄົງ ທະນົງແກ່ນຕະຫຼອດໄປ.

• < ຕໍ່ໄປ
• ຕໍ່ໄປ >