ກອງປະຊຸມຄົບຄະນບໍລິຫານງານພັກເມືອງຊຽງຄໍ້ ກາງສະໄໝຂອງກອງປະຊຸມໃຫຍ່ຄັ້ງທີ XI

ລາຍລະອຽດ

ສ້າງຂື້ນເມື່ອ ວັນຈັນ, 30 ມັງກອນ 2023 03:05

ຂຽນໂດຍ ອານຸສັກ

ກອງປະຊຸມຄົບຄະນບໍລິຫານງານພັກເມືອງຊຽງຄໍ້ ກາງສະໄໝຂອງກອງປະຊຸມໃຫຍ່ຄັ້ງທີ XI

      ໃນວັນທີ 10 ມັງກອນ 2013 ຜ່ານມານີ້ ເມືອງຊຽງຄໍ້ ແຂວງຫົວພັນ ໄດ້ຈັດກອງປະຊຸມຄົບຄະນະບໍລິຫານງານພັກເມືອງຊຽງຄໍ້ ກາງສະໄໝ ຂອງກອງປະຊຸມໃຫ່ຍຄັ້ງທີ XI ຂື້ນທ່ີສະໂມສອນ ເມືອງຊຽງຄໍ້ ແຂວງຫົວພັນ ພາຍໃຕ້ການເປັນປະທານຂອງທ່ານ ວົງໄຊ ຍະສິງຫອນ ກຳມະການພັກແຂວງ ເລຂາພັກເມືອງ ເຈົ້າເມືອງຊຽງຄໍ້ ແລະ ເປັນກຽດເຂົ້າຮ່ວມຂອງ ທ່ານ ຮິນທອງ ດວງຈັນສຸກ ຄະນະປະຈຳພັກແຂວງ ປະທານກວດກາພັກ-ລັດແຂວງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຄະນະຫ້ອງການ, ຄະນະພັກຮາກຖານການເມືອງປະຈໍາແຕ່ລະເຂດຕະຫຼອດຮອດເລຂາຄະນະພັກກຸ່ມບ້ານທົ່ວເມືອງເຂົ້າຮ່ວມ.

      ຫຼັງຈາກປະທານກອງປະຊຸມໃຫ້ກຽດກ່າວເປີດຢ່າງເປັນທາງການເພື່ອເປັນການຕີລາຄາການນຳພາ-ຊີ້ນຳ ຂອງອົງຄະນະບໍລິຫານງານພັກເມືອງ ແລະ ການຈັດຕັ້ງປະຕິບັດຕາມມະຕິກອງປະຊຸມໃຫ່ຍຄັ້ທີ XI ຂອງຕົນ, ທ່ານ ນວນທອງ ສຸວັນທອນ ຮອງເລຂາພັກເມືອງ ໄດ້ຜ່ານຮ່າງບົດສະຫຼຸບການນຳພາວຽກງານຮອບດ້ານກາງສະໄໝ 2020 – 2022 ແລະ ທິດທາງຮອດປີ 2024 ຂອງຄະນະບໍລິຫານງານພັກເມືອງຊຽງຄໍ້ ສະໄໝທີ XI ໃນນີ້ໄດ້ຕີລາຄາຮອບດ້ານມີຫຼາຍວຽກງານທ່ີພົ້ນເດັ່ນຍົກໃຫ້ເຫັນ ດ້ານການເມືອງແນວຄິດ ຄະນະພັກແຕ່ລະຂັ້ນໄດ້ຖືເອົາວຽກງານການເມືອງແນວຄິດເປັນວຽກງານທີ່ສຳຄັນ ຫັນເອົາແນວທາງນະໂຍບາຍຂອງພັກ, ລະບຽບກົດໝາຍ ແລະບັນດາເອກະສານຕ່າງໆ ຂອງສູນກາງ, ແຂວງ ແລະ ຂອງເມືອງ ລົງເຜີຍແຜ່ໃຫ້ສະມາຊິກພັກ, ພະນັກງານ - ລັດຖະກອນ, ກຳລັງປະກອບອາວຸດ, ນັກທຸລະກິດ ແລະ ປະຊາຊົນບັນດາເຜົ່າຢ່າງກ້ວາງຂວາງ ແລະ ເປັນປົກກະຕິທຸກຄົນມີຄວາມຮັບຮູ້ເຂົ້າໃຈກຳແໜ້ນ, ຍົກສູງຄວາມເປັນເຈົ້າໃນການຕ້ານ ແລະ ແກ້ໄຂປະກົດການຫຍໍ້ທໍ້ໃນສັງຄົມເຮັດໃຫ້ບ້ານເມືອງມີຄວາມສະຫງົບໂດຍພື້ນຖານ, ປະຊາຊົນມີຄວາມຕື່ນຕົວປະກອບສ່ວນເຂົ້າໃນພາລະກິດປົກປັກຮັກສາ ແລະສ້າງສາປະເທດຊາດ, ເປັນເຈົ້າການເຂົ້າຮ່ວມໃນການພັດທະນາເສດຖະກິດ - ສັງຄົມ ຫັນປ່ຽນການດໍາລົງຊີວິດແບບຄອງເດີມມານຳເຕັກນິກວິຊາການໃໝ່ເຂົ້າໃນການຜະລິດ, ສ້າງອາຊີບແບບໝັ້ນຄົງ, ຕັ້ງໜ້າແກ້ໄຂຄວາມທຸກຍາກນັບມື້ກ້ວາງຂວາງ ແລະ ດີຂຶ້ນເທື່ອລະກ້າວ, ດ້ານການພັດທະນາເສດຖະກິດຄ່ອຍໆມີທ່າກ້າວຂະຫຍາຍຕົວຕີຂຶ້ນ. ຕອນທ້າຍຜູ້ແທນເຂົ້າຮ່ວມກອງປະຊຸມຍັງມີຄວາມຮັບຜິດຊອບສູງ ຍັງໄດ້ປະກອບຄໍາຄິດ ຄຳເຫັນຢ່າງກົງໄປກົງມາໃສ່ບົດສະຫຼຸບ ແລະ ທິດທາງແຜນການ, ບົດສະຫຼຸບແຜນພັດທະນາເສດຖະກິດ - ສັງຄົມ ແລະ ທິດທາງທ້າຍສະໄໝ.

      ກອງປະຊຸມດັ່ງກ່າວໄດ້ດໍາເນີນເປັນເວລາ 2 ວັນເຕັມຈິ່ງອັດລົງຢ່າງຈົບງາມ.

• < ຕໍ່ໄປ
• ຕໍ່ໄປ >