1. ເມືອງຊຽງຄໍ້ຈັດພິທີ ປາຖະກະຖາ ວັນສ້າງຕັ້ງສະຫະພັນນັກຮົບເກົ່າແຫ່ງຊາດ

ລາຍລະອຽດ

ສ້າງຂື້ນເມື່ອ ວັນຈັນ, 11 ກັນຍາ 2023 04:03

ຂຽນໂດຍ ອານຸສັກ

ເມືອງຊຽງຄໍ້ຈັດພິທີ ປາຖະກະຖາ ວັນສ້າງຕັ້ງສະຫະພັນນັກຮົບເກົ່າແຫ່ງຊາດ

     ຕອນເຊົ້າວັນທີ 8 ກັນຍາ 2023 ຜ່ານມານີ້ ເມືອງຊຽງຄໍ້ຈັດພິທີ ປາຖະກະຖາ ວັນສ້າງຕັ້ງສະຫະພັນນັກຮົບເກົ່າແຫ່ງຊາດຄົບຮອບ 21 ປີ ພິທີໄດ້ຈັດຂື້ນຢູ່ທີ່ສະໂມສອນເມືອງຢ່າງເປັນທາງການ ເປັນກຽດເຂົ້າຮ່ວມພິທີໃນຄັ້ງນີ້ໂດຍແມ່ນ ທ່ານ ຝີເຮີ ສົມພັນຊົງ ຄະນະປະຈຳພັກເມືອງ ປະທານແນວລາວສ້າງຊາດເມືອງ ຜູ້ຊີ້ນຳອົງການຈັດຕັ້ງມະຫາຊົນ, ມີບັນດາທ່ານການນໍາຂອງເມືອງ, ຫົວໜ້າ-ຮອງຫົວໜ້າຫ້ອງການ, ພະນັກງານ - ລັດຖະກອນ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດອ້ອມຂ້າງເມືອງ ແລະ ຫົວໜ້າໜ່ວຍສະຫະພັນນັກຮົບເກົ່າຮາກຖານທົ່ວເມືອງເຂົ້າຮ່ວມ.

ໃນທີ່ພິທີທ່ານ ເຮີ ສົມພັນຊົງ ຄະນະປະຈຳພັກເມືອງ ໄດ້ຂື້ນເລົ່າຄືນມູນເຊື້ອປະຫັວດຄວາມເປັນມາຂອງສະຫະພັນນັກຮົບເກົ່າ: ເພີ່ນໄດ້ຍົກໃຫ້ເຫັນຜົນງານອັນລໍ້າເລີດ ຂອງສະຫະພັນນັກຮົບເກົ່າທີ່ຍາດມາໄດ້ໃນໄລຍະຜ່ານມາໃຫ້ບັນດາທ່ານໃນພິທີໄດ້ຮັບຟັງ. ໃນຕອນທ້າຍຂອງພິທີ ເພື່ອລະນຶກເຖີງຄຸນງານຄວາມດີໃນວັນສ້າງຕັ້ງສະຫະພັນນັກ ຮົບເກົ່າແຫ່ງຊາດ ມີບັນດາຫ້ອງການອ້ອມຂ້າງເມືອງ ມີນໍ້າຈິດນໍ້າໄຈ ມີກະຕ່າຂອງຂັວນມາອວຍພອນມອບໃຫ້ໂດຍແມ່ນ ທ່ານ ພູເງິນ ພິມມະວົງ ປະທານສະຫະພັນນັກຮົບເກົ່າເມືອງຂື້ນຮັບ, ທ່ານໄດ້ກ່າວຄໍາຂອບອົກ, ຂອບໃຈ ແລະຮູ້ບຸນຄຸນຢ່າງລົ້ນເຫຼືອ.

ພິທີໄດ້ສຳເລັດລົງໃນເວລາ 11 ໂມງ 30 ຂອງວັນດຽວກັນຢ່າງຈົບງາມ.

• ຕໍ່ໄປ >