40. ຄະນະໂຄສະນາອົບຮົມແຂວງຫົວພັນ ສໍາເລັດການລົງຕິດຕາມການຮຽນ-ການສອນວິຊາສຶກສາພົນລະເມືອງຢູ່ ມສ ພັນຊໍາແຂວງຫົວພັນ.

ລາຍລະອຽດ

ສ້າງຂື້ນເມື່ອ ວັນອັງຄານ, 05 ເມສາ 2022 03:16

ຂຽນໂດຍ ຄອຂ ຫົວພັນ

. ຄະນະໂຄສະນາອົບຮົມແຂວງຫົວພັນ ສໍາເລັດການລົງຕິດຕາມການຮຽນ-ການສອນວິຊາສຶກສາພົນລະເມືອງຢູ່ ມສ ພັນຊໍາແຂວງຫົວພັນ.

ໃນມື້ວັນທີ 30 ມີນາ 2022 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ການລົງຕິດຕາມການຮຽນ-ການສອນວິຊາສຶກສາພົນລະເມືອງຢູ່ ມສ ພັນຊໍາ,  ເຊິ່ງການລົງຕິດຕາມການຮຽນ-ການສອນ ພາຍໃຕ້ການເປັນປະທານຂອງສະຫາຍ ນ ເວີນພອນ ຄໍາພົມສົມບັດ ອໍານວຍການໂຮງຮຽນພັນຊໍາ ແລະ ທ່ານ ສຸກເສີ່ມ ຢ່າງຈາງ ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍທິມງານ, ຄູສອນວິຊາສຶກສາພົນລະເມືອງ ແລະ ນ້ອງນ້ອຍນັກຮຽນເຂັ້າຮ່ວມຢ່າງພ້ອມພຽງ.

ໃນກອງປະຊຸມ ສະຫາຍ ນ ເວີນພອນ ຄໍາພົມສົມບັດ ອໍານວຍການໂຮງຮຽນພັນຊໍາ ໄດ້ໄດ້ຝັງການລາຍງານສະພາບລວມ, ຂໍ້ສະດວກ, ຂໍ້ຫຍຸ້ງຍາກໃນການຈັດຕັ້ງການຮຽນ-ການສອນໃນໄລຍະຜ່ານມາ ແລະ ໄດ້ເຂົ້າຮ່ວມໂມງສອນຕົວຈິງ 1 ຊົ່ວໂມງ ວິຊາ ສຶກສາພົນລະເມືອງ ຈຸດປະສົງກໍ່ເພື່ອສະໜອງໃຫ້ນັກຮຽນມີຄວາມຮູ້ດ້ານກົດໝາຍ, ເສດຖະ ກິດ, ການເມືອງ, ວັດທະນາທໍາສັງຄົມ, ສິດເສລີພາບຂັ້ນພື້ນຖານຂອງພົນລະເມືອງ, ສິດທິມະນຸດ ແລະ ການພົວ ພັນສາກົນ.

ການລົງຕິດຕາມການຮຽນ-ການສອນວິຊາສຶກສາພົນລະເມືອງຢູ່ ມສ ພັນຊໍາປິດລົງຢ່າງເປັນທາງການໃນເວລາ 9 ໂມງ 00 ຂອງວັນດຽວກັນຢ່າງຈົບງາມ.

• < ຕໍ່ໄປ
• ຕໍ່ໄປ >