ແຂວງຫົວພັນໄດ້ສໍາເລັດການເຊື່ອມຊຶມເນື້ອມະຕິປະຊຸມໃຫຍ່ຄັ້ງທີ 10 ຂອງອົງຄະພັກແຂວງຫົວພັນ.

ລາຍລະອຽດ

ສ້າງຂື້ນເມື່ອ ວັນພຸດ, 03 ມີນາ 2021 03:28

ຂຽນໂດຍ ຄອຂ ຫົວພັນ

ແຂວງ​ຫົວພັນໄດ້ສໍາ​ເລັດ​ການ​​ເຊື່ອມ​ຊຶມເນື້ອມະຕິປະຊຸມໃຫຍ່ຄັ້ງທີ 10 ຂອງອົງຄະພັກແຂວງຫົວພັນ.

​​            ຕອນເຊົ້າວັນ​ທີ 25  ກຸມພາ 2021 ນີ້, ກອງ​ປະຊຸມ​ເຊື່ອມ​ຊຶມ​ເນື້ອ​ໃນ​ກອງປະຊຸມໃຫຍ່ຄັ້ງທີ 10 ຂອງອົງຄະພັກແຂວງຫົວພັນ ​ໄດ້​ເປີດຂຶ້ນ​ທີ່ສະໂມສອນຂອງແຂວງຫົວພັນ, ພາຍ​ໃຕ້​ການ​ເປັນ​ປະທານ​ຂອງ​ສະຫາຍ ເຜີດ ມາປັນຍາ  ຮອງເລຂາຄະນະບໍລິຫານງານພັກແຂວງ, ຜູ້ປະຈໍາການ, ຜູ້ຊີ້ນໍາຂົງເຂດວຽກງານການເມືອງ, ວຽກງານແນວຄິດ - ທິດສະດີ ແລະ ວຽກງານພັກ-ພະນັກງານແລະ ການເຂົ້າຮ່ວມ ມີບັນດາສະຫາຍ​ຄະນະ​ປະ​ຈໍາ​ພັກ​ແຂວງ, ກໍາມະການ​ພັກ​ແຂວງ, ຫົວໜ້າ, ຮອງຫົວໜ້າພະແນກການ, ອົງການ​ທຽບ​ເທົ່າ, ສະພາ​ປະຊາຊົນ, ​ແນວ​ລາວ​ສ້າງ​ຊາດ, ຫົວໜ້າ​ຂະ​ແໜງ, ຫົວໜ້າກອງ​ບັນຊາ​ການ​ທະຫານ ​ແລະ ກອງ​ບັນຊາ​ການ​ຕໍາຫຼວດ ອ້ອມຂ້າງແຂວງພ້ອມ​ດ້ວຍ​ສະມາຊິກ​ພັກ ​ແລະ ພະນັກງານ​ລັດຖະກອນ​​ເຂົ້າ​ຮ່ວມທັງໝົດ 350 ກ່ວາຄົນ.

​      

    ກອງ​ປະຊຸມ​ໄດ້​ເຊື່ອມຊຶມເນື້ອໃນເອກະສານສໍາຄັນດັ່ງກ່າວນີ້ ເອກະສານ ເຊື່ອມຊຶມເນື້ອໃນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງຫົວພັນໄດ້ມີຜົນສໍາເລັດແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IV ຂອງອົງຄະນະພັກແຂວງ. ໃນໄລຍະ 5 ປີແຫ່ງການປະຕິບັດມະຕິກອງປະຊຸມໃຫຍ່ຄັ້ງທີ IX ແລະ ແຜນພັດທະນາເສດ ຖະກິດ-ສັງຄົມຄັ້ງທີ VIII ຂອງແຂວງແມ່ນໄລຍະທີ່ສະພາບແວດລ້ອມສາກົນ ແລະ ພາກພື້ນມີການຜັນແປຢ່າງສະຫຼັບສັບຊ້ອນ ຊຶ່ງມີດ້ານສະດວກ ໂດຍສະເພາະບັນຫາການເສີມສ້າງສັນຕິພາບ, ມິດຕະພາບ ແລະ ການຮ່ວມມືພັດທະນາ, ການເຊື່ອມໂຍງລະຫວ່າງປະເທດ, ດ້ານເສດຖະກິດ-ສັງຄົມ ແຕ່ຄະນະດຽວກັນຍັງມີຫຼາຍດ້ານທີ່ເປັນສິ່ງທ້າທາຍທົດສອບ ເປັນຕົ້ນການແຫ້ງ ແຍ້ງແຂ່ງຂັນ, ຂໍ້ຂັດແຍ່ງລະຫວ່າງປະເທດ, ໄພທໍາມະຊາດ, ພະຍາດໂຄວິດ-19 ລະບາດ ແລະ ອື່ນໆ ເກີດຂຶ້ນຢູ່ ຫຼາຍປະເທດ; ສໍາລັບປະເທດເຮົາກໍ່ຄືແຂວງຫົວພັນກໍ່ມີຫຼາຍດ້ານທີ່ເປັນກາລະໂອກາດ ແລະ ສິ່ງທ້າທາຍເຊັ່ນວ່າ: ບັນຫາການເງິນມີຄວາມຫຍຸ້ງຍາກ, ຄ່າຄອງຊີບສູງ, ໜີ້ສິນຫຼາຍ ຄຸມເຄືອ, ໄພທໍາມະຊາດທໍາລາຍ, ປີ 2016 ຫິມະຕົກ, ປີ 2017 ຕັກກະແຕນ, ໜູຂີລະບາດ, ປີ 2018-2019 ພະຍຸເຂົ້າປີ 2019-2020 ໂຄວິດ-19 ແລະ ຄວາມທຸກຍາກຂອງປະຊາຊົນຍັງສູງ. ແຕ່ດ້ວຍຄວາມຮັບຜິດຊອບສູງຂອງຄະນະພັກແຕ່ລະຂັ້ນ, ສະມາຊິກພັກ, ພະ ນັກງານ, ທະຫານ-ຕໍາຫຼວດ ແລະ ປະຊາຊົນ ບັນດາເຜົ່າໄດ້ສືບຕໍ່ບຸກບືນແກ້ໄຂຂອດອັດຕັນການພັດທະນາສາມາດຜ່ານຜ່າຂໍ້ຫຍຸ້ງຍາກ ແລະ ສິ່ງທ້າທາຍຕ່າງໆ ດ້ວຍບາດກ້າວຫັນປ່ຽນໃໝ່ ເປັນຕົ້ນການເປັນເຈົ້າພາບສະເຫຼີມສະຫຼອງວັນປົດປ່ອຍຜາຖີ່ຄົບຮອບ 50 ປີ, ວັນສ້າງຕັ້ງເມືອງ ວຽງໄຊຖານທີ່ຫມັ້ນຂອງການປະຕິວັດລາວຄົບຮອບ 50 ປີ, ຈັດກອງປະ ຊຸມລັດຖະບານ, ສັບປະດາວັດທະນະທໍາລະຫວ່າງແຂວງແທ່ງຮວ່າ ແລະ ເຊີນລາ ສສ ຫວຽດນາມ, ຈັດຕັ້ງການສ້ອມຮົບອິນຊີແດງ ແລະ ອື່ນໆ ມີຜົນສໍາເລັດທີ່ ໜ້າພາກພູມໃຈ. ​ແຕ່​ກໍ່ຍັງ​ມີ​ບາງຈຸດ​ອ່ອນ​ທີ່​ຕ້ອງ​ໄດ້​ແກ່​ໄຂ​ເປັນ​ຕົ້ນ​ແມ່ນ ການສຶກສາອົບຮົມການເມືອງ-ແນວຄິດ ແລະ ການຫັນເອົາມະຕິ IX ເປັນແຜນງານ, ໂຄງການລະອຽດ ຂອງຄະນະພັກແຕ່ລະຂັ້ນຍັງເຮັດບໍ່ເລິກເຊິ່ງ, ເຮັດແບບລວມໆ ບໍ່ແທດເຫມາະກັບຄວາມສາມາດ ແລະ ທ່າແຮງບົ່ມຊ້ອນ ເພື່ອນໍາເອົາຜົນປະໂຫຍດມາໃຫ້ແກ່ປະຊາຊົນຍັງຊັກຊ້າ, 3 ກະແສແນວຄິດຍັງຕິດຫ້ອຍຢູ່ນໍາສະມາຊິພັກ, ພະນັກງານ ແລະ ປະຊາ ຊົນບັນດາເຜົ່າຈໍານວນບໍ່ໜ້ອຍ; ການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍບໍ່ທັນເຂັ້ມງວດ ແລະ ສັກສິດ, ການປະຕິບັດແບ່ງຂັ້ນຄຸ້ມຄອງລະຫວ່າງແຂວງ-ເມືອງຍັງເຮັດບໍ່ທັນໄດ້ດີ; ການກວດກາ, ການເຜີຍແຜ່ກົດໝາຍ ແລະ ການແກ້ໄຂຄະດີຍັງມີລັກສະນະຊັກຊ້າ, ການຈັດຕັ້ງປະຕິບັດວຽກງານ 3 ສ້າງບໍ່ບັນລຸຕາມຄາດໝາຍ ມະຕິ​ກອງ​ປະຊຸມ​ຄັ້ງ​ນີ້ ຍັງ​ໄດ້​ວາງທິດທາງແຜນການ, ຄາດ ໝາຍສູ້ຊົນ 5 ປີຕໍ່ໜ້າ 2021-2025 ປັບປຸງກໍ່ສ້າງພັກໃຫ້ປອດໃສ, ເຂັ້ມແຂງ, ຫນັກແຫນ້ນ, ເພີ່ມທະວີຄວາມສາມັກຄີປວງຊົນບັນດາເຜົ່າ, ເອົາໃຈໃສ່ຄຸ້ມຄອງລັດ-ຄຸ້ມຄອງສັງຄົມດ້ວຍກົດຫມາຍ, ຕັ້ງຫນ້າພັດທະນາແຂວງຫົວພັນ ໃຫ້ຫຼຸດພົ້ນອອກຈາກ ຄວາມທຸກຍາກຕາມທິດສີຂຽວ ແລະ ຍືນຍົງ. ເພື່ອເຮັດໃຫ້ມະຕິຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງ ແລະ ແຜນພັດທະນາ. ເສດຖະກິດ-ສັງຄົມ 5 ປີ ຄັ້ງທີ IX (2021-2025) ຂອງແຂວງຫົວພັນໃຫ້ບັນລຸຜົນສໍາເລັດຕາມລະດັບຄາດຫມາຍສູງສຸຄັ້ງທີ 10 ຂອງອົງຄະພັກແຂວງຫົວພັນ.ດ, ພວກເຮົາຕ້ອງໄດ້ນໍາໃຊ້ 5 ທ່າແຮງ, 5 ທາງອອກ, 5 ນະໂຍບາຍ ແລະ 5 ມາດຕະການທີ່​ມະຕິ​ກອງ​ປະ​ຊຸມ​ໃຫຍ່ຄັ້ງທີ 10 ຂອງອົງຄະພັກແຂວງ​ໄດ້​ວາງ​ໄວ້.

 ຜ່ານ​ການ​ເຊື່ອມ​ຊຶມ​ເອກະສານ​ດັ່ງກ່າວ ​ໄດ້​ເຮັດ​ໃຫ້​ ສະມາຊິກ​ພັກ​, ພະນັກງານທັງໝົດມີ​ຄວາມ​ຮັບ​ຮູ້​ເຂົ້າ​​ໃຈ, ຄວາມໝາຍສໍາຄັນ, ​ເນື້ອ​ໃນ ເອກະສານ “ເຊື່ອມ​ຊຶມເນື້ອໃນກອງປະຊຸມໃຫຍ່ຄັ້ງທີ 10 ຂອງອົງຄະພັກແຂວງຫົວພັນ.” ກອງປະຊຸມໄດ້ສໍາເລັດລົງໃນເວລາ 11 ໂມງ 30 ຂອງວັນດັ່ງກ່າວຢ່າງຈົບງາມ.

• < ຕໍ່ໄປ
• ຕໍ່ໄປ >