32. ຄອຂ ສໍາເລັດການປະເມີນຜົນການຈັດຕັ້ງປະຕິບັດວຽກງານພະນັກງານ, ປະເມີນໜ່ວຍພັກປອດໃສ, ເຂັ້ມແຂງໜັກແໜ້ນ ປະຈໍາປີ 2021.

ຄອຂ ສໍາເລັດການປະເມີນຜົນການຈັດຕັ້ງປະຕິບັດວຽກງານພະນັກງານ, ປະເມີນໜ່ວຍພັກປອດໃສ, ເຂັ້ມແຂງໜັກແໜ້ນ ປະຈໍາປີ 2021.

       ວັນທີ 17-18 ພະຈິກ 2021 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ສໍາເລັດກອງປະຊຸມປະເມີນຜົນການຈັດຕັ້ງປະຕິບັດວຽກງານພະນັກງານ - ລັດຖະກອນ, ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021. ກອງປະຊຸມໄດ້ດໍາເນີນມາເປັນເວລາ 2 ວັນ ຢູ່ທີ່ຫ້ອງປະຊຸມຊັ້ນ IV ຫ້ອງວ່າການປົກຄອງ ແຂວງຫົວພັນ, ພາຍໃຕ້ການເປັນປະທານຂອງທ່ານ ຕົງ ລີເຕັ່ງ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງຫົວພັນ. ມີບັນດາທ່ານຕາງໜ້າມາຈາກພະແນກພາຍໃນແຂວງ, ຄະນະກວດກາພັກ, ພະແນກກວດກາລັດ, ຈັດຕັ້ງແຂວງ ພ້ອມດ້ວຍພະນັກງານ- ລັດຖະກອນ, ສະມາຊິກພັກ ເຂົ້າຮ່ວມທັງໝົດ 18 ສະຫາຍ, ຍິງ 7 ສະຫາຍ.

ໃນກອງປະຊຸມຜູ້ເຂົ້າ​ຮ່ວມ​ໄດ້​ຮັບ​ຟັງ​ບົດ​ສະຫຼຸບການນໍາພາ-ຊີ້ນໍາຂອງຄະນະພັກ ໃນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງໜ່ວຍພັກຄະນະໂຄສະນາອົບຮົມແຂວງປະຈໍາປີ 2021, ບົດສະຫຼຸບການຈັດຕັ້ງປະຕິບັດວຽກງານພະນັກງານ - ລັດຖະກອນປະຈໍາປີ 2021 ແລະ ແຜນການປະຈໍາປີ 2022 ເຊີ່ງ​ໄດ້​ຍົກ​ໃຫ້​ເຫັນ​ດ້ານ​ດີ​ຜົນງານ​ທີ່​ຈັດ​ຕັ້ງ​ປະຕິບັດ​ໃນ​ໄລຍະ​ຜ່ານ​ມາ, ດ້ານ​ອ່ອນ​ຄົງ​ຄ້າງ​ທີ່​ຈະ​ໄດ້​ປັບປຸງ​ແກ້​ໄຂ​ໃນ​ຕໍ່ໜ້າ ​ແລະ ພ້ອມ​ກັນ​ປະກອບ​ຄໍາ​ຄິ​ດຄໍາ​ເຫັນ​ໃສ່​ບົດ​ສະຫຼຸບ​ໃຫ້​ຈະ​ແຈ້ງ​ສົມບູນຂຶ້ນຕື່ມ. ກອງປະຊຸມໄດ້ຜ່ານ​ບົດ​ສໍາຫຼວດຕົນ​ເອງ ແລະ ລົງຄະແນນສຽງປິດລັບເພື່ອປະເມີນຜົນພະນັກງານ-ລັດຖະກອນ ແລະ ໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຜ່ານການປະເມີນຜົນຕົວຈິງສະມາຊິກພັກປອດໃສ, ເຂັ້ມແຂງ, ໜັກແໜ້ນ ແມ່ນໄດ້ 17 ສະຫາຍ, ຍິງ 7 ສະຫາຍເທົ້າກັບ 100 % ແລະ ສະເໜີຄະນະພັກຂັ້ນເທິງຮັບຮອງເອົາເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຄັ້ງທີ 4 ປີ 2021 ແລະ ຜົນການປະເມີນຂອງພະນັກງານ - ລັດຖະກອນ ແມ່ນໄດ້ປະເພດດີຫຼາຍ 17 ສະຫາຍ, ຍິງ 7 ສະຫາຍ ເທົ້າກັບ 100 %.

ຕອນທ້າຍຂອງພິທີໄດ້ຮັບຟັງການໂອ້ລົມຂອງທ່ານ ຕົງ ລີເຕັ່ງ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງຫົວພັນ, ໄດ້ເໜັ້ນໜັກວ່າ: ພະນັກງານ, ສະມາຊິກພັກ ຕ້ອງພ້ອມກັນສືບຕໍ່ສູ້ຊົນຕັ້ງໜ້າເປັນແບບຢ່າງດ້ານແນວຄິດ ແລະ ການກະທໍາ ກໍຄືຄຸນສົມບັດສິນທໍາປະຕິວັດ, ພ້ອມກັນເສີຍຂະຫຍາຍຄວາມເປັນເຈົ້າການ, ໃຊ້ຫົວຄິດປະດິດສ້າງໃຫ້ສູງກວ່າເກົ່າ, ນໍາເອົາເນື້ອໃນກອງປະຊຸມຄັ້ງນີ້ໄປຜັນຂະຫຍາຍເຂົ້າສູ່ຂະເເໜງການຂອງຕົນ, ເຮັດໃຫ້ທຸກຄົນເຊື່ອມຊຶມ ແລະ ປະຕິບັດໃຫ້ຖືກຕ້ອງ ໃຫ້ກາຍເປັນຂະບວນການເຄື່ອນໄຫວຂອງມະຫາຊົນຢ່າງກ້ວາງຂວາງ ແລະ ບັນລຸຜົນຕົວຈິງ.

ຄຳນັບຮັບຕ້ອນກອງປະຊຸມໃຫຍ່ຄັ້ງທີ່ X ຂອງພັກ

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ວາລະສານອາລຸນໃໝ່

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 12  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

156741
ມື້ນີ້ມື້ນີ້86
ມື້ວານນີ້ມື້ວານນີ້51
ອາທິດນີ້ອາທິດນີ້137
ເດືອນນີ້ເດືອນນີ້137
ທັງໝົດທັງໝົດ156741