31. ສໍາເລັດການລົງຕິດຕາມຊຸກຍູ້ການຈັດຕັ້ງຜັນຂະຫຍາຍ ມະຕິ XI ຂອງພັກ ແລະ ມະຕີ X ຂອງອົງຄະນະພັກແຂວງຢູ່ບ້ານເມືອງແວ່ນ, ເມືອງຊໍາເໜືອ

ສ້າງຂື້ນເມື່ອ ວັນພະຫັດ, 25 ພະຈິກ 2021 02:22
ຂຽນໂດຍ ຄອຂ ຫົວພັນ

 

ສໍາເລັດການລົງຕິດຕາມຊຸກຍູ້ການຈັດຕັ້ງຜັນຂະຫຍາຍ

ມະຕິ XI ຂອງພັກ ແລະ ມະຕີ X ຂອງອົງຄະນະພັກແຂວງຢູ່ບ້ານເມືອງແວ່ນ, ເມືອງຊໍາເໜືອ

ໃນຕອນເຊົ້າຂອງວັນທີ່ 12 ພະຈິກ 2021 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ສົມທົບກັບຄະນະໂຄສະນາອົບຮົມເມືອງຊໍາເໜືອ, ລົງຕິດຕາມ, ຊຸກຍູ້ການຈັດຕັ້ງຜັນຂະຫຍາຍມະຕິ XI ຂອງພັກ ແລະ ມະຕິ X ຂອງອົງຄະນະພັກແຂວງຫົວພັນ ຢູ່ເຂດບ້ານເມືອງແວ່ນ, ເມືອງຊໍາເໜືອ, ກອງປະຊຸມໄດ້ດໍາເນີນມາເປັນເວລາ 1 ຕອນ, ໂດຍພາຍໃຕ້ການເປັນປະທານຂອງ ທ່ານ ແປ້ນ ໄຊຍະທໍາ ຮອງຫົວໜ້າຄະນະໂຄສະນາອົບຮົມແຂວງຫົວພັນ ແລະ ທ່ານ ລີວັນ ພິທັກ ກໍາມະການພັກເມືອງຜູ້ຊື້ນໍາເຂດແວ່ນ ພ້ອມດ້ວຍທິມງານຂອງແຂວງ ແລະ ເມືອງ, ເລຂາພັກບ້ານ, ນາຍບ້ານ 15 ບ້ານ, ບັນດາອົງການຈັດຕັ້ງຂອງບ້ານ ແລະ ພໍ່ແມ່ປະຊາຊົນ 4 ບ້ານໃກ້ຄຽງເຂົ້າຮ່ວມຢ່າງພ້ອມພຽງ.

ການລົງຕິດຕາມ, ຊຸກຍູ້ການຈັດຕັ້ງຜັນຂະຫຍາຍມະຕິ XI ຂອງພັກ ແລະ ມະຕີ X ຂອງອົງຄະນະພັກແຂວງຫົວພັນ ຢູ່ເຂດບ້ານເມືອງແວ່ນໃນຄັ້ງນີ້ໄດ້ຮັບຟັງການາຍງານສ່ອງແສງສະພາບວມຂອງບ້ານ ແລະ ດ້ານທີ່ພົ້ນເດັ່ນ ແລະ ດ້ານຫຍໍ້ທໍ້ຈາກເລຂາພັກບ້ານ, ນາຍບ້ານໆເມືອງແວ່ນໃນນີ້: ບ້ານເມືອງແວ່ນເປັນບ້ານໜຶ່ງໃນຈໍານວນ 110 ບ້ານຂອງເມືອງຊໍາເໜືອ ຫາງຈາກຕົວເມືອງຊໍາເໜືອໄປທາງທິດໃຕ້ປະມານ 50 ກວ່າກິໂລແມັດ, ມີພົນລະເມືອງທັງໝົດ 474 ຄົນ, ຍິງ 237 ຄົນ, ມີສະມາຊິກພັກທັງໝົດ 38 ສະຫາຍ, ຍິງ 8 ສະຫາຍ, ມີ 90 ຫຼັງຄາເຮືອນ, ມີ 109 ຄອບຄົວ, ຍັງມີຄອບຄົວທຸກຍາກ 3 ຄອບຄົວ; ສ່ວນໃຫຍ່ແມ່ນເຮັດນາ, ປູກຝັງລ້ຽງສັດ, ຕໍ່າຫູກທໍ່ໄໝ, ຈັກສານເປັນສິ່ງສໍາຮອງ, ມີເນື້ອທີ່ນາທັງໝົດ 40 ກວ່າເຮັກຕາ, ສະເລ່ຍເຂົ້າຜູ້ 1 ໄດ້ຮັບເຂົ້າ 300 ກວ່າກິໂລຕໍ່ຄົນຕໍ່ປີ; ຜ່ານການລາຍງານຂອງນາຍບ້ານ, ທີມງານເຈາະຈີ້ມ ແລະ ກອງປະຊຸມຍັງໄດ້ສົນທະນາແລກປ່ຽນບົດຮຽນລະຫວ່າງແຂວງ, ເມືອງ ແລະ ບ້ານ ເພື່ອຄວາມຮັບຮູ້ເຂົ້າໃຈເລີກເຊິ່ງ ແລະ ມີຄວາມເປັນເອກະພາບກັນກ່ຽວກັບການຜັຍຂະຫຍາຍແນວທາງນະໂຍບາຍຂອງພັກ, ກົດໝາຍຂອງລັດ, ໃຫ້ມີການຫັນປ່ຽນທາງດ້ານທັດສະ ນະຄວາມຮັບຮູ້ແນວຄິດ ແລະ ການກະທໍາທີ່ເປັນເອກະພາບກັບແນວທາງນະໂຍບາຍຂອງພັກ, ສົ່ງເສີມດ້ານຕັ້ງໜ້າ, ແກ້ໄຂບັນຫາດ້ານຫຍໍ້ທໍ້ຕ່າງໆທີ່ເກີດຂື້ນ, ສ້າງຄວາມເຊື້ອໝັ້ນຂອງການນໍາຂອງພັກ ແລະ ການຄຸ້ມຄອງຂອງລັດ.

ໃນຕອນທ້າຍຂອງກອງປະຊຸມຍັງໄດ້ຮັບຟັງການໂອ້ລົມໃຫ້ທິດຊີ້ນໍາຈາກທ່ານ ແປ້ນ ໄຊຍະທໍາ ຮອງຫົວໜ້າຄະນະໂຄສະນາອົບຮົມແຂວງຫົວພັນ ແລະ ແກ້ໄຂຂໍ້ຂ້ອງໃຈຂອງຄະນະພັກ, ອໍານາດການປົກຄອງ ແລະ ປະຊາ ຊົນບັນດາເຜົ່າໃນເຂດດັ່ງກ່າວ, ໃນນັ້ນທ່ານຍັງໄດ້ເໜັ້ນໜັກໃຫ້ນາດການປົກຄອງບ້ານຕ້ອງເປັນເຈົ້າການໃນການ ນໍາພາຈັດຕັ້ງປະຕິວັດແນວທາງຂອງພັກກໍ່ຄືການຫັນເອົາການຜະລິດມາເປັນສິນຄ້າ ພ້ອມທັງສະເໜີໃຫ້ຄະນະພັກ, ອໍານາດການປົກຄອງ ແລະ ປະຊາຊົນ ບັນດາເຜົ່າເພີ່ມທະວີຄວາມຄວາມສາມັກຄີເອົາໃຈໃສ່ພັດທະນາຄອບຄົວຂອງຕົນເອງ ໃຫ້ເປັນຄອບຄົວພັດທະນາ, ຄອບຄົວວັດທະນາທໍາ ແລະ ພ້ອມກັນເອົາໃຈໃສ່ສະກັດກັ້ນ, ຕ້ານໂຄວິດ-19 ແລະ ປະກົດການຫຍໍ້ທໍ້ອື່ນໆໃຫ້ດີກວ່າເກົ່າ.