68. ຄອຂ ສໍາເລັດການປະເມີນຜົນການຈັດຕັ້ງປະຕິບັດວຽກງານພະນັກງານ ລັດຖະກອນ ແລະ ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2022

ຄະນະໂຄສະນາອົບຮົມແຂວງ ສໍາເລັດການປະເມີນຜົນການຈັດຕັ້ງປະຕິບັດວຽກງານພະນັກງານ ລັດຖະກອນ ແລະ ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2022.

       ວັນທີ 2-3 ພະຈິກ 2022 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ສໍາເລັດກອງປະຊຸມປະເມີນຜົນການຈັດຕັ້ງປະຕິບັດວຽກງານພະນັກງານ - ລັດຖະກອນ ແລະ ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2022. ກອງປະຊຸມໄດ້ດໍາເນີນມາເປັນເວລາ 2 ວັນ ຢູ່ທີ່ຫ້ອງປະຊຸມຊັ້ນ IV ຕືກຫ້ອງວ່າການປົກຄອງ ແຂວງຫົວພັນ ຫຼັງເກົ່າ, ພາຍໃຕ້ການເປັນປະທານຂອງ ສະຫາຍ ຕົ່ງລີ ເຕັ່ງ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງຫົວພັນ. ມີບັນດາທ່ານຕາງໜ້າມາຈາກພະແນກພາຍໃນແຂວງ, ຄະນະກວດກາພັກ-ລັດ, ຄະນະຈັດຕັ້ງແຂວງ ພ້ອມດ້ວຍພະນັກງານ - ລັດຖະກອນ, ສະມາຊິກພັກ ເຂົ້າຮ່ວມທັງໝົດ 18 ສະຫາຍ, ຍິງ 8 ສະຫາຍ.

   ໃນກອງປະຊຸມຜູ້ເຂົ້າ​ຮ່ວມ​ໄດ້​ຮັບ​ຟັງ​ບົດ​ສະຫຼຸບການນໍາພາ-ຊີ້ນໍາຂອງຄະນະພັກ ໃນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງໜ່ວຍພັກຄະນະໂຄສະນາອົບຮົມແຂວງປະຈໍາປີ 2022, ບົດສະຫຼຸບການຈັດຕັ້ງປະຕິບັດວຽກງານພະນັກງານ - ລັດຖະກອນປະຈໍາປີ 2022 ແລະ ແຜນການປະຈໍາປີ 2023 ເຊີ່ງ​ໄດ້​ຍົກ​ໃຫ້​ເຫັນ​ດ້ານ​ດີ​ຜົນງານ​ທີ່​ຈັດ​ຕັ້ງ​ປະຕິບັດ​ໃນ​ໄລຍະ​ຜ່ານ​ມາ, ດ້ານ​ອ່ອນ​ຄົງ​ຄ້າງ​ທີ່​ຈະ​ໄດ້​ປັບປຸງ​ແກ້​ໄຂ​ໃນ​ຕໍ່ໜ້າ, ກອງປະຊຸມຍັງໄດ້ພ້ອມ​ກັນ​ປະກອບ​ຄໍາ​ຄິ​ດຄໍາ​ເຫັນ​ໃສ່​ບົດ​ສະຫຼຸບ​ໃຫ້​ຈະ​ແຈ້ງ​ສົມບູນຂຶ້ນຕື່ມ. ໃນກອງປະຊຸມໄດ້ຜ່ານ​ບົດ​ສໍາຫຼວດຕົນ​ເອງ ແລະ ລົງຄະແນນສຽງປິດລັບເພື່ອປະເມີນຜົນພະນັກງານ-ລັດຖະກອນ ແລະ ໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຜ່ານການປະເມີນຜົນຕົວຈິງສະມາຊິກພັກປອດໃສ, ເຂັ້ມແຂງ, ໜັກແໜ້ນ ແມ່ນໄດ້ 18 ສະຫາຍ, ຍິງ 8 ສະຫາຍ, ແລະ ສະເໜີຄະນະພັກຂັ້ນເທິງຮັບຮອງເອົາເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ປະຈຳປີ 2022 ແລະ ຜົນການປະເມີນຂອງພະນັກງານ - ລັດຖະກອນ ຜ່ານການປະເມີນຕີລາຄາ ມີປະເພດດີເລີດ ແລະ ດີ.

   ຕອນທ້າຍຂອງພິທີໄດ້ຮັບຟັງການໂອ້ລົມຂອງ ສະຫາຍ ຕົງ ລີເຕັ່ງ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງຫົວພັນ ເຊີ່ງທ່ານໄດ້ເໜັ້ນໜັກໃຫ້ ພະນັກງານ, ສະມາຊິກພັກ ຕ້ອງພ້ອມກັນສືບຕໍ່ຮັກສາມູນເຊື້ອຜົນງານຂອງ ຄະນະໂຄສະນາອົບຮົມແຂວງພວກເຮົາທີ່ຍາດມາໄດ້ໃນໄລຍະທີ່ຜ່ານມາເຖິງຈະມີຄວາມຫຍຸ້ງຫຍາກ ແຕ່ພວກເຮົາກໍ່ພ້ອມກັນເຮັດສຳເລັດໜ້າທີ່ ທີ່ໄດ້ຮັບການມອບໝາຍ, ສືບຕໍ່ຮັກສາຄວາມສາມັກຄີເປັນປືກແຜ່ນຊ່ວຍເຫຼືອເຊີ່ງກັນ ແລະ ກັນ, ເປັນເສນາທິການ ໃນການເຮັດວຽກງານ ການເມືອງ - ແນວຄິດໃຫ້ຄະນະພັກຂັ້ນເທີງຕາມສິດ ແລະ ພາລະບົດບາດຂອງຕົນ; ສຶບຕໍ່ແກ້ໄຂຈຸດອ່ອນຄົງຄ້າງທີ່ໝູ່ຄະນະຕຳນິສົ່ງຂ່າວເພື່ອພ້ອມກັນກ້າວໜ້າ.

 

ຄຳນັບຮັບຕ້ອນກອງປະຊຸມໃຫຍ່ຄັ້ງທີ່ X ຂອງພັກ

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ວາລະສານອາລຸນໃໝ່

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

198869
ມື້ນີ້ມື້ນີ້90
ມື້ວານນີ້ມື້ວານນີ້230
ອາທິດນີ້ອາທິດນີ້1249
ເດືອນນີ້ເດືອນນີ້889
ທັງໝົດທັງໝົດ198869

 

?>