ຄະນະໂຄສະນາອົບຮົມເມືອງຊໍາເໜືອ ເປີດກອງປະຊຸມສະຫຼຸບວຽກງານໂຄສະນາອົບຮົມ ປະຈໍາປີ 2019.

ລາຍລະອຽດ

ສ້າງຂື້ນເມື່ອ ວັນຈັນ, 09 ທັນວາ 2019 04:11

ຄະນະໂຄສະນາອົບຮົມ​ເມືອງ​ຊໍາ​ເໜືອ

ເປີດກອງປະຊຸມສະຫຼຸບວຽກງານໂຄສະນາອົບຮົມ ປະ​ຈໍາປີ 2019.

        ໃນວັນທີ 26  ພະຈິກ 2019 ຜ່ານມານີ້, ຄະນະໂຄສະນາອົບຮົມ​ເມືອງ​ຊໍາ​ເໜືອ ໄດ້ເປີດກອງປະຊຸມສະຫຼຸບວຽກງານຄະນະໂຄສະນາອົບຮົມທົ່ວເມືອງ​ຊໍາ​ເໜືອ ປະ​ຈໍາປີ ປີ 2019​ ແລະ ວາງທິດທາງແຜນການ ປີ 2020​ ຂື້ນທີ່ຫ້ອງປະຊຸມໃຫຍ່ຊັ້ນ 2 ຫ້ອງວ່າການເມືອງ​ຊໍາ​ເໜືອ ເປັນເວລາ 1 ຕອນ. ພາຍໃຕ້ການເປັນປະທານຂອງທ່ານ ​ແປ້ນ​ ໄຊ​ຍະ​ທໍາ ​ເລຂາໜ່ວຍພັກ, ຮອງຄະນະໂຄສະນາອົບຮົມແຂວງຫົວພັນ ແລະ ການເຂົ້າຮ່ວມຂອງ ທ່ານ ຫຼ້າວອນ ບຸນ​ພະຈັນ ຄະນະປະຈໍາພັກ​ເມືອງ, ຫົວໜ້າຄະນະໂຄສະນາອົບຮົມ​ເມືອງ, ຜູ້ຊີ້ນໍາວຽກງານແນວຄິດ - ທິດສະດີຂັ້ນ​ເມືອງ, ມີບັນດາຫົວໜ້າ, ຮອງຫົວໜ້າຫ້ອງການອ້ອມຂ້າງ​ເມືອງ ແລະ

ພະນັກງານ-ລັດຖະກອນທີ່ສັງກັດຢູ່ໂຄສະນາອົບຮົມແຂວງເຂົ້າຮ່ວມທັງໝົດ 26 ຄົນ, ຍິງ 12 ຄົນ.

ໃນກອງປະຊຸມຜູ້ເຂົ້າ​ຮ່ວມ​ໄດ້​ຮັບ​ຟັງການຜ່ານຮ່າງບົດສະຫຼຸບການເຄື່ອນໄຫວວຽກງານໂຄສະນາອົບຮົມປະຈໍາປີ 2019 ແລະ ວາງທິດທາງແຜນການປະຈໍາປີ 2020. ເຊີ່ງ​ໄດ້​ຍົກ​ໃຫ້​ເຫັນ​ດ້ານ​ດີ​ຜົນງານ​ທີ່​ຈັດ​ຕັ້ງ​ປະຕິບັດ​ໃນ​ໄລຍະ​ຜ່ານ​ມາ, ດ້ານ​ອ່ອນ​ຄົງ​ຄ້າງ​ທີ່​ຈະ​ໄດ້​ປັບປຸງ​ແກ້​ໄຂ​ໃນ​ຕໍ່ໜ້າ ​ແລະ ພ້ອມ​ກັນ​ປະກອບ​ຄໍາ​ຄິ​ດຄໍາ​ເຫັນ​ໃສ່​ບົດ​ສະຫຼຸບ​ໃຫ້​ຈະ​ແຈ້ງ​ສົມບູນຂຶ້ນຕື່ມ.

ໃນຕອນທ້າຍ ເພື່ອເຮັດໃຫ້ເນື້ອໃນກອງປະຊຸມໄດ້ຮັບການຈັດຕັ້ງປະຕິບັດໃຫ້ເກີດດອກອອກຜົນນັ້ນ ກອງປະ ຊຸມໄດ້ຮັຍຟັງການໂອ້ລົມຈາກທ່ານ ​ແປ້ນ​ໄຊ​ຍະ​ທໍາ ​ເລຂາໜ່ວຍພັກ, ຮອງຄະນະໂຄສະນາອົບຮົມແຂວງຫົວພັນ ທ່ານໄດ້ເໜັ້ນໜັກບາງບັນຫາດັ່ງນີ້: ເອົາໃຈໃສ່ການສຶກສາອົບຮົມການເມືອງ-ແນວຄິດໃຫ້ພະນັກງານ, ສະມາຊິກພັກ, ປະຊາ ຊົນບັນດາເຜົ່າຢ່າງທົ່ວເຖິງ ​ແລະ ວຽກງານ​ນີ້​ກໍສອດ​ຮ້ອຍ​ໄປ​ທຸກ​ຂົງ​ເຂດ​ວຽກງານ. ເອົາໃຈໃສ່ໃນການເຊື່ອມຊຶມເອກະ ສານການເມືອງ-ແນວຄິດ, ມະຕິຄໍາສັ່ງຂອງພັກ, ຂອງຊາດ, ລະ ບຽບກົດໝາຍຂອງລັດ, ຂອງພັກ ແລະ ນິຕິກໍາອື່ນໆ. ປາຖະກະຖາເລົ່າມູນເຊື້ອວັນສໍາຄັນຂອງພັກ, ຂອງຊາດ ແລະ ສາກົນໃຫ້ເປັນຂະບວນການທີ່ຝົດຟື້ນກວ່າເກົ່າ. ພວກເຮົາຕ້ອງເພີ່ມທະວີບົດບາດ ແລະ ຄວາມສາມາດນໍາພາຕໍ່ທຸກຂົງເຂດວຽກງານໂດຍຢຶດໜັ້ນ 6 ຫຼັກການປຽ່ນແປງໃໝ່, ທັງຕ້ອງມີຄວາມເດັດດ່ຽວປະດິດສ້າງໃນການຄົ້ນຄ້ວາກໍາລັງແຮງສັງລວມ ແລະ ນໍາໃຊ້ກາລະໂອກາດໃຫ້ມີຜົນສໍາເລັດ, ສືບ ຕໍ່ເສີມຂະຫຍາຍວຽກງານ 3 ສ້າງໃຫ້ຫຼາຍຂຶ້ນ; ກອງປະຊຸມໄດ້ສໍາເລັດລົງໃນເວລາ 11 ໂມງ 00 ຂອງວັນດັ່ງກ່າວຢ່າງຈົບງາມ.

• < ຕໍ່ໄປ
• ຕໍ່ໄປ >