ແຂວງຫົວພັນສໍາເລັດປາຖະກະຖາ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢູ່ບັນດາເມືອງ.

ແຂວງຫົວພັນສໍາ​ເລັດປາຖະກະຖາ

ວັນ​ສ້າງ​ຕັ້ງ​ພັກ​ປະຊາຊົນ​ປະຕິວັດ​ລາວ ຄົບຮອບ 65 ປີ ຢູ່​ບັນດາ​ເມືອງ.

        ​ໃນ​ລະຫວ່າງວັນທີ 10-13 ມີນາ 2020 ນີ້, ແຂວງຫົວພັນໄດ້ຈັດພິທີປາຖະກະຖາ  ວັນປະ ຫວັດສາດທີ່ສໍາຄັນຂອງພັກ, ຂອງຊາດຄື: ວັນສ້າງຕັ້ງພັກປະຊາຊົນລາວ ຄົບຮອບ 65 ປີ (22 ມີນາ 1955 - ​22 ມີນາ 2020 ), ຢູ່ທີ່ສະໂມສອນຂອງ​ເມືອງ 7 ​ເມືອງ​ຄື: ຊຽງ​ຄໍ້, ຫົວ​ເມືອງ, ​ແອດ, ຮ້ຽມ, ຊ່ອນ, ວຽງ​ໄຊ ​ແລະ ​ເມືອງ​ສົບ​ເບົາ ຂອງແຂວງຫົວພັນ ໂດຍການເຂົ້າຮ່ວມ ເລຂາພັກເມືອງ, ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການອົງການທຽບເທົ່າຂັ້ນເມືອງ, ຫົວໜ້າ-ຮອງຫົວໜ້າໜ່ວຍງານ, ​ເລຂາ-ຮອງເລຂາພັກບ້ານ, ອໍານາດການປົກຄອງບ້ານ, ຫົວໜ້າ-ຮອງຫົວໜ້າແນວໂຮມບ້ານ, ອົງການຈັດຕັ້ງມາຫາຊົນ, ນາຍແລະ ພົນທະຫານ, ນາຍແລະ ພົນຕໍາຫຼວດ, ພະນັກງານບໍານານ, ພະນັກງານ​-ລັດຖະກອນ, ຄູ-ອາຈານ, ນັກຮຽນ, ນັກສຶກສາຕະຫຼອດເຖີງປະຊາ ຊົນບັນດາເຜົ່າຢູ່ຮາກຖານບ້ານເທດສະບານເມືອງມີ​ຄົນເຂົ້າຮ່ວມທັງໝົດ 1.528 ກວ່າຄົນ, ຍິງ 614 ຄົນ.

ໃນພິທີບັນດາ​ສະຫາຍ ຄະນະປະຈໍາພັກແຂວງໄດ້ຂຶ້ນປາຖະກະຖາເລົ່າມູນເຊື້ອຄວາມໝາຍສໍາຄັນ ວັນສ້າງຕັ້ງພັກປະຊາຊົນລາວ ຄົບຮອບ 65 ປີ ​ແລະ ​ ​​ເຜີຍ​ແຜ່ເອກະສານ​ການ​ຮ່ວມມື​ພັດທະນາ​ແລວ​ທາງ​ເສດຖະກິດ​ ​ລາວ-ຈີນ ​ແລະ ແຜນ​ແມ່​ບົດ​ວ່າ​ດ້ວຍ​ການ​ສ້າງ​ຄູ່​ຮ່ວມ​ສະ​ຕາ​ກໍາ​ລາວ-ຈີນ​ລະ ຫວ່າງ​ພັກ​ ປ/ຊປ/ວ ລາວ​ກັບ​ພັກ​ກອມ​ມູນິຈີນ ​ແລະ ​ເອກະສານ​ສໍາຄັນ​ອື່ນໆ​ ພິທີປາຖະກະຖາດັ່ງກ່າວ​ເພື່ອໂຄສະນາ​ສຶກສາ​ອົບຮົມ​ການ​ເມືອງ ​- ແນວ​ຄິດເຮັດໃຫ້ພະນັກງານ, ສະມາຊິກພັກ, ທະຫານ, ຕໍາຫຼວດ, ນັກຮຽນຮູ້, ນັກສຶກສາ-ປັນຍາຊົນ ແລະ ປະຊາຊົນບັນດາເຜົ່າໃນທົ່ວແຂວງຫົວພັນ ມີຄວາມຮັບຮູ້ເຂົ້າໃຈເລິກເຊິ່ງ ກ່ຽວກັບມູນເຊື້ອປະຫວັດສາດ, ມູນເຊື້ອແຫ່ງການຕໍ່ສູ້ກູ້ຊາດອັນພິລະອາດຫານທີ່ເຕັມໄປດ້ວຍການເສຍສະຫຼະຂອງກອງທັບ ແລະ ປະຊາຊົນລາວບັນດາເຜົ່າ ໂດຍພາຍໃຕ້ການນຳພາອັນສະຫຼາດສ່ອງໃສ່ຂອງພັກປະຊາຊົນປະຕິວັດລາວ ຕ້ານການຮຸກຮານຂອງພວກລ່າເມືອງຂຶ້ນແບບເກົ່າ ແລະ ແບບໃໝ່, ເພື່ອ​ສ້າງ​ຄວາມ​ຮັບ​ຮູ້​ເຂົ້າ​ໃຈ​ໃຫ້​ພະນັກງານ​ - ລັດຖະກອນ ຕື່ມ​ນັ້ນ​ສະ ຫາຍ​ຄະນະ​ປະ​ຈໍາ​ພັກ​ແຂວງ​ຍັງ​ ເຜີຍ​ແຜ່ເອກະສານ​ການ​ຮ່ວມມື​ພັດທະນາ​ແລວ​ທາງ​ເສດຖະກິດ​ ​ລາວ-ຈີນ ​ແລະ ແຜນ​ແມ່​ບົດ​ວ່າ​ດ້ວຍ​ການ​ສ້າງ​ຄູ່​ຮ່ວມ​ສະ​ຕາ​ກໍາ​ລາວ-ຈີນ​ລະຫວ່າງ​ພັກ​ ປ/ຊປ/ວ ລາວ​ກັບ​ພັກ​ກອມ​ມູນິຈີນ ​ແລະ ​ເອກະສານ​ສໍາຄັນ​ອື່ນໆ. ໄປພ້ອມກັບວຽກງານໂຄສະນາ​-ປາຖະກະຖາທາງຄະນະໂຄສະນາອົບຮົມ​ແຂວງ​ຍັງໄດ້​ນໍາ​ເອົາກອງ​ໂຄສະນາ​ເຄື່ອນ​ທີ່ ເຄື່ອນໄຫວນໍາເອົາ ມູນເຊື້ອຂອງຊາດ ຂອງພັກ ແລະ ສາລະຄະດີຄອບຄົວຕົວແບບນໍາໄປສາຍຢູ່ສອງຈຸດຄື: ເມືອງແອດ ບ້ານເມືອງຊຶ່ມ ແລະ ຊຽງຄໍ້ ບ້ານຜາ ໃຫ້ພໍ່ແມ່ພີ່ນ້ອງປະຊາຊົນຂອງສອງບ້ານໄດ້ຮັບຮູ້ມູນເຊື້ອ ແລະ ໄຊສະນະປະຫວັດສາດຂອງພະລະກິດແຫ່ງການຕໍ່ສູ້ປົດປ່ອຍຊາດໃນເມື່ອກ່ອນ ແລະ ຜົນສໍາເລັດໃນພາລະກິດການປົກປັກຮັກສາ ແລະ ພັດທະນາປະເທດຊາດ ພາຍໃຕ້ການນໍາພາຂອງພັກເຮົາ. ເຫັນໄດ້ບົດຮຽນໃນການສ້າງສາເສດຖະກິດ ແລະ ຄອບຄົວຕົວແບບໃນການປູກ, ການລ້ຽງ.

ການລົງເຄື່ອນໄຫວວຽກງານທັງໝົດນັ້ນແມ່ນເປັນການສ້າງຂະບວນການ ການຂໍ່ານັບຮັບຕ້ອນວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ທີ່ຈະມາເຖິງໃນວັນທີ 22 ມີນາ 2020.

ສາຍພົວພັນລາວ-ຫວຽດນາມ

ຄຳນັບຮັບຕ້ອນກອງປະຊຸມໃຫຍ່ຄັ້ງທີ່ X ຂອງພັກ

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ວາລະສານອາລຸນໃໝ່

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 2  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

95393
ມື້ນີ້ມື້ນີ້17
ມື້ວານນີ້ມື້ວານນີ້69
ອາທິດນີ້ອາທິດນີ້112
ເດືອນນີ້ເດືອນນີ້86
ທັງໝົດທັງໝົດ95393