ຍິນດີຕ້ອນຮັບເຂົ້າສູ່ເວັບໄຊສ໌ຄະນະໂຄສະນາອົບຮົມແຂວງຫົວພັນ                                                                                    

ຄະນະໂຄສະນາອົບຮົມແຂວງສໍເລັດກອງປະຊຸມສະຫຼຸບ ວຽກງານໂຄສະນາອົບຮົມວຽກງານການເມືອງ-ແນວຄິດທົ່ວແຂວງຫົວພັນ.

ຄະນະໂຄສະນາອົບຮົມແຂວງສໍ​ເລັດກອງປະຊຸມສະຫຼຸບ

ວຽກງານໂຄສະນາອົບຮົມວຽກ​ງານ​ການ​ເມືອງ-​ແນວ​ຄິດທົ່ວແຂວງຫົວພັນ.

        ໃນວັນທີ 25-26  ກຸມພາ 2020 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ເປີດກອງປະຊຸມສະຫຼຸບວຽກງານຄະນະໂຄສະນາອົບຮົມວຽກ​ງານ​ການ​ເມືອງ-​ແນວ​ຄິດທົ່ວແຂວງຫົວພັນ ຂຶ້ນທີ່ຫ້ອງປະຊຸມໃຫຍ່ຊັ້ນ V ຫ້ອງວ່າການປົກຄອງແຂວງຫົວພັນ. ພາຍໃຕ້ການເປັນປະທານຂອງທ່ານ ນາງ ແພງ ກັນຍາພິມ, ຮອງເລຂາຄະນະບໍລິຫານງານພັກແຂວງ, ຮອງເຈົ້າແຂວງໆຫົວພັນ ແລະ ການເຂົ້າຮ່ວມຂອງ ທ່ານ ເພີດ ມາປັນຍາ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ຜູ້ຊີ້ນໍາວຽກງານແນວຄິດ - ທິດສະດີຂັ້ນແຂວງພ້ອມດ້ວຍຄະນະ, ມີບັນດາທ່ານຫົວໜ້າ, ຮອງຫົວໜ້າພະແນກການອ້ອມຂ້າງແຂວງ ຜູ້ທີ່ເຮັດວຽກງານການເມືອງ - ແນວຄິດອ້ອມຂ້າງແຂວງ ແລະ ບັນດາເລຂາພັກເມືອງ, ຮອງເລຂາພັກເມືອງຜູ້ຊີ້ນໍາວຽກງານແນວຄິດ - ທິດສະດີຂັ້ນເມືອງ, ຫົວໜ້າ, ຮອງຫົວໜ້າຄະນະໂຄສະນາອົບຮົມເມືອງ ແລະ ພະນັກງານລັດຖະກອນທີ່ສັງກັດຢູ່ໂຄສະນາອົບຮົມແຂວງເຂົ້າຮ່ວມທັງໝົດ 95 ກວ່າຄົນ, ຍິງ 27 ຄົນ.

ກອງປະຊຸມໄດ້ຮັບຟັງການຜ່ານບົດສະຫຼຸບການເຄື່ອນໄຫວວຽກງານໂຄສະນາອົບຮົມ 4 ປີ 2016-2019 ແລະ ວາງທິດທາງແຜນການ 5 ປີ 2020-2025 ​ແລະ ບົດສະຫຼຸບການເຄື່ອນໄຫວວຽກງານໂຄສະນາອົບຮົມປະຈໍາປີ 2019 ແລະ ວາງທິດທາງແຜນການປະຈໍາປີ 2020. ຫຼັງຈາກນັ້ນບັນດາທ່ານຜູ້ແທນກອງປະຊຸມໄດ້ພ້ອມກັນປະກອບຄໍາຄິດຄໍາເຫັນໃສ່ເນື້ອໃນ 2 ບົດສະຫຼຸບກໍຄືຄໍາ​ຖາມ​ເຈາະ​ຈີ້ມ​ຂອງ​ປະທານ​ຢ່າງ​ກົງ​​ໄປ​ກົງ​ມາ ແລະ ພ້ອມກັນເອກະພາບຮັບຮອງເອົານີ້​ເປັນ​ເກະສາ​ນດັ່ງກ່າວ. ເພື່ອເຮັດໃຫ້ເນື້ອໃນກອງປະຊຸມໄດ້ຮັບການຈັດຕັ້ງປະຕິບັດໃຫ້ເກີດດອກອອກຜົນນັ້ນ ກອງປະຊຸມໄດ້ຮັຍຟັງການໂອ້ລົມຈາກ ທ່ານ ນາງ ແພງ ກັນຍາພິມ, ຮອງເລຂາຄະນະບໍລິຫານງານພັກແຂວງ, ຮອງເຈົ້າແຂວງໆຫົວພັນ. ທ່ານໄດ້ເໜັ້ນໜັກບາງບັນຫາດັ່ງນີ້: ສະພາບສາກົນຍັງສືບຕໍ່ສັບສົນ, ພວກຈັກກະພັດຍັງບໍ່ປະລະເຈດ ຈໍານົງຂອງພວກເຂົາເວລາໃດກໍ່ຫາທຸກວິທີ່ທາງເພື່ອວາງກົນອຸບາຍມ້າງເພ, ໂຄ່ນລົ້ມປະເທດສັງຄົມນິຍົມເປັນຕົ້ນແມ່ນປະເທດຂອງພວກເຮົາ​ເວົ້າ​ລວມ ​ເວົ້າ​ສະ​ເພາະແຂວງ ຫົວພັນພວກເຮົາຍັງເປັນແຂວງຫນຶ່ງທີ່ມີຄວາມຫຍຸ້ງຍາກ ແລະ ເປັນເຂດທີ່ຫມັ້ນປະຫວັດສາດຂອງການປະຕິວັດ ສະນັ້ນ, ວຽກງານການເມືອງ-ແນວຄິດ ຍິ່ງຕ້ອງເພີ່ມທະວີຢ່າງຂະຍັນຂັນແຂງ ສຶກສາອົບຮົມເປົ້າຫມາຍຕ່າງໆ ໃຫ້ເລິກ ເຊິ່ງ ແລະ ທົ່ວເຖິງຕື່ມ, ເຮັດຫຼາຍລົບຫຼາຍຕ່າວ. ສໍາຄັນຕ້ອງສ້າງ ແລະ ນໍາໃຊ້ພາກສ່ວນທີ່ເຮັດວຽກງານແນວຄິດໃຫ້ເຂັ້ມແຂງ, ມີຄວາມພ້ອມຕອບໂຕ້ກັບພວກຄົນບໍ່ດີ. ວຽກງານການເມືອງ-ແນວຄິດ ຕ້ອງໄດ້ເນັ້ນຫນັກ ແລະ ຖືສໍາຄັນຄຸນນະພາບ, ປະສິດທິຜົນໂດຍການເລີ່ມຈາກການຍົກສູງຄວາມຮັບຜິດຊອບນໍາພາ-ຊີ້ນໍາ ຂອງຄະນະພັກທຸກຂັ້ນ, ທຸກຂະແຫນງການຕໍ່ ວຽກງໂຄສະນາອົບຮົມ ດ້ວຍການເອົາໃຈໃສ່ສ້າງແຜນງານ, ໂຄງການ, ແຜນການລະອຽດ ເພື່ອເຄື່ອນໄຫວເຮັດວຽກງານການເມືອງ-ແນວຄິດ ແລະ ວຽກງານໂຄສະນາອົບຮົມໃຫ້ສອດຄ່ອງກັບຫນ້າທີ່ການເມືອງຂອງພັກ ໃນແຕ່ລະໄລຍະ. ເພື່ອຍົກສູງວຽກງານການເມືອງ-ແນວຄິດ ໃຫ້ບັນດາສະຫາຍຄະນະ​ພັກ, ຄະນະ​ນໍາ, ສະມາຊິກ​ພັກ, ພະນັກງານ-ລັດຖະກອນ​ໂດຍຖືເອົາວຽກງານການເມືອງ-ແນວຄິດຕິດພັນກັບບັນດາແຜນງານທີ່ສະເໜີຜ່ານໄປນັ້ນ, ໃຫ້ເອົາບັນດາແຜນງານອັນລະອຽດຂອງພວກສະຫາຍເພື່ອນໍາໄປຈັດຕັ້ງປະຕິບັດໃຫ້ເກີດຜົນເປັນຈິງ, ໃນນີ້ຕ້ອງເອົາໃຈໃສ່ຕໍ່ກັບການສ້າງ ແລະ ຊີ້ນໍາຕາໜ່າງເພື່ອນຮ່ວມງານຫາງ​ສຽງ​ສັງຄົມ​ໃຫ້ມີການເຄື່ອນໄຫວ. ເພື່ອເກັບກໍາສະພາບ - ຫາງສຽງສັງຄົມເພາະມັນເປັນການປົກປ້ອງແນວທາງ, ຕີຖອຍການປັ່ນປ່ວນໃສ່ຮ້າຍປ້າຍສີແນວທາງ ແລະ ບົດບາດການນໍາຂອງພັກເຮົາ.

ໃນຕອນທ້າຍທ່ານ ເພີດ ມາປັນຍາ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ຜູ້ຊີ້ນໍາວຽກງານແນວຄິດ - ທິດສະດີຂັ້ນແຂວງ ໄດ້ຂນມອບໃບຍ້ອງຍໍຂອງທ່ານເຈົ້າແຂວງໃຫ້ແກ່ພະນັກງານ - ລັດຖະກອນ ຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດວຽກງານປະຈໍາສົກປີ 2019 ຂອງຄະນະໂຄສະນາອົບຮົມແຂວງ, ເມືອງຈໍານວນ 25 ໃບ. ກອງ​ປະຊຸມ​ດັ່ງ​ກ່າວ​ໄດ້ດໍາ​ເນີນ​ມາ​ເປັນ​ເວລາ 1 ວັນ​ເຄິ່ງ ​ແລະ ​ໄດ້​ປິດ​ລົງ​ໃນ​ເວລາ 10 ​ໂມງ​ເຊົ້າ​ຂອງ​ວັນ​ທີ 26 ກຸມພາ 2020 ຢ່າງ​ຈົມ​ງາມ.

ສາຍພົວພັນລາວ-ຫວຽດນາມ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 2  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

89905
ມື້ນີ້ມື້ນີ້20
ມື້ວານນີ້ມື້ວານນີ້30
ອາທິດນີ້ອາທິດນີ້12
ເດືອນນີ້ເດືອນນີ້377
ທັງໝົດທັງໝົດ89905